• $
  • €
  • ₽
  • ₺
  • £

Azərbaycanda "ailə kanalı" təklifi mübahisə doğurub

Azərbaycanda "ailə kanalı" təklifi mübahisə doğurub
02.06.2025 13:39

Azərbaycanda ailə mövzusuna həsr olunan xüsusi televiziya kanalının yaradılması təklif olunub. Bu təklifi Milli Məclisin Ailə, Qadın və Uşaq məsələləri komitəsinin sədri Hicran Hüseynova komitənin 2024-cü ilə dair yekun müzakirəsi zamanı səsləndirib.

Onun sözlərinə görə,  “Mədəniyyət” kanalı kimi ailəyə həsr olunan ayrıca bir televiziya kanalının olması da vacibdir.

“Audiovizual Şuranın tövsiyəsi ilə televiziyalarda gender bərabərliyi və mədəniyyətin təbliği istiqamətində proqramlar yayımlanıb. Amma bu kifayət deyil. Azərbaycanın gözəl ailə dəyərləri televiziyalarda niyə təbliğ olunmasın? Niyə ayrıca bir ailə kanalı olmasın?”, - Hüseynova deyib.

Media eksperti Qulu Məhərrəmli isə bu təşəbbüsə ehtiyatla yanaşır və qeyd edir ki, ayrıca ailə kanalının yaradılmasını real və effektiv hesab etmir.

“Milli dəyərlərin və ailə dəyərlərinin qorunması bu gün aktualdır. Amma düşünmürəm ki, ayrıca ailə kanalına geniş auditoriya toplanacaq. Bunun əvəzinə komitənin öz YouTube platformasını yaratması daha məqsədəuyğun ola bilər. Hazırda mövcud kanallarda ailəyə yönəlik debatlar, şoular və maarifləndirici proqramlar hazırlansa, daha çox diqqət çəkər”, - ekspert bildirib.

Sosioloq Elçin Bayramlı da ailə kanalının yaradılmasına qarşı çıxır və ideyanı gecikən, hətta gülünc adlandırır.

“Belə bir kanal 30-35 il əvvəl lazım idi. Amma o zaman əvəzinə efirlər şou proqramlarla dolduruldu. İndi isə insanların əksəriyyəti televiziyaya baxmır, xüsusilə də gənclər. Televizor evlərdə yalnız cizgi film göstəricisinə çevrilib. Bu kanalın yaradılmasına 0,1 faiz belə ehtiyac yoxdur. Üstəlik, ölkədə elm, təhsil və texnologiyaya həsr olunan kanallar yoxdur. Komitə isə ailə dəyərlərinin efirdə açıq şəkildə təhqir olunmasına susur”, - Bayramlı deyib.

Bayramlı Milli Məclisin Ailə, Qadın və Uşaq məsələləri komitəsinin fəaliyyətini də sərt tənqid edib.

“Bu komitəyə ayrılan vəsaitlər sanki zibilliyə atılıb. Bir dəfə də olsun onların efirdə ailə dəyərlərinin təhqirinə etiraz etdiyini görməmişik”, - o vurğulayıb.

Psixoloq Elnur Rüstəmov, Psixologiya Elmi-Tədqiqat İnstitutunun sədri olaraq, bu ideyanın əhəmiyyətini vurğulayıb və müsbət qiymətləndirib.

“Ailə institutunun qorunması və inkişafı üçün ayrıca televiziya platforması vacib və sosial cəhətdən zəruri addımdır. Hal-hazırda ailə psixologiyası, valideyn-övlad münasibətləri, ailədaxili konfliktlər kimi mühüm mövzular ya səthi, ya da reytinq naminə sensasiya formatında təqdim olunur. Bizə bu sahədə ixtisaslaşmış, maarifləndirici və təsirli verilişlər lazımdır”, - Rüstəmov deyib.

Onun fikrincə, “Ailə kanalı”nda bir neçə istiqamətdə proqramlar yayımlana bilər.

Qlobal təcrübə göstərir ki, bir çox ölkədə bu cür “ailə kanalları” əsasən YouTube və digər sosial platformalar üzərindən fəaliyyət göstərir.

Belə kanallar əsasən ailə həyatı, uşaqlarla gündəlik münasibətlər, ailəvi səyahətlər və valideyn təcrübələrinin paylaşılması üzərində qurulur.

İstiqamət: 6.3.18. gender, ailə və demoqrafiya məsələlərinin işıqlandırılması;

Qeyd:Yazı Medianın İnkişafı Agentliyinin maliyyə dəstəyi çərçivəsində hazırlanıb. 

Aytac Zeynalova 

Telegram
Keçid et
Oxşar xəbərlər
Oxşar xəbərlər
Yevlax sakinləri 25 metrlik yolu keçmək üçün 8-10 kilometr yol qət edirlər
Cəmiyyət 12:07
Yevlax sakinləri 25 metrlik yolu keçmək üçün 8-10 kilometr yol qət edirlər
Deputat Hövsan və Yeni Suraxanıda infrastrukturun yenilənməsini təklif edib
Cəmiyyət 11:52
Deputat Hövsan və Yeni Suraxanıda infrastrukturun yenilənməsini təklif edib
Bakıda 8 aylıq hamilə qadın ölüb
Cəmiyyət 11:44
Bakıda 8 aylıq hamilə qadın ölüb
İrandan Azərbaycana 50 kq narkotik keçirilməsinin qarşısı alınıb
Cəmiyyət 11:28
İrandan Azərbaycana 50 kq narkotik keçirilməsinin qarşısı alınıb
Deputat kiçik sahibkarlar üçün yeni bazar dəstəyi proqramı istəyir
Cəmiyyət 11:17
Deputat kiçik sahibkarlar üçün yeni bazar dəstəyi proqramı istəyir
Gürcüstandan 74 əcnəbi deportasiya edilib, azərbaycanlı da var
Cəmiyyət 10:41
Gürcüstandan 74 əcnəbi deportasiya edilib, azərbaycanlı da var
Azərbaycanda yol qəzalarında 500 nəfər ölüb
Cəmiyyət 10:39
Azərbaycanda yol qəzalarında 500 nəfər ölüb
Cinayətdə şübhəli bilinən 41 nəfər saxlanılıb
Cəmiyyət 10:22
Cinayətdə şübhəli bilinən 41 nəfər saxlanılıb
Kürdəmirdə maşınlar toqquşub, 4 nəfər xəsarət alıb
Cəmiyyət 22:39
Kürdəmirdə maşınlar toqquşub, 4 nəfər xəsarət alıb
Anews TV

Rəsmi Youtube kanalımız

Abunə ol