• $
  • €
  • ₽
  • ₺
  • £

Ukrayna faiz dərəcəsini Avropada ən yüksək səviyyəyə qaldırıb

Ukrayna faiz dərəcəsini Avropada ən yüksək səviyyəyə qaldırıb
07.06.2022 13:51
Ukraynanın mərkəzi bankı faiz dərəcəsini iki dəfədən çox artıraraq, istənilən Avropa ölkəsi üçün ən yüksək səviyyəyə - 25%-ə çatdırıb. Bu barədə BBC xəbər agentliyi məlumat verib.

Bu addım yüksələn inflyasiyanı ləngitmək və fevralda Rusiyanın işğalından sonra valyutanın daha da çökməsinin qarşısını almaq məqsədi daşıyır.

Müharibə başlayandan bəri müəssisələr bağlanmağa məcbur olub və əsas təchizat zəncirləri kəsilib.

Dünya Bankı Ukrayna iqtisadiyyatının bu il 45%-ə qədər kiçilə biləcəyini proqnozlaşdırır.

Ukraynada inflyasiyanın səviyyəsi - və ya yaşayış minimumu - 17%-ə yüksəlib və ölkənin mərkəzi bankının məlumatına görə, bu il 20%-ə çatmaq üzrədir.

Ukrayna Milli Bankı bildirib ki, uçot dərəcəsinin 10%-dən 25%-ə qədər artırılması vətəndaşların əmanətlərini artan inflyasiya tərəfindən yeyilməkdən qorumağa kömək edəcək.
 
Ukraynanın pul vahidi qrivna da Rusiyanın işğalından sonra ciddi təzyiqlərə məruz qalıb və kəskin dəyər itirib. Mərkəzi Bank, faiz artımının bu gərginliyin bir hissəsini azaldacağına və valyutanı sabitləşdirəcəyinə ümid etdiyini söyləyib.

Bu, Ukraynanın müharibə başlayandan bəri ilk faiz artımıdır və bank inflyasiya yenidən nəzarət altına alındıqdan sonra yenidən dərəcələri azaltmağa gedəcəyini bildirir.

Kiyev İqtisadiyyat Məktəbinin məlumatına görə, Ukrayna şəhərlərinin infrastrukturuna 100 milyard dollardan çox ziyan artilleriya atəşi və hava zərbələri nəticəsində dəyib, 14 milyon vətəndaş isə evlərini tərk etmək məcburiyyətində qalıb.

Kiyevdə yerləşən Dragon Capital investisiya bankının məlumatına görə, hərbi müdafiəsini gücləndirmək və dolanışıq vasitələrini itirmiş vətəndaşları dəstəkləmək üçün hökumət xərclərini sürətlə artıraraq, büdcə kəsirini ayda 27% artıraraq may ayında 7,7 milyard dollara çatdırıb.

Banklar həmçinin Rusiyanın hazırda nəzarət etdiyi ərazilərdə biznesə verilən kreditlərin, yəqin ki, heç vaxt geri qaytarılmayacağını qəbul etməyə məcbur olublar ki, bu da ölkə iqtisadiyyatına növbəti böyük maliyyə zərbəsidir.

Rusiyanın qonşu Ukraynaya təcavüzündən 104 gün keçir və döyüşlər başlayandan bəri 4500 dinc sakin həlak olub. Xəstəxanalar və məktəblər dağıdılıb, limanlar blokadaya alınıb, Ukrayna iqtisadiyyatının əsasını təşkil edən ixracatdan uzaqlaşdırılıb.

Dünyada smartfon və avtomobilləri gücləndirən mikroçiplərin istehsalı üçün vacib olan neon qazının təqribən 50%-i yalnız iki Ukrayna şirkətinin payına düşür.

Bundan əlavə, dünya arpa ixracının 18%-dən çoxu, qarğıdalının 16%-i və buğdanın 12%-i Ukraynanın tarlalarından əldə edilir.
 
Gülnar Nazimqızı 

www.anews.az
Twitter
Keçid et
Oxşar xəbərlər
Oxşar xəbərlər
Azərbaycan neftinin qiyməti 100 dollardan aşağı düşüb
İqtisadiyyat 09:36
Azərbaycan neftinin qiyməti 100 dollardan aşağı düşüb
“Brent” neft ucuzlaşıb
İqtisadiyyat 09:27
“Brent” neft ucuzlaşıb
Bu günün valyuta məzənnələri açıqlanıb
İqtisadiyyat 09:19
Bu günün valyuta məzənnələri açıqlanıb
Abşeron” layihəsinin ikinci fazası çərçivəsində qazma işlərinə 2027-ci ilin martında başlanılacaq
İqtisadiyyat 07:41
Abşeron” layihəsinin ikinci fazası çərçivəsində qazma işlərinə 2027-ci ilin martında başlanılacaq
ABŞ-ın iri banklarının müştəriləri xidmətlərdə texniki nasazlıqlarla üzləşiblər
İqtisadiyyat 07:34
ABŞ-ın iri banklarının müştəriləri xidmətlərdə texniki nasazlıqlarla üzləşiblər
“INMerge 2026” innovasiya sammitinə 94 ölkədən 1300-dən çox startap müraciəti daxil olub
İqtisadiyyat 16:57
“INMerge 2026” innovasiya sammitinə 94 ölkədən 1300-dən çox startap müraciəti daxil olub
“PAŞA Holding”in dəstəyi ilə Azərbaycan xalçaları Bolqarıstanda nümayiş olunub
İqtisadiyyat 16:24
“PAŞA Holding”in dəstəyi ilə Azərbaycan xalçaları Bolqarıstanda nümayiş olunub
TAP kəməri ilə Avropaya nəql olunan qazın həcmi açıqlanıb
İqtisadiyyat 16:00
TAP kəməri ilə Avropaya nəql olunan qazın həcmi açıqlanıb
ABB ölkəmizdə insan kapitalını araşdırdı
İqtisadiyyat 12:52
ABB ölkəmizdə insan kapitalını araşdırdı
Anews TV

Rəsmi Youtube kanalımız

Abunə ol