Aktau sahillərində yaxta qayaya çırpılıb, iki nəfər ölüb

Qazaxıstanın Aktau şəhəri sahillərində yaxtanın qayaya çırpılması nəticəsində iki nəfər həlak olub.

Yaxtada ümumilikdə yeddi nəfərin olduğu bildirilir. Qəza nəticəsində iki kişi ölüb, digər beş nəfər müxtəlif xəsarətlərlə xəstəxanaya yerləşdirilib.

Hadisə ilə bağlı cinayət işi açılıb.

Qəzanın hansı səbəbdən baş verdiyi araşdırılır.