• $
  • €
  • ₽
  • ₺
  • £

Polis dedi ki, 1000 manat verməlisən, səs yazısı da var - AÇIQLAMA

Polis dedi ki, 1000 manat verməlisən, səs yazısı da var - AÇIQLAMA
29.07.2022 14:54
Şəmkirdə iş adamı Arzu Cabbarovun ölümündə adı hallanan polis əməkdaşı Etibar Yaqubov haqda daha bir şikayət var. Belə ki, Şəmkir sakini Kamil Abdullayev "Qafqazinfo"ya müraciət edərək iddia edib ki, adıçəkilən polis ondan qanunsuz olaraq 1000 manat tələb edib. Sözügedən iddia ilə bağlı isə Gəncə regional qrupunun baş inspektoru Eşqin Qasımov bildirib ki, hazırda məsələ ilə bağlı araşdırma aparıldığını deyib.
 
Kamil Abdullayev bildirir ki, Etibar Yaqubovu mərhum iş adamı Arzu Cabbarovun ölüm işi ilə bağlı mediadan tanıyıb.
 
"Rayonda marketim var. İyulun 12-də yasa getdiyim üçün 14 yaşlı bacım oğlunu dükanda nəzarətçi qoydum. Həmin gün marketə bir qadın gəlib və guya oğlan ona söz atıb. Həmin vaxt qonşumuz Kamil Əliyev də orada olub və qadına oğlanın belə bir hərəkət etmədiyini deyərək onu sakitləşdirməyə çalışıb. Bir gün sonra mən marketdə olanda Etibar və Ruslan adlı polis əməkdaşları gəldilər. Etibar dedi ki, sənin haqda 102-yə şikayət olunub, burada qadına sataşıbsınız. Etibar mənlə qonşum Kamili şöbəyə apardı, orada izahatımda da belə bir hadisə olmadığını qeyd etdim. Sahə müvəkkili Elnurla danışdı, sonra bizə dedilər ki, siz həbs ediləcəksiniz. Etibar dedi ki, "1000 manat sən ver, qonşun Kamil də 500 manat versin, bu söhbət bağlansın. Şöbənin qarşısına çıxıb 102-yə şikayət etmək istəyirdim ki, həmin qadından zəng gəldi. Dedi ki, "sən elə bilirsən şöbədən canını qurtardın deyə məndən canını qurtara biləcəksən?”. Yenidən polis şöbəsinə qayıdaraq Etibar Yaqubova dedim ki, bu qadın mənim buradan çıxdığımı hardan bilir? Bəs deyirsiz qadın 102-yə zəng etmişdi. Etibar dedi, "Elnurun öz telefonuna zəng edib deyib, narahat olma, deyərik bir də səni narahat etməz”. Bir gün sonra isə Etibar marketə gəlib yenə də 1000 manatı tələb etdi. Buna dair səs yazısı da var”, - o deyib.

"Qafqazinfo"  Abdullayevin iddiaları və  göndərdiyi səs yazısı ilə bağlı Daxili İşlər Nazirliyinə sorğu ünvanlayıb.
 
"Şəmkir rayon sakini olan bir qadın Rayon Polis Şöbəsinə müraciət edərək bildirib ki, rayon ərazisindəki mağazalardan birinə daxil olarkən Kamil adlı və bir nəfər yetkinlik yaşına çatmayan şəxs onun haqqında nalayiq ifadələr işlədərək gülüb. Bununla bağlı Şəmkir Rayon Polis Şöbəsində müvafiq araşdırmalar başlanılıb. Hazırda araşdırmalar davam etdirilir. Sözügedən səs yazısı ilə də bağlı müvafiq araşdırma başlanılıb. Araşdırmaların nəticəsindən asılı olaraq hər iki məsələyə hüquqi qiymət veriləcək", Xidmətin Gəncə regional qrupunun baş inspektoru Eşqin Qasımov  deyib.

Etibar Yaqubovla bağlı daha əvvəlki şikayətdə iş adamı Arzu Cabbarovun həyat yoldaşı iddia etmişdi ki, ərinin ölümündə E.Yaqubov və digər polis əməkdaşları günahkardır. Qadın ərinin polislər tərəfindən qurulan ssneari əsasında qolunun kəsilərək öldürüldüyünü iddia etmişdi. Daxili İşlər Nazirliyi isə iddianın əsassız və böhtan xarakterli olduğunu, Şəmkir rayonunda mərhum barədə yayılan qeyri-etik məzmunlu faktları ört-basdır etmək üçün ailənin ölümün səbəbkarı kimi Şəmkir RPŞ əməkdaşlarını göstərdiklərini demişdi.
 


www.anews.az
Youtube
Keçid et
Oxşar xəbərlər
Oxşar xəbərlər
Xaçmazda iki avtomobil toqquşub, bir ailənin altı üzvü xəsarət alıb
Cəmiyyət 23:30
Xaçmazda iki avtomobil toqquşub, bir ailənin altı üzvü xəsarət alıb
Qazaxda 63 yaşlı kişi Kürdə batıb
Cəmiyyət 22:56
Qazaxda 63 yaşlı kişi Kürdə batıb
Bu ərazilərdə qaz olmayacaq
Cəmiyyət 22:20
Bu ərazilərdə qaz olmayacaq
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Anews TV

Rəsmi Youtube kanalımız

Abunə ol