• $
  • €
  • ₽
  • ₺
  • £

Qəzzada ölən İsrail əsgərlərinin sayı açıqlanıb

Qəzzada ölən İsrail əsgərlərinin sayı açıqlanıb
22.11.2023 17:34
Oktyabrın 27-dən bəri Qəzzada ölən İsrail əsgərlərinin sayı 69-a çatıb. Bu barədə İsrail ordusu açıqlama verib. Bu barədə Anadolu agentliyi məlumat verib. 

Qarşıdurmalar başlayan gündən Qəzzada 62, Livanda isə 3 jurnalist həyatını itirib.

İsrailin Xan Yunis, Deyr əl-Bələ və Cibaliya bölgələrinin bombalanması nəticəsində aralarında uşaq və qadınların da olduğu 44 nəfər ölüb, onlarla insan yaralandığı bildirilir.

Fələstinin WAFA xəbər agentliyinin məlumatına görə, Xan Yunis Qaçqınlar Düşərgəsinin qərbində yerləşən Həmed şəhərində binaya edilən hava hücumu nəticəsində ən azı 15 nəfər ölüb, əksəriyyəti uşaq və qadınlardan ibarət 25 nəfər yaralanıb. Qəzzanın mərkəzi hissəsindəki Deyr əl-Belah bölgəsində Əbu Şammas ailəsinin evinin bombalanması nəticəsində 24 nəfər həyatını itirib, 20 nəfər sağ qalıb.
 
Qəzzanın şimalındakı Cibaliya Qaçqınlar Düşərgəsinə edilən hava hücumunda 3-ü axtarış-xilasetmə qrupundan 5 nəfər həyatını itirib. 
 
Hökumətin Qəzza zolağında verdiyi açıqlamada, hücumlarda indiyə qədər həyatını itirənlərin sayının 14 min 128-ə yüksəldiyi, yaralananların sayının isə 33 mini keçdiyi qeyd olunub.
 
İsrailin 7 oktyabrdan bəri davam edən hücumlarında Qəzza zolağında 44 min evin dağıldığı, 230 min evin zərər gördüyü, evlərin 60 faizinin yaşayış üçün yararsız hala düşdüyü söylənib.
 
Qəzza zolağında 26 xəstəxana və 55 sağlamlıq mərkəzinin xidmətdən çıxdığı bildirilib.

Qəssam Briqadaları "Telegram” səhifəsində açıqlama verərək Qəzzanın şimal-qərbində iki İsrail hərbi maşınının "Yasin-105” tank əleyhinə raketlərlə məhv edildiyi iddia ediblər.

Fələstin Jurnalistlər Birliyi "Facebook” səhifəsində Qəzza zolağında İsrailin hücumları nəticəsində həyatını itirən media mənsublarının sayı 60-a yüksəldiyini deyib.

Oktyabrın 7-si İsrail ərazisi Qəzza zolağından raket atəşinə tutulub. Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını bildirib. Bunun ardınca İsrail ordusu Qəzza zolağında "Dəmir qılınclar” adını verdiyi hərbi əməliyyata başlayıb.
 
 Aygün Mirakif

www.anews.az
Youtube
Keçid et
Oxşar xəbərlər
Oxşar xəbərlər
Samuxda iki avtomobil toqquşub, ölən var
Cəmiyyət 20:33
Samuxda iki avtomobil toqquşub, ölən var
Bakıda qadın qətlə yetirilib, ögey qardaşı şübhəli bilinir
Cəmiyyət 19:47
Bakıda qadın qətlə yetirilib, ögey qardaşı şübhəli bilinir
Lənkəranda ev yanıb
Cəmiyyət 18:57
Lənkəranda ev yanıb
AQTA Bakıda 41 şadlıq sarayında qida təhlükəsizliyi pozuntusu aşkarlayıb
Cəmiyyət 18:35
AQTA Bakıda 41 şadlıq sarayında qida təhlükəsizliyi pozuntusu aşkarlayıb
MKA “Azərpoçt”un adından göndərilən saxta SMS-lərlə bağlı xəbərdarlıq edib
Cəmiyyət 17:25
MKA “Azərpoçt”un adından göndərilən saxta SMS-lərlə bağlı xəbərdarlıq edib
Əli Məsimli fermerlərin gəlirinə 10 faizlik verginin tətbiqinə qarşı çıxıb
Cəmiyyət 17:03
Əli Məsimli fermerlərin gəlirinə 10 faizlik verginin tətbiqinə qarşı çıxıb
567 nömrəli marşrutun avtobusları yenilənir
Cəmiyyət 16:28
567 nömrəli marşrutun avtobusları yenilənir
Deputat ANAMA əməkdaşları ilə bağlı təklif verib
Cəmiyyət 15:57
Deputat ANAMA əməkdaşları ilə bağlı təklif verib
DSX: Azərbaycana 14 tondan çox avtomobil ehtiyat hissəsinin keçirilməsinin qarşısı alınıb
Cəmiyyət 15:28
DSX: Azərbaycana 14 tondan çox avtomobil ehtiyat hissəsinin keçirilməsinin qarşısı alınıb
Anews TV

Rəsmi Youtube kanalımız

Abunə ol