Respublika Perinatal Mərkəzindən təxliyə olunmuş 8 yenidoğulmuş körpə evə buraxılıb. Bu barədə TƏBİB-in açıqlamasında bildirilib.
"Hazırda müalicəsi davam etdirilən 50 uşaqdan 38-nin vəziyyəti stabil, 6-nın vəziyyəti orta ağır, digər 6-nın vəziyyəti isə qənaətbəxşdir.Uşaqların müalicəsi Yeni Klinika, Kliniki Tibbi Mərkəz, Kliniki Tibbi Mərkəzin nəzdindəki Ə.Qarayev adına 2 saylı Uşaq Xəstəxanası, Sumqayıt Tibb Mərkəzinin nəzdindəki Perinatal Mərkəz, Respublika Klinik Xəstəxanası, Sabunçu Tibb Mərkəzi və Xətai Tibb Mərkəzində davam etdirilir. Uşaqlardan 2-si (əkizlər) valideynlərinin istəyilə K.Y.Fərəcova adına Elmi-Tədqiqat Pediatriya İnstitutuna köçürülüb", - məlumatda qeyd olunub.
Yanvarın 8-də Respublika Perinatal Mərkəzdə yanğın hadisəsi baş verib. İlkin açıqlamada 4 uşaq ölüb, 3 nəfər zəhərlənib.
Ölkə başçısı hadisənin baş verməsinə səbəb olan amillərin ciddi araşdırılması ilə bağlı tapşırıq verib.
Gülnar Nazimqızı
www.anews.az