• $
  • €
  • ₽
  • ₺
  • £

Pterigiumun cərrahi müalicəsi üzrə 2 minə yaxın əməliyyat icra olunub – İTSDA

Pterigiumun cərrahi müalicəsi üzrə 2 minə yaxın əməliyyat icra olunub – İTSDA
08.08.2025 10:24

Gözün buynuz qişasına doğru böyüyən xroniki xəstəlik – pterigiumun müalicəsi üzrə ötən il ərzində İcbari Tibbi Sığorta hesabına 2 192 cərrahi əməliyyat aparılıb. Bu barədə İcbari Tibbi Sığorta üzrə Dövlət Agentliyi məlumat yayıb.

Əməliyyatlardan 284-ü pterigiumun kəsiklə çıxarılması, 1 908-i isə konyunktival autotransplantasiya üsulu ilə icra olunub.

Pterigium – günəş şüaları, toz, külək və allergenlərin uzunmüddətli təsiri nəticəsində yaranan, gözün daxili bucağından buynuz qişaya doğru inkişaf edən üçbucaq formalı patoloji toxumadır. Xəstəlik ilkin mərhələdə qızartı, qaşınma və quruluqla özünü göstərsə də, irəlilədikcə görmə itiliyinin azalması və digər ağırlaşmalara səbəb ola bilər.

Diaqnoz oftalmoloq müayinəsi və bio-mikroskopik baxışla müəyyənləşdirilir. İcbari tibbi sığorta çərçivəsində pterigiumun diaqnozu üçün oftalmoskopiya, vizometriya, perimetriya və refraktometriya müayinələri qarşılanır.

Ənənəvi çıxarılma üsulu sadə olsa da, residiv (təkrarlanma) riski yüksəkdir. Müasir və effektiv hesab edilən konyunktival autotransplantasiya zamanı isə pterigium toxuması çıxarıldıqdan sonra gözün sağlam hissəsindən götürülmüş toxuma həmin sahəyə köçürülür. Bu üsul həm funksional, həm də estetik baxımdan daha yaxşı nəticə verir və təkrarlanma riskini azaldır.

Əməliyyatlar yerli anesteziya ilə həyata keçirilir və təxminən 15–40 dəqiqə çəkir. Pasiyentlər adətən eyni gün evə buraxılır və bir neçə həftə ərzində normal həyat tərzinə qayıdır.

İTSDA bildirir ki, əməliyyat öncəsi müayinələr, dərman təminatı və tibbi sərf də sığorta çərçivəsində ödənilir.

Gülnar 

Instagram
Keçid et
Oxşar xəbərlər
Oxşar xəbərlər
Kürdəmirdə maşınlar toqquşub, 4 nəfər xəsarət alıb
Cəmiyyət 22:39
Kürdəmirdə maşınlar toqquşub, 4 nəfər xəsarət alıb
Leyla Əliyeva Qaraçuxur İdman Zalının açılışında
Cəmiyyət 22:27
Leyla Əliyeva Qaraçuxur İdman Zalının açılışında
Şəmkirdə evdə kişi və qadın meyiti tapılıb
Cəmiyyət 21:46
Şəmkirdə evdə kişi və qadın meyiti tapılıb
Terminal ödənişlərində 500 AZN-dən yuxarı əməliyyatlar üçün yenilik
Cəmiyyət 19:32
Terminal ödənişlərində 500 AZN-dən yuxarı əməliyyatlar üçün yenilik
Bakıda turistləri daşıyan mikroavtobus qəzaya uğrayıb
Cəmiyyət 19:16
Bakıda turistləri daşıyan mikroavtobus qəzaya uğrayıb
Direktorların işə qəbulu müsabiqəsinin nəticələri açıqlanıb
Cəmiyyət 18:42
Direktorların işə qəbulu müsabiqəsinin nəticələri açıqlanıb
Bakıda yararsız kolbasa və süd məhsulları aşkarlanıb
Cəmiyyət 17:25
Bakıda yararsız kolbasa və süd məhsulları aşkarlanıb
"Blue Residence"də evləri su basıb
Cəmiyyət 17:19
"Blue Residence"də evləri su basıb
Lerikdə 40 min sakinin istifadə etdiyi yolların asfaltlanması təklif olunur
Cəmiyyət 16:58
Lerikdə 40 min sakinin istifadə etdiyi yolların asfaltlanması təklif olunur
Anews TV

Rəsmi Youtube kanalımız

Abunə ol