• $
  • €
  • ₽
  • ₺
  • £

BP 150 gənci sevindirdi

BP 150 gənci sevindirdi
31.01.2018 20:17
BP və onun Azəri-Çıraq-Günəşli, Bakı-Tbilisi-Ceyhan, Şahdəniz və Cənubi Qafqaz Boru Kəməri layihələrindəki tərəfdaşları – SOCAR, TPAO, PETRONAS, Chevron, LUKOİL, NİCO, Statoil, INPEX, ExxonMobil, SGC, ITOCHU, ONGC, TOTAL, Eni – bu gün Bakı yaxınlığında yerləşən Ümid, Sahil, Əzimkənd və Səngəçal qəsəbələrindən olan 100 nəfər icma üzvünə İnformasiya Texnologiyaları (İT) sertifikatları təqdim etdi.

Bu layihə BP və tərəfdaşlarının qonşuluğumuzdakı icmalarda bacarıq və səriştələrin artırılmasına dəstək olmaq  öhdəliyinin bir hissəsidir. Layihə xüsusi olaraq icma üzvlərinin İT bacarıqlarının və səriştələrinin inkişafına yönəlib. Bu da öz növbəsində iştirakçıların məşğulluq imkanlarını  və əmək bazarında rəqabət qabiliyyətini artıracaq.

Bundan  bir il öncə BP və tərəfdaşlarının maliyyələşdirdiyi həmin layihənin 1-ci fazası çərçivəsində İT-nin Əsaslarına dair Kursdan məzun olmuş 50 icma üzvünə də sertifikatlar verilmişdir. 1-ci  faza uğurlu olduğuna görə, 2-ci faza daha geniş miqyasda planlaşdırılaraq həyata keçirilib. 2-ci faza  Qaradağ rayonundan 100 nəfər icma üzvünü (Ümid, Sahil, Əzimkənd və Səngəçal qəsəbələrinin nümayəndələrini) və BP-nin əməliyyatçısı olduğu boru kəmərləri boyunca yerləşən Yevlax, Goranboy, Samux, Şəmkir, Tovuz və Ağstafa rayonlarındakı icmalardan seçilmiş əlavə 100 nəfəri əhatə edib. Bundan əlavə, 2-ci faza çərçivəsində 1-ci fazada keçirilmiş CİSCO təlim kurslarını bitirmiş 19 ən yüksək nəticə göstərmiş məzuna dəstək verilib - onlara qabaqcıl İT bacarıqlarına yiyələnmək və məzun olduqdan sonra beynəlxalq miqyasda tanınmış "Cisco Certified Network Associates” sertifikatı üzrə imtahanlardan uğurla keçmələri üçün ingilis dili biliklərini təkmilləşdirmək imkanı yaradılıb.

Qaradağ rayonundan olan iştirakçılar üçün təlimlər Bakıda keçirilib, boru kəmərləri boyunca yerləşən rayonlardan olan digər qrup üçün  isə təlimlər Gəncədə yerləşən Azərbaycan Texnologiya Universitetində xüsusi qaydada təşkil olunub. Bütün təlimlər Bakıda yerləşən Beynəlxalq Təlim və Layihə Mərkəzinin sertifikatlı peşəkar mütəxəssisləri tərəfindən keçirilib.

Təlim proqramı kompyuter üzrə proqram təminatı  və avadanlıq sahəsində lazımi  bilgilər verməklə əhalinin İT vərdişləri tələb edən işlərə getdikcə artan ehtiyaclarını ödəməyə kömək etmək məqsədi daşıyır. Təlim proqramının əhatə etdiyi əsas sahələr bunlardır: dizüstü kompyuterlər və mobil cihazlar, kabelsiz bağlantı, texniki təhlükəsizlik, ətraf mühit və ünsiyyət məsələləri ilə bağlı bacarıq və biliklər.

31 yanvar tarixində BP və tərəfdaşlarının keçirdiyi sertifikatların təqdim olunması tədbirində çıxış edən BP-nin Əlaqələr, Xarici İşlər və Strategiya üzrə vitse-prezidenti Bəxtiyar Aslanbəyli deyib: "Bu layihənin hər iki fazasında, 250 iştirakçının hamısının yüksək nəticələr əldə etdiyindən məmnunuq. Bu insanlar öz karyeralarının inkişafına və ümumilikdə yaşayış səviyyələrinin artırılmasına kömək edə biləcək bacarıq və biliklərə yiyələniblər.

Peşə təlimi və yeni bacarıqların inkişaf etdirilməsi BP və tərəfdaşlarının Azərbaycanda sosial sərmayə fəaliyyətlərinin prioritet sahələrindən biridir. İnanırıq ki, bu yolla qonşuluğumuzdakı icmalara öz gələcək karyeralarını daha əminliklə qurmağa kömək edirik. BP və tərəfdaşları qonşuluğumuzdakı icmalarla sıx işləməyə və onlara dəstək verməyə davam edəcək.”

Layihənin 2-ci fazası 2016-cı ilin yanvar ayında başlayıb və 2017-ci ilin dekabr ayında başa çatıb. Layihənin 1-ci və 2-ci fazaları üzrə ümumi dəyəri təxminən 155000 AZN təşkil edir.


www.anews.az
Twitter
Keçid et
Oxşar xəbərlər
Oxşar xəbərlər
Azərbaycan nefti ucuzlaşıb
İqtisadiyyat 10:30
Azərbaycan nefti ucuzlaşıb
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Anews TV

Rəsmi Youtube kanalımız

Abunə ol