• $
  • €
  • ₽
  • ₺
  • £

Avropanın Azərbaycan qazına tələbatı artır - İlham Əliyev

Avropanın Azərbaycan qazına tələbatı artır - İlham Əliyev
16.06.2022 13:10
Azərbaycan Avropanın öz enerji resurslarına artan tələbatını ödəmək üçün əlindən gələni edir. Bunu cümə axşamı Azərbaycan Prezidenti İlham Əliyev IX Qlobal Bakı Forumunda çıxışında bildirib.
    
"Avropada Azərbaycanın enerji resurslarına tələbat artır və biz bunu ödəmək üçün mümkün olan hər şeyi edirik", - Əliyev deyib.
    
O, həmçinin qeyd edib ki, Avropanın tələbatını ödəmək üçün ölkə qaz hasilatını artırmalıdır.
    
"Son aylarda bir neçə Avropa ölkəsi qaz almaq istəyi ilə bizə müraciət edib və biz hazırda bu məsələdə Avropa Komissiyası ilə əməkdaşlıq edirik. Amma bu o qədər də sadə deyil, çünki qaz hasilatını artırmalıyıq", - Əliyev əlavə edib.
    
Hazırda Azərbaycan Türkiyə, Gürcüstan, Yunanıstan, Bolqarıstan və İtaliyaya qaz satır.
    
Ölkə 2022-ci ildə qaz ixracını keçən il olduğu 22 milyard kubmetrdən 24 milyard kubmetrə çatdırmağı planlaşdırır. Bunun 10 milyard kubmetrinin Avropa ölkələrinə ixracı planlaşdırılır.
    
Hökumətin proqnozlarına görə, 2026-cı ilə qədər Azərbaycanın qaz hasilatı ildə 50 milyard kubmetrə çatmalıdır.

Proqnozlara görə,  Azərbaycanda qaz hasilatı 2023-cü ildə - 47 milyard 757,4 milyon kubmetr, 2024-cü ildə - 49 milyard 210,1 milyon kubmetr, 2025-ci ildə - 49 milyard 728,1 milyon kubmetr təşkil edəcək. 2026-cı ildə isə 50 milyard kubmetr strateji hədəfə yaxınlaşacaq.

Növbəti illərdə qaz hasilatının artımı, təbii ki, "Şahdəniz” yatağının işlənməsinin "Mərhələ-2” layihəsi ilə bağlıdır və məhz bu dövrdə  hasilat pik həddinə çatacaq. 2022-ci ildə "Şahdəniz"də hasilatın 22,8 milyard kubmetrə (2021-ci ildən +7%) çatacağı gözlənilir. Bundan əlavə, gələn il "Şahdəniz" yatağında kondensat hasilatının 33,3 milyon barrelə (2021-ci ildən +4,7%) çatacağı gözlənilir.

Bununla belə, digər yataqlar da qaz hasilatının olması gündəmdədir. Bura "Ümid-Babək" qaz-kondensat bloku (ikinci faza), perspektivli Şəfəq-Asiman strukturu (burada qazma işləri aparılır), o cümlədən Qarabağ və "Abşeron" yataqları daxildir. 

Bu, qaz layihələrinin bütün siyahısı deyil, çünki AÇG blokunda, "Şahdəniz” yatağının işlənməsinin "Mərhələ-3" layihəsi çərçivəsində  qaz ehtiyatlarının işlənməsi məsələsi də öz növbəsini gözləyir. Lakin bunlar  uzunmüddətli layihələrdir. 

Azərbaycanda proqnozlaşdırılan qaz ehtiyatları 3-4 trilyon kubmetr, təsdiq edilmiş ehtiyatlar isə 2,6 trilyon kubmetr həcmində qiymətləndirilir və onların böyük hissəsi hələ işlənməyib. Y

N.Təbrizli


www.anews.az
Instagram
Keçid et
Oxşar xəbərlər
Oxşar xəbərlər
Azərbaycan neftinin qiyməti 100 dollardan aşağı düşüb
İqtisadiyyat 09:36
Azərbaycan neftinin qiyməti 100 dollardan aşağı düşüb
“Brent” neft ucuzlaşıb
İqtisadiyyat 09:27
“Brent” neft ucuzlaşıb
Bu günün valyuta məzənnələri açıqlanıb
İqtisadiyyat 09:19
Bu günün valyuta məzənnələri açıqlanıb
Abşeron” layihəsinin ikinci fazası çərçivəsində qazma işlərinə 2027-ci ilin martında başlanılacaq
İqtisadiyyat 07:41
Abşeron” layihəsinin ikinci fazası çərçivəsində qazma işlərinə 2027-ci ilin martında başlanılacaq
ABŞ-ın iri banklarının müştəriləri xidmətlərdə texniki nasazlıqlarla üzləşiblər
İqtisadiyyat 07:34
ABŞ-ın iri banklarının müştəriləri xidmətlərdə texniki nasazlıqlarla üzləşiblər
“INMerge 2026” innovasiya sammitinə 94 ölkədən 1300-dən çox startap müraciəti daxil olub
İqtisadiyyat 16:57
“INMerge 2026” innovasiya sammitinə 94 ölkədən 1300-dən çox startap müraciəti daxil olub
“PAŞA Holding”in dəstəyi ilə Azərbaycan xalçaları Bolqarıstanda nümayiş olunub
İqtisadiyyat 16:24
“PAŞA Holding”in dəstəyi ilə Azərbaycan xalçaları Bolqarıstanda nümayiş olunub
TAP kəməri ilə Avropaya nəql olunan qazın həcmi açıqlanıb
İqtisadiyyat 16:00
TAP kəməri ilə Avropaya nəql olunan qazın həcmi açıqlanıb
ABB ölkəmizdə insan kapitalını araşdırdı
İqtisadiyyat 12:52
ABB ölkəmizdə insan kapitalını araşdırdı
Anews TV

Rəsmi Youtube kanalımız

Abunə ol