• $
  • €
  • ₽
  • ₺
  • £

Azərbaycan neftinin daşınması fevralın 8-nə qədər dayandırılıb - Reuters

Azərbaycan neftinin daşınması fevralın 8-nə qədər dayandırılıb - Reuters
06.02.2023 20:58
Azərbaycanın neftini beynəlxalq bazarlara ixrac edən Ceyhan terminalı zəlzələdən dəyən ziyanın qiymətləndirilməsi səbəbindən fevralın 8-ə kimi işləməyəcək.  Bu barədə Reuters agentliyi məlumatlı mənbələrə istinadən xəbər verir.  
 
"Ceyhan  terminalı  operatorlar tərəfindən zəlzələdən dəyən ziyanı qiymətləndirənə kimi dayandırılıb. Terminal fevralın 6, 7 və 8-i bağlı olacaq. Bunu Türkiyənin gəmiçilik xidmətində çalışan mənbə bazar ertəsi bildirib", - xəbərdə deyilir. 

Mənbə  əlavə edib ki, İskəndərun sənaye qovşağında yerləşən Limak limanının bəzi yük sahələrində yanğın hələ də söndürülməyib və bu səbəbdən bütün işlər dayandırılıb.
 
Bir az əvvəl BP -Azərbaycan şirkətinin sözçüsü Tamam Bayatlı bildirib ki, Bakı-Tbilisi-Ceyhan kəmərinə heç bir zərər dəyməyib.
 
"BTC vasitəsilə ixrac əməliyyatları davam edir və neft Ceyhan terminalında olan çənlərə toplanılır. Ceyhan terminalının tankerlərə neft yüklənilən hissəsində neft sızması aşkarlanması səbəbindən neftin gəmilərə doldurulması müvəqqəti olaraq dayandırılıb”, - Tamam Bayatlı deyib. 
 
Onun sözlərinə görə,  sızma artıq aradan qaldırılıb və qiymətləndirmə işləri aparılır. Bu işlər bitəndən sonra terminaldan gəmilərin yola salınması bərpa ediləcək.
 
Amma daşınmanın nə vaxt bərpa ediləcəyini BP rəsmisi  açıqlamayıb.
 
BTC kəmərində hər hansı nasazlıq yoxdur və ACG yataqlarından neft hasilatı əvvəlki rejimdə davam edir. 

Fevralın 5-də Türkiyədə çoxlu insan itkisinə səbəb olan zəlzələ baş verib. Nəticədə Bakı-Tbilisi-Ceyhan neft kəmərinin son nöqtəsi olan Ceyhan limanının terminalında sızma olub.  BTC kəməri ilə Azərbaycanın iri  neft yataqları olan və BP operatorluğu altına istismar edilən "Azəri-Çıraq-Günəşli" yataqlarından hasil edilən neft ixrac olunur.  Bu kəmər vasitəsilə başqa ölkələrin neftləri də, o cümlədən Türkmənistan və Qazaxıstan nefti göndərilir.
 
N.Təbrizli

www.anews.az
Telegram
Keçid et
Oxşar xəbərlər
Oxşar xəbərlər
Azərbaycan nefti bahalaşıb
İqtisadiyyat 09:17
Azərbaycan nefti bahalaşıb
SOCAR AÇG-də sərbəst qaz ehtiyatlarını yaxın vaxtlarda açıqlamağı gözləyir
İqtisadiyyat 14:21
SOCAR AÇG-də sərbəst qaz ehtiyatlarını yaxın vaxtlarda açıqlamağı gözləyir
SOCAR və BP AÇG-də yekun neftvermə əmsalını 40%-dən yuxarı qiymətləndirir
İqtisadiyyat 14:07
SOCAR və BP AÇG-də yekun neftvermə əmsalını 40%-dən yuxarı qiymətləndirir
: AÇG-də neft hasilatının illik azalma tempi 3%-ə enib
İqtisadiyyat 13:55
: AÇG-də neft hasilatının illik azalma tempi 3%-ə enib
Azərbaycanda aqrar sektor 1 %-dən çox böyüyüb
İqtisadiyyat 12:26
Azərbaycanda aqrar sektor 1 %-dən çox böyüyüb
500-ə yaxın qadın sahibkara 22 milyon manatdan çox güzəştli kredit verilib
İqtisadiyyat 11:43
500-ə yaxın qadın sahibkara 22 milyon manatdan çox güzəştli kredit verilib
ÜDM 10 ayda 1,7% artıb, neft-qaz sektorunda azalma qeydə alınıb
İqtisadiyyat 11:03
ÜDM 10 ayda 1,7% artıb, neft-qaz sektorunda azalma qeydə alınıb
Azərbaycan nefti ucuzlaşıb
İqtisadiyyat 10:05
Azərbaycan nefti ucuzlaşıb
Bu günün valyuta məzənnələri açıqlanıb
İqtisadiyyat 09:19
Bu günün valyuta məzənnələri açıqlanıb
Anews TV

Rəsmi Youtube kanalımız

Abunə ol