• $
  • €
  • ₽
  • ₺
  • £

Xəzər regionu hidrogenin istehsalı mərkəzinə çevrilə bilər

Xəzər regionu hidrogenin istehsalı mərkəzinə çevrilə bilər
17.02.2023 18:54
Xəzər regionu "yaşıl” və digər hidrogen növlərinin istehsalı üçün böyük potensiala malikdir. Bunu BP-nin Azərbaycan, Gürcüstan və Türkiyə regionu üzrə prezidenti Harri Cons bildirib.

"Ümumiyyətlə, enerji keçidinin hidrogen - yaşıl və onun digər növlərinin istehsalı kimi prioritet istiqamətlərindən danışsaq, Xəzər regionunun bütün növlərin istehsalı mərkəzinə çevrilmək üçün çox böyük imkanları var",  - Cons  cümə günü mətbuat konfransında deyib.

O qeyd edib ki, BP Azərbaycanda olmasından və ölkədə görülən işlərdən "çox məmnundur”.

BP-nin regional prezidenti əlavə edib ki, şirkət hazırda Cəbrayıl rayonunda  günəş elektrik stansiyasının tikintisi layihəsinin həyata keçirilməsində Azərbaycan hökuməti və "Azərenerji” ASC ilə sıx əməkdaşlığı davam etdirir.

"O cümlədən, Cəbrayıl rayonunda tikiləcək günəş elektrik stansiyasının virtual fəaliyyətinin təşkili məsələsi müzakirə olunur. Söhbət bu stansiyada istehsal olunacaq elektrik enerjisinin virtual ötürülməsindən gedir. Yəni biz elektrik enerjisini Cəbrayıldakı stansiyada istehsal edəcəyik, onu da Abşeronda obyektlərimizdən birinin yaxınlığında alacağıq - planlarımıza uyğun olaraq bu, Səngəçal terminalı olacaq - və biz onun yalnız elektrik enerjisi ilə işləməsini təmin edəcəyik. Bu halda, hazırda elektrik enerjisi istehsalı və təchizatı üçün istifadə etdiyimiz buraxılan qaz başqa məqsədlərə yönəldilə bilər”, - Cons bildirib.

"Beləliklə, davam edən iş və səylərdən aydın olur ki, yaxın 30 ildə real enerji keçidi başlayacaq", - o əlavə edib.

BP-nin Xəzər və Yaxın Şərq regionu üzrə kommunikasiya və xarici əlaqələr üzrə vitse-prezidenti Bəxtiyar Aslanbəyli bir müddət əvvəl bildirmişdi ki, BP Azərbaycan hökuməti ilə 2023-cü ildə "Şəfəq” Günəş Elektrik Stansiyasının (GES) tikintisi üçün yekun investisiya sazişi imzalayacaq. Cəbrayıl rayonunda 240 MVt gücündə stansiya tikiləcək. 
 
Onun sözlərinə görə, əsas kommersiya məsələləri faktiki həll olunub, məsələnin texniki tədqiqi də başa çatıb. ANAMA tərəfindən potensial ərazinin  təmizlənməsi üzrə işlər aparılır.

Bundan əvvəl Azərbaycanın energetika naziri Pərviz Şahbazova istinadən məlumat verilib ki, Azərbaycanın Cəbrayıl rayonunda "Şəfəq” günəş elektrik stansiyasının tikintisinə 2023-cü ildə başlanacaq, onun istismara verilməsi isə 2024-cü ildə baş tutacaq. Günəş elektrik stansiyasının ildə 500 kVt/saat elektrik enerjisi istehsal edəcəyi gözlənilir.

2021-ci il iyunun 3-də Azərbaycanın Energetika Nazirliyi ilə BP şirkəti arasında Cəbrayıl rayonunda 240 MVt gücündə günəş elektrik stansiyasının tikintisi layihəsinin qiymətləndirilməsi və həyata keçirilməsi sahəsində əməkdaşlıq haqqında İcra Sazişi imzalanıb. Layihəyə investisiyalar 200 milyon dollar həcmində qiymətləndirilir.

Saziş çərçivəsində əməkdaşlığa günəş enerjisi layihəsinin texniki və kommersiya qiymətləndirilməsi, stansiyanın dizaynı, maliyyələşdirmənin təmin edilməsi və yekun investisiya qərarının verilməsi daxildir.
 
N.Təbrizli

www.anews.az
Telegram
Keçid et
Oxşar xəbərlər
Oxşar xəbərlər
Azərbaycan nefti bahalaşıb
İqtisadiyyat 09:17
Azərbaycan nefti bahalaşıb
SOCAR AÇG-də sərbəst qaz ehtiyatlarını yaxın vaxtlarda açıqlamağı gözləyir
İqtisadiyyat 14:21
SOCAR AÇG-də sərbəst qaz ehtiyatlarını yaxın vaxtlarda açıqlamağı gözləyir
SOCAR və BP AÇG-də yekun neftvermə əmsalını 40%-dən yuxarı qiymətləndirir
İqtisadiyyat 14:07
SOCAR və BP AÇG-də yekun neftvermə əmsalını 40%-dən yuxarı qiymətləndirir
: AÇG-də neft hasilatının illik azalma tempi 3%-ə enib
İqtisadiyyat 13:55
: AÇG-də neft hasilatının illik azalma tempi 3%-ə enib
Azərbaycanda aqrar sektor 1 %-dən çox böyüyüb
İqtisadiyyat 12:26
Azərbaycanda aqrar sektor 1 %-dən çox böyüyüb
500-ə yaxın qadın sahibkara 22 milyon manatdan çox güzəştli kredit verilib
İqtisadiyyat 11:43
500-ə yaxın qadın sahibkara 22 milyon manatdan çox güzəştli kredit verilib
ÜDM 10 ayda 1,7% artıb, neft-qaz sektorunda azalma qeydə alınıb
İqtisadiyyat 11:03
ÜDM 10 ayda 1,7% artıb, neft-qaz sektorunda azalma qeydə alınıb
Azərbaycan nefti ucuzlaşıb
İqtisadiyyat 10:05
Azərbaycan nefti ucuzlaşıb
Bu günün valyuta məzənnələri açıqlanıb
İqtisadiyyat 09:19
Bu günün valyuta məzənnələri açıqlanıb
Anews TV

Rəsmi Youtube kanalımız

Abunə ol