Yelo Bank İnformasiya Təhlükəsizliyinə dair Tələblərə Uyğunluq Auditi üzrə açıq tender elan edir

“Yelo Bank” ASC kibertəhlükəsizlik və İT auditi sahəsində ixtisaslaşmış iddiaçıları Azərbaycan Respublikası Mərkəzi Bankının (ARMB) İnformasiya Təhlükəsizliyinə dair Tələblərinə Uyğunluq Auditi xidmətinin satınalınması üzrə keçirilən açıq tenderdə iştirak etməyə dəvət edir.

Tenderin predmeti:

Azərbaycan Respublikası Mərkəzi Bankı İdarə Heyətinin 28 mart 2024-cü il tarixli, 14/2 nömrəli Qərarı ilə təsdiq edilmiş "Maliyyə bazarlarında fəaliyyətinə nəzarət edilən subyektlərdə informasiya təhlükəsizliyinin təmin edilməsinə dair Tələblər"ə uyğunluq auditinin keçirilməsi və müvafiq hesabatların hazırlanması.

İddiaçılara dair əsas tələblər:

- Azərbaycan Respublikasında qanuni qeydiyyatdan keçmiş hüquqi şəxs olması;

- Maliyyə/bank sektorunda və ya tənzimlənən qurumlarda İT və İnformasiya Təhlükəsizliyi auditləri üzrə minimum 3 il sübut edilmiş təcrübənin olması;

- Audit keçirəcək mütəxəssislərin azı 3 il təcrübəsinin olması və audit komandasında ISO 27001 Lead Auditor sertifikatlı mütəxəssislərin (ən azı 2 nəfər), habelə CISA / CISM / CISSP / CRISC / ISO 27005 sertifikatlı ekspertlərin yer alması;

- Auditorun müstəqil olması və Bankla maraqların toqquşmasının olmaması;

- Audit fəaliyyətinin Azərbaycan Respublikası ərazisindən həyata keçirilməsi.

Təkliflərin təqdim olunması qaydası:

- İddiaçılar texniki və kommersiya təkliflərini qapalı, dörd tərəfdən möhürlənmiş zərfdə təqdim etməlidirlər. Zərfin üzərində "ARMB Tələblərinə Uyğunluq Auditi" sözləri mütləq qeyd olunmalıdır.

- Tenderin elan olunma tarixi: 28.08.2026

- Təkliflərin təqdim olunması üçün son tarix: 04.09.2026

Təkliflərin təhvil verilməsi üçün ünvan və əlaqədar şəxs:

Ünvan: Bakı şəhəri, Həsən bəy Zərdabi küç. 81K, "Yelo Bank" ASC (Baş Ofis)
Əlaqədar şəxs: Ləman Qurbanova; +994 (50) 627 53 00

Tenderlə bağlı suallar və yazışmalar üçün: Leyla Abbasova; [email protected]; +994 (55) 213 70 12

Qeyd: Təkliflər kommersiya qiyməti əsasında qiymətləndiriləcəkdir. Tələb olunan sertifikatları və minimum 3 illik təcrübə tələbini cavablandırmayan təkliflər nəzərə alınmayacaqdır. Məlumat əldə etməzdən əvvəl iddiaçı ilə Məxfilik Müqaviləsi (NDA) imzalanacaqdır.

Tenderin texniki tapşırıq sənədi ilə tanış olmaq üçün: //ylb.az/3T1BwLg.

Bank xidmətləri ilə bağlı əlavə suallarınız var? O zaman 981 nömrəsinə zəng edin və ya Facebook, Instagram , Whatsapp və yelo.az hesablarımızı ziyarət edin.

Yelo Bank – Parlaq bankçılıq!