"Sonsuz dəhliz" filmi Barselonada

Barselonada "Sonsuz dəhliz” filminin premyerası keçiriləcək.
Avropa Azərbaycan Cəmiyyətindən (TEAS) Trend-ə verilən məlumata görə, litvalı prodüser Aleksandras Brokasın rejissoru olduğu "Endless Corridor” (Sonsuz dəhliz) sənədli filminin dekabrın 3-də, yerli vaxtla saat 18:20-də İspaniyanın Barselona şəhərindəki "Girona” kinoteatrında primyerası keçiriləcək.
Xocalı qətliamından bəhs edən film 26 noyabr -10 dekabr tarixlərində Kataloniya vilayətinin paytaxtı Barselonada keçiriləcək İnsan Hüquqları Film Festivalının proqramı çərçivəsində nümayiş olunacaq. "Sonsuz dəhliz” filminin Barselona festivalında nümayişi Ermənistan-Azərbaycan, Dağlıq Qarabağ münaqişəsi nəticəsində qaçqın və məcburi köçkün olmuş bir milyondan çox azərbaycanlının pozulmuş hüquqlarının dünya ictimaiyyətinin diqqətinə çatdırılması üçün yaxşı fürsətdir.
Bu il Barselona Film Festivalı üçün seçilmiş filmlər arasında Fələstin, İraq, İsrail, Almaniya, İngiltərə, İordaniya, Estoniya, Türkiyə, Serbiya, İtaliya, Kanada, Rusiya, Danimarka, ABŞ, Polşa, Livan, Moldova, Sahara, Mərakeş, Suriya, Argentina və dünyanın bir çox kinematoqrafçılarının əsərləri yer alıb.
Festival təşkilatçılarının konsepsiyasına görə heç bir film digərindən üstün tutulmamalıdır. Festivala təqdim olunan filmlərdə insan hüquqları ilə bağlı müxtəlif narahatlıqlar fiksiya, animasiya və sənədli film janrlarında ifadə edilib.
Xatırladaq ki, "Sonsuz dəhliz” filmi bu il ərzində müxtəlif beynəlxalq kinofestivalların diqqət mərkəzində olub. ABŞ-da keçirilən "Accolade Qlobal Film Competition” müsabiqəsində "Best of Show” mükafatını aldıqdan sonra bu film daha üç nüfuzlu mükafata layiq görülüb. Belə ki, Madrid Tenerife Beynəlxalq Film Festivalları "Sonsuz dəhliz” filmini "Ən yaxşı sənədli film” və A.Brokası "Ən yaxşı sənədli film rejissoru”, "Milan IFF 2015 Film Festivalı” isə "Ən yaxşı montaj olunmuş sənədli film” nominasiyası üzrə qalib elan edib.
"Sonsuz dəhliz” filminin "Xocalıya ədalət!” təbliğat-təşviqat kampaniyası çərçivəsində bu ilin fevral ayında İstanbul, Ankara, Roma, Vilnüs, London, Paris, Dublin, Berlin, Bern, Lüksemburq kimi şəhərlərdə təqdimatı keçirilib. İngilis dilində çəkilən film Leyla Əliyevanın təşəbbüsü ilə Azərbaycan, türk, fransız, italyan və alman dillərinə subtitrlərlə tərcümə edilib, rus dilində isə dublyaj olunub.
Film "Xocalıya ədalət!” təbliğat-təşviqat kampaniyası çərçivəsində Türkiyənin "Kanal 24”, "CNN Türk”, Albaniyanın Milli Televiziyası və İsrailin "Channel 1” televiziya kanallarında da nümayiş olunub.
Xatırladaq ki, filmin primyerası ötən il iyulun 1-də Londonda Britaniya Film və Televiziya İncəsənəti Akademiyasında (BAFTA) keçirilib. Tədbirdə Heydər Əliyev Fondunun vitse-prezidenti Leyla Əliyeva da iştirak edib. "Sonsuz dəhliz” sənədli filmi prodüserlər A.Brokas və nüfuzlu "Grammy Award” mükafatçısı Cerald Rafşun (ABŞ) tərəfindən çəkilib. Film britaniyalı aktyor, BAFTA mükafatçısı Ceremi Ayronz tərəfindən səsləndirilib. Film Xocalı dəhşətlərinin şahidi olan litvalı jurnalist Riçard Lapaitisin faciədən 20 il sonra yenidən Azərbaycana gələrək qətliamdan xilas olmuş hadisə şahidləri ilə görüşlərində lentə alınmış xatirələri və Ermənistan tərəfindən faciənin təşkilində birbaşa iştirak etmiş şəxslərlə müsahibəsi əsasında qurulub, burada Qarabağın Azərbaycan tarixi və mədəniyyəti üçün əhəmiyyətinə dair süjetlərə yer verilib. Filmdə Xocalı soyqırımına dair indiyədək az məlum olan yeni faktlar, sənədlər və vaxtilə çəkilmiş videogörüntülər və fotomateriallara istinad edilir, qətliam haqqında həqiqətlər təsirli şəkildə tamaşaçıya çatdırılır.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















