Nizami Gəncəvi Beynəlxalq Mərkəzi Misirdə beynəlxalq konfrans keçirəcək

Diasporla İş üzrə Dövlət Komitəsinin dəstəyi ilə Nizami Gəncəvi Beynəlxalq Mərkəzi və Misirin İsgəndəriyyə Kitabxanası dekabrın 8-11-də İsgəndəriyyədə beynəlxalq konfrans keçirəcək.
Komitənin Mətbuat xidmətiondən verilən məlumata görə, "XXI əsrdə demokratiya” mövzusuna həsr olunan konfransda tanınmış siyasətçi, ekspert və akademiklər hazırda dünyada cərəyan edən gərgin proseslər fonunda demokratiya anlayışının əhəmiyyətini müzakirə edəcək, mümkün islahatlar və yeni mexanizmlərin tətbiqi barədə fikir mübadiləsi aparacaqlar. Konfrans çərçivəsində 2016-cı ilin mart ayında Bakıda keçiriləcək IV Qlobal Foruma hazırlıqla əlaqədar toplantının keçirilməsi də planlaşdırılıb.
Konfransın işində Misirin xarici işlər naziri Sameh Şükri, Bosniya və Herseqovinanın xarici işlər naziri Zlatko Laqumdjiya, eləcə də Hollandiyanin sabiq Baş naziri Vim Kok, Serbiyanin sabiq Prezidenti Boris Tadiç, Bolqarıstanın eks-prezidenti Petar Stoyanov, Nigeriyanın sabiq dövlət başçısı Olusegun Obasanjo, Albaniyanın keçmiş Prezidenti Recep Meydani, Rumıniyanin sabiq Prezidenti Emil Konstantinesku, Uruqvayın sabiq Prezidenti Luis Alberto Lacalle, Ekvadorun sabiq Prezidenti Rozalia Arteaqoa Serrano və İordaniya şahzadəsi Əl Hassan bin Talal iştirak edəcək.
Bundan başqa, konfransa Ərəb Dövlətləri Liqasının Baş katibi Nabil əl-Ərəbi, eləcə də təşkilatın sabiq rəhbəri Əmir Musa, İslam Əməkdaşlıq Təşkilatının sabiq Baş katibi Ekmələddin İhsanoğlu da qatılacaq.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















