Firəngiz Əlizadənin “İntizar” operasının tamaşası keçiriləcək

Tamaşada təbiət gözəlliklərinin təsvirinə geniş yer verilib
Azərbaycan Dövlət Akademik Opera və Balet Teatrında Azərbaycan Bəstəkarlar İttifaqının sədri, xalq artisti, professor Firəngiz Əlizadənin "İntizar” operasının tamaşası keçiriləcək.
Teatrın mətbuat xidmətindən verilən məlumata görə, opera dekabrın 12-də nümayiş olunacaq.
Məlumata görə, bir neçə il bundan əvvəl yeni quruluşda səhnəyə qoyulan, 2014-cü ildə isə yeni redaksiyada tamaşaçılara təqdim edilən opera bütün zamanlar üçün aktual olan bir mövzuda – Xeyir və Şər qüvvələr arasında mübarizə, bunun nəticəsi olaraq günahsız insanların ölümü, yaxın qonşuların xəyanəti və s. həsr edilib.
Tamaşada, həmçinin təbiət gözəlliklərinin təsvirinə də geniş yer verilib.
Opera tamaşasının libretto müəllifi professor Nərgiz Paşayeva, yeni redaksiyanın rejissoru əməkdar incəsənət xadimi Hafiz Quliyev, dirijor beynəlxalq müsabiqələr laureatı Əyyub Quliyev, quruluşçu rəssam isə xalq rəssamı Tahir Tahirovdur.
Tamaşada əsas rolları xalq artisti Qərinə Kərimova, əməkdar artistlər Gülnaz İsmayılova, Fərid Əliyev, Səbinə Vahabzadə, Fəridə Məmmədova, Əkrəm Poladov, gənc solistlər İlham Nəzərov, Fəhmin Əhmədli ifa edəcək.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















