Azərbaycanın xalq artisti məşhur fransız aktrisası ilə birgə filmə çəkiləcək

Rus Dram Teatrının aktyoru, Azərbaycanın xalq artisti Hacı Murad Yagizarov Almaniyada yeni filmə çəkiləcək.
Teatrın mətbuat xidmətindən "Report"a verilən məlumata görə, H.M.Yagizarov uzun illərdir Almaniyada yaşasa da, hər il Bakıya gəlir və çalışdığı Rus Dram Teatrının səhnəsində maraqlı obrazlar yaradır.
Məlumata görə, Almaniyaya bu dəfəki gedişində yeni filmdə çəkilmək təklifi alan aktyorun tərəf müqabili məşhur fransız aktrisası İzabel Adjani olacaq.
Xalq artisti Hacı Murad Yagizarov filmin çəkilişlərinin nə vaxt başlayacağının məlum olmadığını deyib: "Mənim ailəm Almaniyada yaşayır. Ona görə də, mən ilin 5-6 ayını Bakıda, qalan vaxtlarında isə Almaniyada oluram. İlk dəfə Almaniyada "Nürnberq prosesi" filmində çəkilmişəm. Həmin filmdə qızım Marianna da, tərcüməçi rolunu ifa etmişdi. Yeni filmə çəkilmək təklifinə müsbət cavab vermişəm. Yeni film romantik janrda çəkiləcək. Ümid edirəm ki, maraqlı ekran əsəri olacaq. Filmdə tanınmış fransız aktrisası İzabel Adjari ilə tərəf müqabili olacam. Çəkilişlərin nə zaman başlayacağını dəqiq deyə bilmərəm. Hazırda isə Bakıdayam və Rus Dram Teatrının səhnəsində tamaşalarda rollarımı ifa edirəm"
Qeyd edək ki, H.M.Yagizarov hazırda Rus Dram Teatrının repertuarında olan "Qurtlar və quzular" və "Artist və onun kölgəsi" tamaşalarında çıxış edir.
Dekabrın 4-də "Artist və onun kölgəsi" tamaşası növbəti dəfə nümayiş etdiriləcək. Bu tamaşa H.M.Yagizarovun 75 illik yubileyi münasibətilə hazırlanıb.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















