Heydər Əliyev Mərkəzində böyük britaniyalı heykəltəraşın sərgisi açılacaq

Sərgi gələn ilin iyulun 15-ə kimi davam edəcək
Heydər Əliyev Mərkəzində Böyük Britaniyanın tanınmış heykəltəraşı Riçard Dikonun "Digər tərəfdən" (On the Other Side) adlı fərdi sərgisi açılacaq. Mərkəzdən "Report"a verilən xəbərə görə, dekabrın 18-də açılacaq ekspozisiyada müəllifin 50-dək əsəri nümayiş olunacaq.
Sərgidə ağac, metal və keramikadan hazırlanan həm monumental, həm nisbətən kiçik əsərlər, eyni zamanda orqanik nümunələr və dəqiq işlənmiş konstruksiyalar təqdim ediləcək.
R.Dikon həmişə israrla bildirib ki, özünü klassik mənada heykəltəraş hesab etmir. O, özünü nələrisə uyduran biri kimi qələmə verir və buna görə də çox mürəkkəb əsərlərin üzərində işləyərkən ağac yaxud metalla işləyən mütəxəssislərlə əməkdaşlıq edir.
Qeyd edək ki, sərgi gələn ilin iyulun 15-ə kimi davam edəcək.
Xatırladaq ki, Riçard Dikon 1949-cu ildə Uelsin Banqor şəhərində anadan olub. 1987-ci ildə müasir incəsənət sahəsinin nüfuzlu "Törner" mükafatına layiq görülüb. 40 ildən artıq müddətdə yaradıcılıqla məşğul olan R.Dikon hazırda Londonda yaşayır və fəaliyyət göstərir.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















