Kitabların da qiyməti qalxır

Manatın kəskin ucuzlaşması kitab bazarına da təsir edəcək. Bakının kitab mağazaları arasında apardığımız sorğu belə deməyə əsas verir.
Bu gün Bakının "Akademiya", "Kitabevim", "Ali&Nino" və başqa kitab mağazalarında qiymətlər bir həftə əvvəlki qiymətlərlə eynidir. Amma onlardan bəziləri qiymətlərin gələn aydan qalxacağını deyir, bəzi kitab dükanları isə lap elə bu aydan - yeni nəşrlər gəldikcə qiymətləri yeniləyəcəklər.
"Bakı Kitab Klubu"ndan deyirlər ki, artıq nəşr olunmuş və satışda olan kitabların qiymətləri olduğu kimi qalır. Yeni nəşr olunan yerli kitablara, həmçinin xaricdən yeni gətiriləcək kitablara yeni qiymətlər tətbiq olunacaq.
Kağız xarici ölkələrdən gətirildiyi üçün bu gün orta qiyməti 5 manat olan yerli kitabın yeni qiymətlərlə 10 manata qədər bahalaşacağı istisna olunmur.
"WH Smith", "Çıraq" kimi xarici dillərdə kitablar satan mağazalar bu gündən etibarən yeni gələn kitabların qiymətlərinin qalxacağını, hələlik rəflərdə olan kitabların son ucuz kitablar olduğunu deyirlər.
Azadliq.org
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















