Cüzeppe Verdinin iki ölməz əsəri Opera və Balet Teatrında

Azərbaycan Dövlət Akademik Opera və Balet Teatrı yanvar ayında klassik opera musiqisi həvəskarlarını Cüzeppe Verdinin iki ölməz əsəri – "Traviata” (23 yanvar) və "Aida” (30 yanvar) operalarının tamaşalarına dəvət edəcək.
Opera və Balet Teatrının Mətbuat Xidmətindən ANN.Az-a verilən məlumata görə, uzun illərdən bəri Teatrın repertuarında olan hər iki tamaşada teatrımızın solistləri ilə yanaşı vaxtaşırı müxtəlif ölkələrdən dəvət olunmuş vokal ulduzları da çıxış edir. Yanvarın 23-də baş tutacaq "Traviata” operasının tamaşasında Violetta partiyasını Əməkdar artist İlahə Əfəndiyeva, Alfred rolunu isə Əməkdar artist Fərid Əliyev ifa edəcəklər. Jermon partiyasında çıxış etmək üçün Ukrayna Milli Operasının solisti, Ukraynanın Əməkdar artisti Dmitri Qrişin dəvət olunub. Tamaşada həmçinin Xalq artisti Əli Əsgərov (Markiz), Əməkdar artistlər Səbinə Vahabzadə (Flora) və Anton Ferştandt (Doktor) çıxış edəcəklər. Tamaşanı dirijorların beynəlxalq müsabiqələr laureatı Əyyub Quliyev idarə edəcək.
Yanvarın 30-da keçiriləcək "Aida” operasında isə Azərbaycanlı opera sənətçiləri – Xalq artisti Əli Əsgərov (Misir şahı), Əməkdar artistlər Səbinə Vahabzadə (Amneris), Əkrəm Poladov (Ramfis), Gülnaz İsmayılova (Kahin qadın) ilə yanaşı həm də Ukraynanın Əməkdar artistləri Viktoriya Çenskaya (Aida) və Dmitri Qrişin, Beloruslu vokalçı, Belorusun Xalq artisti Sergey Frankovski (Radames) çıxış edəcəklər.
Tamaşanın dirijoru Azərbaycanın Xalq Artisti, professor Cavanşir Cəfərovdur.


www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















