Tanınmış bəstəkarın 70 illik yubileyi qeyd olunacaq

M.Maqomayev adına Azərbaycan Dövlət Filarmoniyasında tanınmış bəstəkar, əməkdar incəsənət xadimi Mobil Babayevin 70 illik yubileyinə həsr olunan müəllif konserti keçiriləcək.
"Report" xəbər verir ki, yanvarın 29-da baş tutacaq konsertdə Ü.Hacıbəyli adına Dövlət Simfonik Orkestri və Dövlət Xor Kapellası çıxış edəcək.
Konserti dirijor Fəxrəddin Kərimov idarə edəcək.
Qeyd edək ki, M.Babayev 1945-ci il dekabrın 23-də Gəncədə anadan olub. Üzeyir bəy Hacıbəyli adına Azərbaycan Dövlət Konservatoriyasının viola sinfində təhsil alıb.
O, Cəfər Cabbarlı adına "Azərbaycanfilm" kinostudiyasında musiqi redaktoru, daha sonra isə baş redaktor kimi fəaliyyət göstərib.
M.Babayevin mahnılarını Azərbaycanın tanınmış müğənniləri ifa edib. Bəstəkar, həmçinin 100-ə yaxın film, o cümlədən, bədii-sənədli, elmi-kütləvi və animasiya filmlər üçün də musiqi yazıb.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















