Azərbaycanlılarla gürcülər birgə komediya çəkib

Bakının Nizami Kino Mərkəzində Azərbaycan-Gürcüstan birgə "Robinzon və doqquz Cümə” filminin təqdimatı olub.
Kinoşünas Ayaz Salayev təqdimatda açılış sözü deyib. O, Gürcü kinosunun hələ Sovet İttifaqı kinematoqrafiyasında tutduğu böyük yerdən danışıb.
Film komediya janrındadır. Bakıda, Tiflisdə və başqa şəhərlərdə çəkilib.
İki qonşu kişi bir kuryer şirkətində işləyirlər. Onların başına gah arvadları, gah uşaqları, gah da iş yerlərindəki macəralar müxtəlif oyunlar gətirir.
Bir gün gürcü qəhhrəman Bakıya poçt bağlaması aparmazdan əvvəl yuxuya gedir, yuxuda ona ağ cübbəli bir ağsaqqal görünür. Ağsaqqal ona Bakıda baş çıxarmaq, xoşbəxtliyini orada tapmaq üçün məsləhətlər verir. Sonra onun boynundan açar asır.
Filmin qəhrəmanı (Robinzon) yuxudan oyananda açarın sinəsində asıldığını görür.
Filmin əsas heyəti gürcülərdir: Vakhtang Kikabidze, Irakli Pirtskhalava, Keti Topuriya, Archil Mefaridze, Nani Bregvadze, Kakhi Kavsadze, Paata Guliashvili, Natia Tsitsilashvili, Salome Kokuashvili, Lika Korkia, Mariam Sanogo və müğənni Manana Japaridze.
Azərbaycanlı aktyorlar Polad Bülbüloğlu, Bəhram Bağırzadə də bir neçə səhnədə rol ifa ediblər.
Filmin ssenari müəllifləri Nika Ramishvili, Giorgi Kikalishvili və Keti Mikanadzedir. Musiqisini Fərhad Bədəlbəyli və Dato Hudzhadze bəstələyiblər.
Filmi Azərbaycan Mədəniyyət Nazirliyi maliyyələşdirib. /Azadliq.org
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















