Milli Dram Teatrında "Ölülər" tamaşasının premyerası keçiriləcək

Xalq artisti Azərpaşa Nemətin quruluş verdiyi əsərdə Şeyx Nəsrullah obrazını xalq artisti Nurəddin Mehdixanlı canlandıracaq
Akademik Milli Dram Teatrında Cəlil Məmmədquluzadənin "Ölülər" tragikomediyasının premyerası olacaq.
"Report" xəbər verir ki, tamaşanın premyerasının mayın 26-27-də keçirilməsi nəzərdə tutulub.
Milli Dram Teatrının bədii rəhbəri və direktoru, xalq artisti Azərpaşa Nemətin quruluş verdiyi əsərdə Şeyx Nəsrullah obrazını xalq artisti Nurəddin Mehdixanlı canlandıracaq.
"Ölülər"in Kefli İsgəndəri aktyor Anar Heybətov və Elnar Qarayev olacaq.
Hacı Həsən ağanı əməkdar artistlər Kazım Abdullayev, Əli Nur, Kərbalayi Fatmaxanım obrazını xalq artisti Laləzar Mustafayeva və əməkdar artist Hicran Nəsirova, Nazlını Xədicə Novruzlu, Aygün Baxışlı ifa edəcək.
Tamaşada görkəmli bəstəkar Qara Qarayevin musiqilərindən istifadə olunacaq. "Ölülər" əsərinin quruluşçu rəssamı, əməkdar rəssam Elçin Aslanovdur.
Qeyd edək ki, sonuncu dəfə Milli Dram Teatrında "Ölülər" tragikomediyasına xalq artisti, rejissor Mərahim Fərzəlibəyov quruluş verib.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















