Musiqili Teatrda yeni uşaq tamaşası hazırlanır

Azərbaycan Dövlət Musiqili Teatrında yeni uşaq tamaşasının məşqlərinə start verilib.
Teatrın Mətbuat katibi Samir Sədaqətoğlu bildirib ki, söhbət Əli Səmədlinin "Meşə çaqqalsız olmaz” musiqili nağıl-tamaşasından gedir. Yeni səhnə əsərinin quruluşçu-rejissoru Əhəd Hacıyevdir. "Bu tamaşanı hazırlamaqda əsas məqsədimiz balacalara mübarizə əzmi, vətənpərvərlik hissi aşılamaqdır. 20 ildən çoxdur ki, torpaqlarımız nankor qonşularımız ermənilər tərəfindən işğal olunub. Başqa bir xalqın, dövlətin ərazisinə soxulmaq, zəbt etmək, yalandan bütün dünyaya "Bura bizimdir!” deyib car çəkmək, Xocalı kimi dəhşətli bir cinayətə, soyqırımına imza atmaq erməni xislətinin bariz nümunəsidir. Uşaqlar bizim gələcəyimizdir, ilk növbədə onlara tariximizi öyrətmək və mənfur qonşularımızı olduğu kimi tanıtmaq lazımdır. Maraqlı süjet xəttinə malik olan bu tamaşa əslində dolayısı ilə erməni xisləti haqqında uşaqlarımızı məlumatlandırmaq missiyası daşıyır. Tülkü və Çaqqal qəfildən bir meşəyə soxulur, "Buralar bizim tarixi vətənimizdir!” deyib ətrafa car çəkirlər. Yerli heyvanların yuvalarını dağıdıb yerində daşdan ev tikərək öz tarixi eksponatları kimi təqdim edirlər. Hansısa eşşəyin çənəsini göstərib "Ulu babamızındır, arxeoloji qazıntılar zamanı tapmışıq!” söyləyirlər. Bir sözlə, əsl erməni xisləti nümayiş etdirirlər. Sürətlə inkişaf edən hadisələr elə bir məcraya yön alır ki, haqq-ədaləti bərpa etmək üçün yerli əhali fövqəlgücə - Ayıya müraciət etmək zorunda qalır. Və... əsl tamaşa da məhz bundan sonra başlayır”, - deyə quruluşçu-rejissor Əhəd Hacıyev bildirib.
Tamaşanın geyim üzrə rəssamı Yelena Almazova, rejissoru Elməddin Dadaşov, rejissor-assistenti Tamilla Aslanovadır. Rolları Əmrah Dadaşov, Güldanə Əzimova, Eleanora Mehdiyeva, Ruslan Mürsəlov, Elxan İsmayılov, Gülnarə Kərimbəyova, Zinyət Qurbanova, Şaban Cəfərov, Murad Əliyev, Elçin İmanov, Fərid Rzayev, Nigar Qarayeva və Cəlalə Novruzli ifa edirlər.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















