• $
  • €
  • ₽
  • ₺
  • £

Nyu Yorkda ilk Qafqaz irsi festivalı keçirilib

Nyu Yorkda ilk Qafqaz irsi festivalı keçirilib
18.05.2016 00:11
15 may tarixində Bruklinin "Master" Teatrı binasında Nyu York şəhərində Birinci "Qafqaz irsi" festivalı keçirilmişdir. Festival Bruklin meri Erik Adams və Bakı-Bruklin Dostluq Assosiasiyası tərəfindən təşkil olunmuşdur.

Festivalın təntənəli açılış mərasimi zamanı "Master" Teatrda yığışmış iki minədək tamaşaçını salamlayan Bruklinin meri Erik Adams bu tədbirin böyük önəmindən danışaraq Bruklin-Bakı Dostluq Assosiasiyası və onun prezidenti Mariyetta Rozental, həmçinin "My Way" Uşaq və Gənclər İnkişaf Mərkəzi və onun rəhbəri Alyona Bədəlovaya bu tarixi təşəbbüsün reallığa çevrilməsində müstəsna xidmətlərinə görə təşəkkürünü bildirdi.

E.Adams Bruklini Amerikanın Bakısı adlandıraraq burada bir çox mədəniyyətin təmsilçilərinin birlikdə sülh və əmin-amanlıq şəraitində yaşadığını dedi.

Bundan sonra Bruklin meri E.Adams tərəfindən imzalanmış rəsmi Bəyanatlar (Proklamasiyalar) oxundu. Sənədlərdə Birinci "Qafqaz irsi" festivalının keçirilməsinə dəstək qeyd olunur, bu tədbirin Nyu York və Bruklinin mədəni inkişafına töhfəsi vurğulanır. Bruklin-Bakı Dostluq Assosiasiyası və "My Way" Uşaq və Gənclər İnkişaf Mərkəzinə xüsusi təşəkkür ifadə edilir, onların fəaliyyəti alqışlanır, Bruklin ilə Bakı arasında münasibətlərə olduqca müsbət töhfəsi qeyd olunur. Eyni zamanda bu Proklamasiyalarda hər ilin may ayı Bruklində "Qafqaz irsi ayı" elan edilir.

Öz növbəsində Bruklin-Bakı Dostluq Assosiasiyasının prezidenti Mariyetta Rozental çıxışında Bruklin meri E.Adamsa, Azərbaycan Hökumətinə, o cümlədən ölkəmizin Mədəniyyət və Turizm Nazirliyinə dəstəyə görə xüsusi təşəkkürünü bildirdi.

Tədbirdə iştirak edən siyasi xadimlər və Nyu York Ştatı Assambleyası (qanunverici orqanı) üzvləri belə təşəbbüsün Bruklin üçün böyük bayram olduğunu qeyd edərək bunun ənənəvi hal alacağını təqdir etdilər, Bruklin-Bakı Dostluq Assosiasiyası və "My Way" Uşaq və Gənclər İnkişaf Mərkəzinə təşəkkürlərini vurğuladılar.

Azərbaycan Respublikasının ABŞ-da Səfirliyinin müşaviri Məmməd Talıbov çıxış edərək tədbir təşkilatçılarına təşəkkürünü bildirdi və bu festivalın keçirilməsinin tarixi hadisə olduğunu qeyd etdi. O bildirdi ki, öz tarixi vətənlərindən uzaqda olan istedadlı uşaq və gənclərin öz doğma mədəniyyətini qorumaq, yaşatmaq və tanıtmaq üçün bu gözəl bir imkandır. O, Azərbaycanın tarix boyu tolerantlıq və sülh məkanı kimi tanındığını deyərək, ölkə rəhbərliyi tərəfindən multikulturalizm və mədəniyyətlərarası dialoqa çox böyük diqqət yetirildiyini vurğuladı. Bu kontekstdə diplomat bir neçə gün öncə BMT-nin Sivilizasiyalar Alyansının növbəti forumunun böyük uğurla Bakıda keçirildiyini xatırlatdı. Eyni zamanda o, Bruklin meri E.Adamsa burada yaşayan Azərbaycan icmasına diqqətinə görə təşəkkür etdi.

Bundan sonra "My Way" Uşaq və Gənclər İnkişaf Mərkəzi, "Pesvebi" gürcü mədəniyyət mərkəzi, "İberians" rəqs ansamblı və "Crane Musiqi Teatri" kompaniyası yetirmələri tərəfindən Azərbaycan, gürcü və digər milli rəqslərdən ibarət rəngarəng proqram nümayiş etdirildi. Qeyd edək ki, Azərbaycan müğənnisi Rüfət Axundovun ifasında "Azərbaycan" mahnısı və "Səs Azərbaycan" musiqi müsabiqəsinin iştirakçısı olmuş Orxan Ağayevin ifasında "Sarı gəlin" Azərbaycan xalq mahnısı gurultulu alqışlarla qarşılandı.

www.ann.az
Instagram
Keçid et
Oxşar xəbərlər
Oxşar xəbərlər
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Sədr: Turistlər Azərbaycan muzeylərinin qarşısında növbəyə dayanmalıdır
Mədəniyyət 16:06
Sədr: Turistlər Azərbaycan muzeylərinin qarşısında növbəyə dayanmalıdır
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəni irsin qorunması Azərbaycana əlavə gəlir gətirə bilər - təklif
Mədəniyyət 12:37
Mədəni irsin qorunması Azərbaycana əlavə gəlir gətirə bilər - təklif
Aktyor Aslan Fətullayev vəfat edib
Mədəniyyət 16:00
Aktyor Aslan Fətullayev vəfat edib
Call It qrupu ilk solo konsert proqramı ilə səhnəyə çıxacaq
Mədəniyyət 10:23
Call It qrupu ilk solo konsert proqramı ilə səhnəyə çıxacaq
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mehriban Əliyeva "Zikra: xatirələr gecəsi" tamaşasını izləyib
Mədəniyyət 22:35
Mehriban Əliyeva "Zikra: xatirələr gecəsi" tamaşasını izləyib
Anews TV

Rəsmi Youtube kanalımız

Abunə ol