Azərbaycanda “Şekspir xalçası” müsabiqəsi keçirilir

"British Council Azərbaycan” Rəssamlıq Akademiyası və Azərbaycan Xalça Muzeyi ilə birgə Şekspirin anadan olmasının 452-ci ildönümü münasibətilə "Azərbaycan Şekspir Xalçası” müsabiqəsini elan edib.
"Bu il bütün dünyada Şekspirin yubileyi qeyd olunur. Bu, yubiley konfranslar, toplantılar, tamaşalar və başqa tədbirlərlə qeyd olunur. Biz yalnız Azərbaycanda maraqlı bir müsabiqə keçirməyə qərar verdik. Bu müsabiqə ilə istəyirik Azərbaycan yaradıcılığı ilə Britaniya və Şekspir ədəbiyyatını bir araya gətirək”, - deyə "British Council”in Azərbaycan üzrə direktoru Elizabet Uayt bildirib.
Müsabiqə müxtəlif iştirakçılar üçün aşağıdakı üç kateqoriya üzrə keçirilir:
1) Peşəkar xalça dizaynerləri və xalçaçılıq üzrə təhsil alan tələbələr üçün
2) 1 sentyabr 2016-cı ilə kimi yaşı 16-dan aşağı olan uşaqlar üçün
3) Ümumi: bütün digər kateqoriyalar üçün.
Ən yaxşı dizayn Rəssamlıq Akademiyası və Azərbaycan Xalça Muzeyinin mütəxəssisləri tərəfindən müəyyən ediləcək. Birinci yerə layiq görülən dizayna uyğun xalça toxunulacaq. Müsabiqənin qalibi Londona səyahət edərək "Viktoriya və Albert muzeyi"nə və "Şekspir Qlobus teatrı"na pulsuz bilet qazanacaq.
Müsabiqədə dizaynların qəbul edilməsi üçün son müraciət tarixi 31 iyul, 2016-cı ildir.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















