Nazir “Naməlum Axundzadə” tamaşasına baxdı

Mədəniyyət və turizm naziri Əbülfəs Qarayev YUĞ Dövlət Teatrında olub. Teatrın mətbuat xidmətindən AzNews.az-a verilən məlumata görə, nazir M.F.Axundzadənin komediyaları və “Kəmalüddövlə məktubları” traktatı əsasında hazırlanmış “Naməlum Axundzadə” tamaşasına baxıb. Tamaşadan sonra Ə.Qarayev kollektivlə söhbət edib, tamaşa haqqında və ümumiyyətlə, YUĞ Teatrı haqqında fikirlərini bildirib. Nazir YUĞ Teatrının Azərbaycan teatr məkanında yerini, teatrın yaradıcılıq axtarışlarını yüksək qiymətləndirdiyini vurğulayıb. Nazir həmçinin teatrın maddi-texniki bazasının, işıq və səs avadanlıqlarının təkmilləşdirilməsinin mühüm bir məsələ kimi gündəmdə olduğunu qeyd edib. YUĞ Teatrının rejissoru Gümrah Ömərin quruluşunda hazırlanan “Naməlum Axundzadə” tamaşasını klassik irsə müasir yanaşma nöqteyi-nəzərindən yüksək qiymətləndirən nazir teatrın repertuar siyasəti, tamaşaların nümayişi, reklam-təbliğat işlərinin aparılması və s. məsələlərlə bağlı öz dəyərli məsləhətlərini verib və kollektivə yaradıcılıq uğurları arzulayıb. ANN.Az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















