Kitab Kindle-da oxunanda daha pis qavranır

Eyni hekayəni Kindle-da oxuyanlar süjeti, hadisələrin ardıcıllığını onu kağız formatda oxuyanlardan "xeyli pis" xatırlayırlar.
Bu, Avropada aparılmış yeni tədqiqat zamanı aydın olub. Rəqəmsal texnologiyaların mütaliə vərdişlərinə təsirini öyrənmək üçün keçirilən həmin tədqiqat zamanı iki qrup oxucuya çağdaş Amerika yazıçısı, detektiv əsərlər müəllifi Elizabeth George-un eyni hekayəsi verilib. Qruplardan biri onu kağız formatda, digəri isə elektron formatda oxuyub.
Tədqiqatı aparan Norveçin Stavanger Universitetinin araşdırmaçısı Anne Mangen deyir ki, əsəri Kindle-da oxuyanlar oradakı 14 hadisəni ardıcıllıqla düzməyə çalışarkən daha pis nəticə göstəriblər.
Anne Mangen-in sözlərinə görə, rəqəmsallaşmanın nəticəsi olaraq artıq uzun mətnlər getdikcə daha az oxunur, mütaliə daha çox fraqmentar səciyyə daşımağa başlayıb. Mətnlər evdə, yolda və başqa yerlərdə hissə-hissə oxunur.
Araşdırmaçının fikrincə, məsələ daha dərindən öyrənilməlidir ki, hansı kitabın necə - kağız, yoxsa elektron formatda oxunmasının münasibliyi aydınlaşsın. Çünki əgər rəqəmsal texnologiyalar kitabın qavranma səviyyəsinə təsir edirsə, deməli çox mürəkkəb əsərlərin elektron formatda oxunması münasib olmaya bilər.
Oxu Zalı
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















