• $
  • €
  • ₽
  • ₺
  • £

Leyla Əliyeva: " Cəzamı mən verəcəm..."

Leyla Əliyeva: " Cəzamı mən verəcəm..."
26.08.2014 11:22

Yazıçı-publisist Mahir Qabiloğlu Azərbaycan prezidentinin qızı, Heydər Əliyev Fondunun vitse-prezidenti Leyla Əliyevanın növbəti şeirinin tərcüməsini Modern.az saytına təqdim edib. “Cəzamı mən verəcəm” adlı şeiri oxucuların ixtiyarına veririk. 

(Я накажу себя за то)

Özümü tənbeh edib,

Cəzamı mən verəcəm.

Bilirsiz nəyə görə?

Pis apardım özümü

Ötən günkü məclisdə.

İncitdim insanları

Qəlb sındıran sözlərlə. 

Süzüldü al şərablar,

Cingildədi badələr...

İstəyirdim vicdan da,

Sərxoş olub tezcənə, 

Çabalasın qədəhdə.

Cəzamı mən verəcəm,

O şaqraq, qəhqəhəli

Gülüşlərimə görə...

Həqiqət belə olsa,

yersiz sözlərə görə...

Bir də, bunlardan başqa, 

Dünyalara səs salan, 

Gözəlliyimə görə...

Hərdən hey istəyirəm,

görünüm özüm kimi,

Əslindəsə necəyəm? –

Bunu bilmirəm düzü...

İblis başımın üstə,

Ruhuma diqtə edir.

Mələklərin səpdiyi,

Xeyirxahlıq... bezdirir.

Ətrafımda kədərli, 

yazıq üzlər nə qədər

Məni  ac baxışlarla,

diri-diri yeyirlər...

Mənimsə bir dostum var,

O da elə özüməm...

Pis  gündə, yaxşı gündə,

Özüm öz həmdəmiməm...

O ağrılar ki, mənə,

Qaranlıqda, zülmətdə

Mənəvi əzab verir – 

Yolunu dəyişəcəm;

Cismimi məhv edəcək,

Ağrıya döndərəcəm.

...Günəşin arzusu nə? –

Buz dağını əritmək..!

Olmayan heç nəyini 

İtirmək istəməmək..!

Qoy lap ağlasın hamı,

Qəmə, qüssəyə batsın,

Mənsə ağlamayacam.

Gözüm quru qalacaq... –

Soğulmuş bulaq kimi...

Ürəyimi partladan

Dəhşətli ağrıları

Gülüşüm gizlədəcək.

Ruhum qumlu səhranın

Sükutuna enəcək...

Özümə divan tutub,

Hökm oxuyacağam.

Qara sevda əlindən 

...cuşa gəlib, coşacam...

deyəcəm son sözümü:

“Söz verirəm, bir də mən,

İztirab çəkməyəcəm,

Özgə dərd-ağrıları,

Duyub, əlac olmağı

Bəxtiyarlıq sanacam”.

ANN.Az

Twitter
Keçid et
Oxşar xəbərlər
Oxşar xəbərlər
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Sədr: Turistlər Azərbaycan muzeylərinin qarşısında növbəyə dayanmalıdır
Mədəniyyət 16:06
Sədr: Turistlər Azərbaycan muzeylərinin qarşısında növbəyə dayanmalıdır
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəni irsin qorunması Azərbaycana əlavə gəlir gətirə bilər - təklif
Mədəniyyət 12:37
Mədəni irsin qorunması Azərbaycana əlavə gəlir gətirə bilər - təklif
Aktyor Aslan Fətullayev vəfat edib
Mədəniyyət 16:00
Aktyor Aslan Fətullayev vəfat edib
Call It qrupu ilk solo konsert proqramı ilə səhnəyə çıxacaq
Mədəniyyət 10:23
Call It qrupu ilk solo konsert proqramı ilə səhnəyə çıxacaq
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mehriban Əliyeva "Zikra: xatirələr gecəsi" tamaşasını izləyib
Mədəniyyət 22:35
Mehriban Əliyeva "Zikra: xatirələr gecəsi" tamaşasını izləyib
Anews TV

Rəsmi Youtube kanalımız

Abunə ol