Xalq artisti: “İşə çıxıram, müalicəm davam edir”

“Səhhətimdə əməliyyatla bağlı ciddi problemlər yoxdur. Özümü tam yaxşı hiss etməsəm də, pis də deyiləm. İşə çıxıram, müalicələr davam edir”.
Bunu APA-ya açıqlamasında xalq artisti, diktor Rafiq Hüseynov deyib. Onun sözlərinə görə, əməliyyatdan sonrakı kimyaterapiyalar başa çatıb: “Türkiyədə dörd dəfə kimyaterapiya keçdim, həkimlər əməliyyatın nəticəsini yaxşı qiymətləndirdilər. İndi işə çıxıram, yuxumda, yeyib-içməyimdə ciddi problem yoxdur. Amma hər halda, bu xəstəlik elədir ki, daim həkim nəzarətində olmalıyam”.
R. Hüseynov əlavə edib ki, növbəti dəfə müayinə olunmaq üçün avqustun sonunda Türkiyəyə yollanacaq.
Qeyd edək ki, R. Hüseynov ağciyər xərçəngindən əziyyət çəkir. O, ötən il dekabrın 10-da Türkiyədə əməliyyat olunub. Həkimlər 4 saat çəkən əməliyyatla onun ağciyərinin üstündəki şişi götürüblər.
ANN.Az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















