“Qızı Xanımın ölümündən xəbərsizdir!” - Mərhumun anası danışdı

Mərhum sənətkar, Musiqili Teatrın aktrisası Xanım Qafarovanın dəfn və yas mərasiminin bütün xərcləri Heydər Əliyev Fondu tərəfindən ödənilib. Bunu AzNews.az-a açıqlamasında mərhumun anası Gövhər Xəlilova bildirib. O, deyib ki, aktrisanın qəbrinin üstünü də Heydər Əliyev Fondu götürəcək: “Neylədiksə xeyri olmadı, yazısı belə yazılıbmış. Allah Mehriban xanım Əliyevanın canını sağ etsin. O, mənim balamın yaşaması üçün nə lazımdırsa etdi. Hələ dəfninin də xərclərini ödədilər. Bundan əlavə yas mərasimləri və qəbirüstünü də Fond öz üzərinə götürdü. Mən ona dərin minnətdarlığımı bildirirəm”.G.Xəlilova onu da bildirib ki, X.Qafarovanın ölümünü hələ də qızına deməyiblər: “Xanımın vəziyyəti pisləşəndə Gövhəri kəndə apardıq. Xanım istəmədi ki, balasının gözü qarşısında ölsün. Xahiş etdi ki. onu evdən çıxaraq. Biz də bu üzdən uşağı kəndə yolladıq. İndi bala anasının ölümündən xəbərsizdir. Qalmışıq belə ki, biz ona necə deyək ki, sənin anan ölüb?! Yoxdur, o, bir də gəlməyəcək! Allah heç bir balaya ana dağı göstərməsin”.Xatırladaq ki, Xanım Qafarova xərçəng xəstəliyindən əziyyət çəkirdi.Xəstəliyi müddətində Heydər Əliyev Fondunun maliyyə dəstəyi ilə Türkiyədə 3 dəfə əməliyyat olunmuşdu. Bir neçə gün əvvəl isə Fondun prezidenti Mehriban Əliyeva onun müalicəsinin İsraildə davam etdirilməsi göstərişini vermişdi. Artıq bütün sənədlər, hətta təyyarə bileti də alınmışdı. Lakin uçuş vaxtına bir gün qalmış – iyulun 11-də Xanım Qafarova dünyasını dəyişdi. ANN.Az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















