Ermənistan uşaq qatilidir - FULYA ÖZTÜRK
31.10.2021 23:23
Bakıda Nizami Kinoteatrında "Fulya" filminin təqdimatı keçirilib. Rejissorlar Aykut Taşkın və Tahir Tahiroviç olan film İkinci Qarabağ savaşında baş verən hadisələri işıqlandıran Türkiyə jurnalisti Fulya Öztürkün fəaliyyətinə həsr edilib.
Biz həmişə kameraman Halil Kahramanla çiyin-çiyinə işləmişik. Onunla 44 gün boyunca Azərbaycanda çox ağır hadisələrə şahidlik etdik", - bunu Anews.az-a təqdiatda iştirak edən türkiyəli jurnalist Fulya Öztürk deyib.
O bildirib ki, belə bir filmin çəkilməsi Qarabağ müharibəsinin tarixinin işıqlandırılması baxımından olduqca əhəmiyyətlidir.
"Açığı filmə mənim adımın verilməsinə əvvəl razı olmadım. Lakin Qarabağ savaşında gözümün önündə yaşananları gördükcə peşə həyatımda ilk dəfə əsəb keçirdim. Ermənistanın Bərdədə, Gəncədə törətdikləri gözümün qabağında baş verdi. Normalda soyuqqanlıyam, lakin Azərbaycanda baş verənlərə soyuqqanlı qala bilmədim. Gəncədə dağıntıların altından insan cəsədlərinin çıxarılmasını öz gözlərimlə gördüm. Dolayısı ilə bu film də Ermənistanın uşaq qatili olmasının sübutu kimi bütün dünyanın görməsini istəyirəm".
Filmdə əvvəlcə ikinci Qarabağ savaşı zamanı Ermənistan silahlı qüvvələri tərəfindən raket hücumuna məruz qalmış Azərbaycanın Gəncə və Bərdə şəhərlərində baş verən hadisələr, daha sonra isə jurnalistin işğaldan azad edilmiş Ağdama və Şuşaya səfəri nümayiş olunur.
Filmin sonunda isə müharibədə həlak olan Azərbaycan şəhidlərinin ad və soyadları ekrana gəlir.
Türkiyəli jurnalist filmdə 44 günlük Vətən müharibəsində nələr yaşadığı əksini tapıb.
"Müharibə zamanı faciələri görməklə yanaşı, şükür ki, zəfəri də yaşadıq. Ermənistan bir uşaq qatilidir, bunu bütün dünya bilməlidir. Amma Zəfər günü ilə bütün dünya gördü ki, Azərbaycan öz haqlı qələbəsini qazandı, filmdə də yaşadığım hissləri anlatmağa çalışmışıq. Lakin bir məsələni də vurğulamaq istəyirəm ki, əsas qəhrəmanlar biz deyilik, əsəs qəhrəmanlar bu zəfəri bizə yaşadan, əsgərlər, şəhidlər, onların ailələridir. Nə mutlu ki, Qarabağ Azərbaycandır".
Təqdimat mərasimində Mədəniyyət naziri Anar Kərimov, incəsənət xadimləri və media nümayəndələri iştirak edib. Filmin çəkilişi Mədəniyyət NAzirliyi tərəfindən elan edilən müsabiqə çərçivəsində maliyyələşib.
Aytac Zeynalova
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Foto
Video
