• $
  • €
  • ₽
  • ₺
  • £

Zahid Oruc: “İki dövlətin hərbi İttifaqı başqa ərazilərə hücum planı deyil”

Zahid Oruc: “İki dövlətin hərbi İttifaqı başqa ərazilərə hücum planı deyil”
22.06.2021 11:32
2 gün əvvəl Ermənistanda keçirilən növbədənkənar parlament seçkilərinin yekunları Vətən Müharibəsində parlaq qələbəmizin nəticələrinə tam uyğundur, 10 noyabr  razılaşmasının ümumxalq səsverməsi ilə qəbuludur. Digər tərəfdən, erməni xalqı və ordusu yeni müharibələrə qadir olmadığını, işğal partiyasının rəhbərləri Koçaryanın və Sarkisyanın 30 illik istismar düşərgələrində və səngərlərində bir daha ölmək istəmədiklərini nümayiş etdirdilər. Əks halda, dünya tarixində məğlub Ali Baş komandana yenidən mandat verilməsi görünməmiş hadisədir. Deməli, Azərbaycanın qələbəsi 90-cı illərdə miflərlə aldadılmış başqa bir xalqı da xilas etdiyi üçün 687 min insan indi sülhə səs verir. Ona görə də 15 iyunda-Azərbaycan dövlətinin xilası günündə Şuşada Türkiyə dövləti ilə imzalanan hərbi-siyasi İttifaqı Ermənistana təhlükə kimi qələmə verənlərin qorxu və xof siyasəti nəticə vermədi. Çünki erməni xalqı başa düşür ki, onların təhlükəsizliyinə və siyasi gələcəyinə 3-cü dövlətlərin verdikləri hərbi təminat Türkiyə və Azərbaycanın qarantiyasını əvəz edə bilməz.
 
Anews.az xəbər verir ki, bu sözləri deputat Zahid Oruc Milli Məclisin bu gün keçirilən plenar iclasında deyib. 

Qardaş dövlət liderinin Bakıda, yaxud, azad olunan digər torpaqlarda deyil, məhz Şuşada qəbulu prezident İlham Əliyevin dövlət rituallarından, himni, gerbi və hərbi marşlarınadək, fəxri qarovul düzülüşündən Zəfər yolunda fəth olunmuş zirvələri fəxarətlə göstərməsinə qədər hər bir addımı tarixi qalaya siyasi paytaxt statusu qazandırır, Qarabağa Azərbaycanın dövlətçilik atributlarını qaytarır. İndi bütün dünya görür ki, dövlət başçısı ölkəsini yeni siyasi mərkəzdən idarə edir və 30 il yarada bilmədiyimiz üçlüyü-Bakını iqtisadi, Gəncəni mədəni, Şuşanı isə siyasi paytaxta çevirməklə dövlətimizin təməllərinin bütövlüyünü təmin edir.

Ona görə də iki dövlətin hərbi İttifaqı başqa ərazilərə hücum planı deyil, əksinə 100 illik Qars müqaviləsinə istinad edilməsi Şuşanı Qafqazın sülh mərkəzinə döndərir. Ərdoğanın səfəri dövlət başçılarından birincisinin-bizə qardaş ölkənin ilk səfəri olsa da, yeni seçilən İran prezidenti, o cümlədən, ABŞ və Rusiya rəhbərləri də gəlib Şuşada ölkə rəhbərinin ziyarətində ola bilərlər. Onlara da yol açıqdır.Bizim tarixi qələbəmiz yalnız Azərbaycana və Türkiyəyə deyil, ədalət tərəfində olan hamıya məxsusdur. 

1991-ci ilin oktyabrında təkcə BMT sənədlərində ərazi bütövlüyümüz tanınmışdısa, indi bütün sərhədlərimizin keşiyində şanlı ordumuz dayanır. Ona görə də 15 iyunda Şuşada şəhidlərimizin qazandığı növbəti Qurtuluş bəyannəmasi Kamal Atatürk-Heydər Əliyev ideallarının vahid bir sənəddə birləşməsidir. Bəyənnamə göstərir ki, biz Şuşada və Qarabağda bir daha qan tökülməsini istəmirik, eyni zamanda xarici dövlət ordularının da torpaqlarımızda üz-üzə gəlməsinin əleyhinəyik. İlham Əliyevin Qarsdan Naxçıvana, Şuşadan bütün Qafqazlaradək sülhü təmin edən siyasəti əsrlərdir bu regionda qanlı savaşlar aparanlara yalnız alternativ bir yol təklif edir-sülh və barış yolu, birbaşa dialoq yolu!

www.anews.az
Instagram
Keçid et
Oxşar xəbərlər
Oxşar xəbərlər
Mehriban Əliyeva Vyetnamın birinci xanımı ilə Hanoyda görüşüb
Siyasət 15:35
Mehriban Əliyeva Vyetnamın birinci xanımı ilə Hanoyda görüşüb
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Siyasət 15:17
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Hanoyda İlham Əliyevin və Mehriban Əliyevanın şərəfinə rəsmi nahar verilib
Siyasət 14:55
Hanoyda İlham Əliyevin və Mehriban Əliyevanın şərəfinə rəsmi nahar verilib
İlham Əliyevin Vyetnam Prezidenti ilə geniş tərkibdə görüşü olub - yenilənib
Siyasət 11:31
İlham Əliyevin Vyetnam Prezidenti ilə geniş tərkibdə görüşü olub - yenilənib
Prezident gürcüstanlı həmkarına başsağlığı verib
Siyasət 08:30
Prezident gürcüstanlı həmkarına başsağlığı verib
Azərbaycan və Vyetnam arasında bir sıra sənədlər mübadilə edilib
Siyasət 08:17
Azərbaycan və Vyetnam arasında bir sıra sənədlər mübadilə edilib
İlham Əliyevin Hanoyda rəsmi qarşılanma mərasimi keçirilib
Siyasət 08:03
İlham Əliyevin Hanoyda rəsmi qarşılanma mərasimi keçirilib
İŞİD-in Xorasan qruplaşmasına qoşulan azərbaycanlılar həbs edildi
Siyasət 19:30
İŞİD-in Xorasan qruplaşmasına qoşulan azərbaycanlılar həbs edildi
Baş nazir Əli Əsədov İrakli Kobaxidzeyə başsağlığı verib
Siyasət 14:24
Baş nazir Əli Əsədov İrakli Kobaxidzeyə başsağlığı verib
Anews TV

Rəsmi Youtube kanalımız

Abunə ol