• $
  • €
  • ₽
  • ₺
  • £

Rəsmi İrəvandan Azərbaycan prezidentini ittiham edən BƏYANAT

Rəsmi İrəvandan Azərbaycan prezidentini ittiham edən BƏYANAT
19.04.2023 16:27
Ermənistan Xarici İşlər Nazirliyi Azərbaycan prezidenti İlham Əliyevin bəyanatlarını əsas gətirərək Azərbaycanı ittiham edən bəyanat yayımlayıb.
 
"Azərbaycan Prezidenti İlham Əliyevin aprelin 18-də verdiyi bəyanatlar onun erməni tərəfinin və beynəlxalq ictimaiyyətin Cənubi Qafqazda sülhün bərqərar olmasına yönəlmiş səylərinə kölgədə qoymaq niyyətini bir daha nümayiş etdirir. Bundan başqa, Azərbaycan Prezidenti öz bəyanatı ilə açıq şəkildə planlaşdırılmış təcavüz və Ermənistan Respublikasının suveren ərazilərinin işğalı faktını etiraf edir, həmçinin Dağlıq Qarabağ əhalisini etnik təmizləməyə məruz qoymaq niyyətlərini açıq şəkildə ortaya qoyur”, - Ermənistan XİN-in bəyanatında deyilir.

Çərşənbə axşamı prezident İlham Əliyev Azərbaycan televiziyasına müsahibəsində bildirib ki, Qarabağ erməniləri seçim etməlidir - ya Azərbaycan vətəndaşlığını qəbul etmək, ya da başqa yaşayış yeri axtarmalıdır. Bu barədə prezidentin rəsmi saytı məlumat yayıb. 

"Biz dəfələrlə bəyan etmişik ki, heç bir ölkə ilə daxili işlərimizi müzakirə etməyəcəyik. Qarabağ bizim daxili işimizdir. Qarabağda yaşayan ermənilər ya Azərbaycan vətəndaşlığını qəbul etməlidirlər, ya da başqa yaşayış yeri axtarmalıdırlar. Burada tam azadlıq var, bütün demokratik əsaslar təklif olunur”, -prezident bildirib.

Əliyev söyləyib ki  bu məsələ insan hüquqları əsasında həll edilməlidir.

Ermənistan Xarici İşlər Nazirliyi isə bildirir ki,  "Azərbaycan regionda illərlə yığılıb qalmış problemlərin sabit və uzunmüddətli həll yollarını axtarmaq əvəzinə, gücdən istifadə və güc təhdidi yolu ilə ekstremist ambisiyalarını irəli aparmağa çalışır".
 
"Ermənistan tərəfi dəfələrlə Azərbaycanın yürütdüyü siyasətin sabitliyi pozan perspektivləri barədə xəbərdarlıq edib və beynəlxalq ictimaiyyətin diqqətini beynəlxalq hüquqa əsaslanan dünya nizamı üçün belə fəaliyyət kursunun təhlükəsinə yönəldib”, - Ermənistan XİN əlavə edib.
 
Millət vəkili Hikmət Babaoğlu hesab edir ki, Azərbaycan prezidentinin səsləndirdiyi fikirlər beynəlxalq hüquqa uyğundur.

"Hər hansı bir ölkədə yaşayan etnik məsubiyyətindən asılı olmayaraq istənilən fərd yaşadığı ölkənin qanunlarını qəbul edib, ona tabe olmalıdır. Əks təqdirdə çıxıb getməlidir. Ermənilər isə təəssüf ki, məsələni fərqli müstəviyə çəkməklə Azərbaycanın daxili işlərinə qarışır. Bu yolverilməzdir. Azərbaycanda yaşayan ermənilərin burada qalıb-qalmaması öz işidir. Ermənistanın bu bəyanatı yenidən Azərbaycanda yaşayan erməniləri etnik separatçılığa sövq etməkdir ki,bunun da aqibəti Azərbaycan qanunlarına tabe olmadığına görə Azərbaycanı tərk etmək olacaq. Yaxşı olar Ermənistan Azərbaycanın daxili işlərinə kobud şəkildə müdaxilə etməkdən əl çəksin və prezidentin çıxışlarını siyasi manupiliyasiya etməsinlər", - millət vəkili söyləyib. 
 
2020-ci il noyabrın 9-da Rusiya prezidenti Vladimir Putin, Azərbaycan prezidenti İlham Əliyev və Ermənistanın baş naziri Nikol Paşinyan Qarabağda hərbi əməliyyatların tam dayandırılması ilə bağlı birgə bəyanat imzalayıblar. Sənədə əsasən, Azərbaycan və Ermənistan tərəfləri öz mövqelərində dayanıb, bir sıra rayonlar Bakının nəzarətinə keçib, təmas xətti boyunca və Laçın dəhlizində Rusiya sülhməramlıları yerləşdirilib. Daha sonra üç ölkənin liderləri regiondakı vəziyyətlə bağlı daha bir neçə birgə bəyanat qəbul ediblər. Azərbaycan və Ermənistan ötən il sülh müqaviləsini müzakirə etməyə başlayıblar.
 
Gülnar Nazimqızı 


www.anews.az
Instagram
Keçid et
Oxşar xəbərlər
Oxşar xəbərlər
ABŞ Azərbaycana ərazilərin minalardan təmizlənməsinə yardım göstərə bilər
Siyasət 23:11
ABŞ Azərbaycana ərazilərin minalardan təmizlənməsinə yardım göstərə bilər
Almaniya XİN başçısı Prezident İlham Əliyevə təşəkkür edib
Siyasət 20:34
Almaniya XİN başçısı Prezident İlham Əliyevə təşəkkür edib
Almaniyanın xarici işlər naziri Bakıda Şəhidlər xiyabanını ziyarət edib
Siyasət 18:29
Almaniyanın xarici işlər naziri Bakıda Şəhidlər xiyabanını ziyarət edib
İlham Əliyev Gürcüstanın iqtisadiyyat və davamlı inkişaf nazirini qəbul edib
Siyasət 18:05
İlham Əliyev Gürcüstanın iqtisadiyyat və davamlı inkişaf nazirini qəbul edib
Prezident İlham Əliyev Almaniyanın xarici işlər nazirini qəbul edib
Siyasət 17:34
Prezident İlham Əliyev Almaniyanın xarici işlər nazirini qəbul edib
2027-ci ildə işsizlərin yalnız 19,2 mininə sığorta ödənişi veriləcək - deputat- video
Siyasət 16:20
2027-ci ildə işsizlərin yalnız 19,2 mininə sığorta ödənişi veriləcək - deputat- video
İlham Əliyev bu sənədləri təsdiqləyib
Siyasət 15:53
İlham Əliyev bu sənədləri təsdiqləyib
Ərlərinin xidmət etdiyi yerdə iş tapa bilməyən hərbçi xanımlarına aylıq müavinət təklif olunur
Siyasət 15:29
Ərlərinin xidmət etdiyi yerdə iş tapa bilməyən hərbçi xanımlarına aylıq müavinət təklif olunur
Mirzoyan NATO nümayəndəsi ilə Azərbaycanla sülh prosesini müzakirə edib
Siyasət 14:27
Mirzoyan NATO nümayəndəsi ilə Azərbaycanla sülh prosesini müzakirə edib
Anews TV

Rəsmi Youtube kanalımız

Abunə ol