• $
  • €
  • ₽
  • ₺
  • £

Fransanın Xarici İşlər Nazirinin Azərbaycana səfəri nə vəd edir?- ŞƏRH

Fransanın Xarici İşlər Nazirinin  Azərbaycana səfəri nə vəd edir?- ŞƏRH
25.04.2023 14:54

Fransanın Xarici İşlər Naziri Katrin Kolonna Azərbaycana səfər edəcək. Bu barədə  Fransa XİN-in mətbuat xidməti məlumat yayıb.

"Nazir səfər zamanı Fransanın ədalətli, davamlı, ərazi bütövlüyünə və beynəlxalq hüququn prinsiplərinə hörmətlə yanaşan sülh naminə iki ölkə arasında danışıqların dəstəklənməsinə sadiqliyini ifadə edəcək", - məlumatda qeyd edilib.

Siyasi şərhçi Tural İsmayılovun sözlərinə görə, Katrin Kolonnanın Azərbaycana səfəri Fransa-Azərbaycan münasibətlərində hər-hansı ciddi dəyişikliyə səbəb olmayacaq. 

 "Bu gün Fransanın həyata keçirdiyi siyasət Fransa-Azərbaycan münasibətlərini kifayət qədər zədələyib. Ölkələr arasında vəziyyətin pisləşməyinin Azərbaycana siyasi-iqtisadi təsirləri demək olar ki, yoxdur. Lakin Fransa bu məsələdə özü böyük itkilərə məruz qalır. Çünki Azərbaycanla Avropa Komissiyası arasında enerji təhlükəsizliyinə dair saziş imzalanıb və Azərbaycan bu gün qərbin enerji təhlükəsizliyində vacib əhəmiyyətə malikdir. Rusiya-Ukrayna savaşının davam etməyi fonunda Fransa ciddi enerji böhran ilə üzləşib. Ona görə də Fransa Xarici İşlər Nazirinin Bakıya səfərinin məqsədini daha çox Bakıdan "dilənmək" və enerji məsələsində Azərbaycanla razılığa gəlmək olduğunu düşünürəm. Fransa Xarici İşlər Nazirinin Ermənistan da növbəti təxribatçı açıqlamalarıda ola bilər. Bu səfər Fransa-Azərbaycan münasibətlərində hansısa ciddi dəyişikliklərə səbəb olmayacaq. Çünki Fransa Ermənistanla bağlı mövqeyində və Azərbaycana qarşı həyata keçirdiyi çirkin siyasi hücumlardan hələ də əl çəkmir” , - İsmayılov əlavə edib.
 
Siyasi məsələlər üzrə ekspert Əziz Əlibəylinin fikrincə,
Katrin Kolonnanın bu səfəri ermənilərin maraqlarına xidmət edən bir görüş olacaq.
 
"Fransanın Qarabağ məsələsindəki mövqeyi, Ermənistanla münasibətdəki mövqeyi körpüləri yandırmaqdan ibarət idi. Azərbaycanda tərəfi də bunun cavabını diplomatik səviyyədə, eyni zamanda Qoşulmama Hərəkatı, BMT-nin Təhlükəsizlik Şurasındakı Assabbleyada və Xarici İşlər Nazirliyi tərəfindən verilən notalarda verdi. Artıq Laçın-Xankəndi yolundakı vəziyyət bitdi və Azərbaycan özünün sərhəd xəttini tamamladı. Bu isə geridönüşü olmayan bir prosesdir. Düşünürəm ki, Fransa Xarici İşlər Nazirinin bu səfəri heç bir önəm kəsb etmir və bölgədə ki, proseslərə təsiri olmayacaq” , -ekspert vurğulayıb.
 
Fransalı diplomat Bakıda Prezident İlham Əliyev və xarici işlər naziri Ceyhun Bayramovla görüşəcəyi gözlənilir. O, həmçinin Şəhidlər Xiyabanını ziyarət edəcək.

Nazir İrəvanda baş nazir Nikol Paşinyan və xarici işlər naziri Ararat Mirzoyanla görüşəcək. O, Avropa İttifaqının Müşahidə Missiyasının Cermuxdakı qərargahına baş çəkəcək.

Aprelin 28-də xanım Kolonna Gürcüstana səfər edəcək. Tiflisdə Gürcüstan Respublikasının prezidenti Salome Zurabişvili, Baş nazir İrakli Qaribaşvili və xarici işlər naziri İlya Darçiaşvili ilə görüşlər nəzərdə tutulur.

Eltac
 
 

 

www.anews.az
Facebook
Keçid et
Oxşar xəbərlər
Oxşar xəbərlər
ABŞ Azərbaycana ərazilərin minalardan təmizlənməsinə yardım göstərə bilər
Siyasət 23:11
ABŞ Azərbaycana ərazilərin minalardan təmizlənməsinə yardım göstərə bilər
Almaniya XİN başçısı Prezident İlham Əliyevə təşəkkür edib
Siyasət 20:34
Almaniya XİN başçısı Prezident İlham Əliyevə təşəkkür edib
Almaniyanın xarici işlər naziri Bakıda Şəhidlər xiyabanını ziyarət edib
Siyasət 18:29
Almaniyanın xarici işlər naziri Bakıda Şəhidlər xiyabanını ziyarət edib
İlham Əliyev Gürcüstanın iqtisadiyyat və davamlı inkişaf nazirini qəbul edib
Siyasət 18:05
İlham Əliyev Gürcüstanın iqtisadiyyat və davamlı inkişaf nazirini qəbul edib
Prezident İlham Əliyev Almaniyanın xarici işlər nazirini qəbul edib
Siyasət 17:34
Prezident İlham Əliyev Almaniyanın xarici işlər nazirini qəbul edib
2027-ci ildə işsizlərin yalnız 19,2 mininə sığorta ödənişi veriləcək - deputat- video
Siyasət 16:20
2027-ci ildə işsizlərin yalnız 19,2 mininə sığorta ödənişi veriləcək - deputat- video
İlham Əliyev bu sənədləri təsdiqləyib
Siyasət 15:53
İlham Əliyev bu sənədləri təsdiqləyib
Ərlərinin xidmət etdiyi yerdə iş tapa bilməyən hərbçi xanımlarına aylıq müavinət təklif olunur
Siyasət 15:29
Ərlərinin xidmət etdiyi yerdə iş tapa bilməyən hərbçi xanımlarına aylıq müavinət təklif olunur
Mirzoyan NATO nümayəndəsi ilə Azərbaycanla sülh prosesini müzakirə edib
Siyasət 14:27
Mirzoyan NATO nümayəndəsi ilə Azərbaycanla sülh prosesini müzakirə edib
Anews TV

Rəsmi Youtube kanalımız

Abunə ol