• $
  • €
  • ₽
  • ₺
  • £

Qarabağda anti-terror əməliyatı ola bilərmi - ŞƏRH

Qarabağda anti-terror əməliyatı ola bilərmi - ŞƏRH
12.06.2023 23:40
Son günlər Müdafiə Nazirliyi Ermənistan-Azərbaycan təyin edilməmiş şərti sərhədində atəşkəsin tez-tez pozulması barədə məlmatlar verir.  İki ölkə arasında müxtəlif formatlarda sülh danışıqlarının intensiv getdiyi bir zamanda bu cür insidentlərin baş verməsi diqqət çəkir.
 
Ermənistan Baş naziri Nikol Paşinyanın son zamanlar verdiyi müsbət mesajlar fonunda baş verən olaylar tərs mütənasiblik təşkil edir. Atəşkəsin pozulması Paşinyanın iyunun 7-də Rusiyaya səfərindən sonra daha da intensivləşib.
 
Baş verən hadisələr təxribatların pərdəarxasında Rusiya faktorunun olub-olmaması və Azərbaycanın Qarabağda antiterror əməliyyatlarına başlaması məsələsini aktuallaşdırır.
 
Millət vəkili Sahib Əliyevin sözlərinə görə, Azərbaycan həm şərti sərhəddə, həm də Qarabağda qəti addımlar atmalıdır.
 
"Neçə gündür ki,  həm Azərbaycan-Ermənistan şərti sərhəddində, həm də Qarabağda ordumuzun mövqeləri ardıcıl olaraq atəşə tutulur. Qarşı təfər isə 2021-ci ildən tətbiq etdiyi taktikaya uyğun olaraq davamlı şəkildə bunlarlı təkzib edir, atəşkəsin pozulmadığını deyir.  Hələ bu azmış kimi Qarabağdakı qanunsuz silahlı birləşmələr orada uzunmüddətli istehkamlar da qurmağa cəhd edirlər. Demək ki, Ermənistan Fransanın göndərdiyi və Hindistanın İran üzərindən ötürdüyü, ötürməyə hazırlaşdığı silah-sursatla yeni savaşa hazırlaşır. Məncə, beynəlxalq normalarla təsbit edilən özünüqoruma hüququna dayanaraq Azərbaycan həm şərti sərhəddə, həm də Qarabağda qəti addımlar atmalıdır və düşünürəm ki, atacaq da. Azərbaycan ordusunun işğaldan azad edilmiş ərazilərdə komanda-qərargah təlimi keçirməsi tam gözlənilən və anlaşılandır. Təlimin gedişini  Müdafiə Nazirliyin rəhbər heyətinin də izləməsi, general-polkovnik Zakir Həsənovun hərbçilərimizə mümkün təxribatların qarşısını dərhal və qətiyyətlə almağa hər an hazır olmaq barədə konkret göstərişlər verməsi o deməkdir ki, Qarabağdakı qanunsuz silahlı birləşmələrin ordumuzun mövqelərini atəşə tutmaları, yeni istehkamlar qurmaq cəhdləri indikindən daha təsirli cavab tədbirləri ilə əvəzlənə bilər”, - deputat vurğulayıb.
 
Politoloq Qabil Hüseynli bölgədəki vəziyyətin Rusiya-Ukrayna müharibəsi bitənə kimi bu cür davam edəcəyini düşünür.
 
"Bütün bu baş verənlərin başında birbaşa Rusiya dayanır. Son vaxtlar Ermənistan Rusiya ilə daha da yaxınlaşıb və ciddi əlaqələr qurur. Rusiya burada qərbin sülhyaratma prosesinə mane olmaq istəyir. Xarici İşlər Nazirinin son Vaşinqton görüşünün pozulmasının səbəbinin də birbaşa bununla bağlı olduğunu hesab edirəm. Yəni burada Ermənistanın Rusiyanın təsiri ilə addım atdığını deyə bilərik. Rusiya iki ölkə arasında sülh prosesinin yaranmasının və Qarabağın dağlıq hissəsindəki erməni icmasının Azərbaycan cəmiyyətinə inteqrasiyasının qarşısını almağa çalışır. Yəqin ki bu proses Ukraynadakı müharibə bitənədək davam edəcək. Bölgədə anti-terror əməliyyatları başlaya bilər amma hələ ki, Azərbaycan bu əməliyyatları başlamağa tələsməməlidir. Çünki, bölgədə bir sıra ölkələr var ki, Azərbaycan və Ermənistan arasında hər hansı bir ixtilafın meydana şıxmasını gözləyir. Ona görə də Azərbaycan hələ ki, müxtəlif təsir vasitələrindən istifadə etməklə Qarabağ ermənilərini öz tərkibinə inteqrasiya etməyə çalışır. Bu prosesdə anti-terror əməliyyatlarının nə vaxt başlayacağını söyləmək çətindir”, - politoloq bildirib.
 
Azərbaycan Müdafiə Nazirliyinin verdiyi məlumata görə, iyunun 11-i saat 11:50-də Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri tərəfindən Azərbaycan Ordusunun Xocavənd rayonu istiqamətində yerləşən mövqeləri atıcı silahlardan atəşə tutulub və qeyd olunan istiqamətdə adekvat cavab tədbirləri görülüb.
 
Eltac Nurullazadə

 

www.anews.az
Youtube
Keçid et
Oxşar xəbərlər
Oxşar xəbərlər
Hikmət Hacıyev Maqdalena Qrono ilə Azərbaycan-Aİ tərəfdaşlığını müzakirə edib
Siyasət 23:14
Hikmət Hacıyev Maqdalena Qrono ilə Azərbaycan-Aİ tərəfdaşlığını müzakirə edib
Azərbaycan və Böyük Britaniya regional təhlükəsizlik məsələlərini müzakirə edib
Siyasət 18:30
Azərbaycan və Böyük Britaniya regional təhlükəsizlik məsələlərini müzakirə edib
Azərbaycan Beynəlxalq Telekommunikasiya İttifaqının Şurasına üzv seçilib
Siyasət 17:53
Azərbaycan Beynəlxalq Telekommunikasiya İttifaqının Şurasına üzv seçilib
Deputat dünyanın 100 ən böyük şirkəti ilə bağlı hökumətə çağırış edib- Video
Siyasət 16:26
Deputat dünyanın 100 ən böyük şirkəti ilə bağlı hökumətə çağırış edib- Video
Hacıyev NATO-nun xüsusi nümayəndəsi ilə əməkdaşlığın perspektivlərini müzakirə edib
Siyasət 14:16
Hacıyev NATO-nun xüsusi nümayəndəsi ilə əməkdaşlığın perspektivlərini müzakirə edib
Növbəti "Yüksəliş" müsabiqəsi üçün bir milyon manat ayrılır - Sərəncam
Siyasət 13:56
Növbəti "Yüksəliş" müsabiqəsi üçün bir milyon manat ayrılır - Sərəncam
2027-ci ilin dövlət büdcəsinin bəzi göstəriciləri təkmilləşdirilməlidir – Palata
Siyasət 12:51
2027-ci ilin dövlət büdcəsinin bəzi göstəriciləri təkmilləşdirilməlidir – Palata
Komitə sədri - az xərcləmək səmərəli xərcləmək demək deyil- VİDEO
Siyasət 11:49
Komitə sədri - az xərcləmək səmərəli xərcləmək demək deyil- VİDEO
Rusiya Gürcüstanın yeni xüsusi nümayəndəsi ilə əlaqə qurub
Siyasət 11:21
Rusiya Gürcüstanın yeni xüsusi nümayəndəsi ilə əlaqə qurub
Anews TV

Rəsmi Youtube kanalımız

Abunə ol