• $
  • €
  • ₽
  • ₺
  • £

Qarabağda ərzaq böhranı yaşanırmı?

Qarabağda ərzaq böhranı yaşanırmı?
25.06.2023 20:35
Xankəndində ərzaq qıtlığı yaranıb.  Bu barədə Qarabağın sülhməramlıların nəzarəti altında olan ərazisində yaşayan əhaliyə məxsus media məlumat verir.
 
Ermənistanın Baş naziri Nikol Paşinyan isə bildirib ki, Qarabağdakı erməni əhali ilə bağlı humanitar vəziyyət getdikcə pisləşir.  
 
Baş nazirin sözlərinə görə, humanitar vəziyyətin pisləşməsi Azərbaycanın Laçın dəhlizini hər iki istiqamətdə bağlaması ilə bağlıdır.
 
Siyasi şərhçi Tural İsmayılov bildirir ki, Qarabağda hər-hansı bir ərzaq qıtlığından söhbət gedə bilməz. 
 
"Ümumiyyətlə seperatçıların nəzarət etdiyi bölgələrdə media yoxdur. Orada Ermənistandan və Rusiyadan müəyyən maliyyə yardımları alan və bu maliyyə yardımlarını təxribata, terrora xərcləyən qüvvələr var. Daha əvvəl Xankəndi-Laçın yolundakı aksiyalar zamanı da bu təxribatdan istifadə edərərək orada vəziyyətin gərginləşməsi ilə bağlı bir süni gündəm yaratmağa çalışırdılar. Amma sonra aydın oldu ki, Azərbaycanın hansısa bir formada humanitar məsələlərdə oraya təzyiq göstərmək kimi bir məqsədi yoxdur. Azərbaycan hər zaman ədalətin yanında yer alıb və heç zaman Xankəndi və ətrafında yaşayan Azərbaycan vətəndaşı olmalı olan Ermənilərin üzərindən hansısa humanitar problemlərin yaranmasına imkan verməyib. Hesab edirəm ki, bu məsələ ətrafında vəziyyəti gərginləşdirmək yersizdir. Məsələ budur ki, hal-hazırda orada separatçılar əhalinin hissləri ilə oynamaqla məşğuldur. Əgər Xankəndində hansısa bir formada qida rasionunda problemlər varsa, bunun səbəbini oradakı seperatçı rejimin arxasında dayanan qüvvələrdə axtarmaq lazımdır", - siyasi şərhçi deyib.
 
Siyasi ekspert Azər Qasımlı isə Azərbaycanın bu məsələ ilə bağlı bəyanat verməli olduğunu düşünür.
 
"Məncə Azərbaycan hökuməti çıxıb faktlarla bütün dünyaya bəyan etməlidir ki, ya bu yolu bağlamayıb, ya da bağlasa da, bildirməlidir ki, ərzaq daşıyan, humanitar məsələlərlə bağlı olan maşınlara məhdudiyyət qoymur. Yəni hər iki halda səbəb göstərməlidir. Bunu Azərbaycan tərəfi deməyənə qədər, bu məsələ ilə bağlı fikir bildirmək çox çətindir. Orada Rusiyanın hərbi kontingenti var. Mən dəfələrlə bildirmişəm ki, Azərbaycan iqtidarı yalnız Ermənistanla deyil, paralel olaraq Rusiya ilə də bu məsələni danışmalıdır. Ermənistan Rusiyanın əli ilə sərhədi poza bilər, amma buna görə gedib Ermənistanın üzərinə düşmək yox, ilk növbədə Rusiya ilə danışıqlar aparmaq lazımdır. Çünki statusa nəzarət edən onlardır. Əgər onlar bunu edə bilmirlərsə bölgəni tərk etməlidir. Blokada məsələsi ağır məsələdir, çünki orada əhali yaşayır və dünya ictimaiəti buna birmənalı olaraq mənfi yanaşır. Bundan sonra da Azərbaycan bəyanat verməyənə qədər, Ermənistan tərəfi bunu blokada kimi qələmə verəcək”, siyasi ekspert bildirib.
 
İyunun 15-də Azərbaycanın Ermənistanla sərhəddə qurduğu Laçın sərhəd buraxılış məntəqəsinə Ermənistan ərazisindən atəş açılıb. Nəticədə Dövlət Sərhəd Xidmətinin bir hərbçisi yaralanıb. 

Azərbaycan bu insidentdən sonra məsələ ilə bağlı araşdırma həyata keçirdiyini bildirib. Baş prokurorluq aydınlıq gəlməyənə qədər sərhəd buraxılış məntəqəsinin açılmamasını məqbul sayması barədə bəyanatla çıxış edib. 

Azərbaycan Xarici İşlər Nazirliyi bildirib ki, Ərazidə humanitar böhran olduğu barədə Ermənistan tərəfindən aparılan propaqandanın heç bir əsası yoxdur.
 
Eltac Nurullazadə
 
 

www.anews.az
Facebook
Keçid et
Oxşar xəbərlər
Oxşar xəbərlər
Hikmət Hacıyev Maqdalena Qrono ilə Azərbaycan-Aİ tərəfdaşlığını müzakirə edib
Siyasət 23:14
Hikmət Hacıyev Maqdalena Qrono ilə Azərbaycan-Aİ tərəfdaşlığını müzakirə edib
Азербайджан и Великобритания обсудили вопросы региональной безопасности
Siyasət 20:02
Азербайджан и Великобритания обсудили вопросы региональной безопасности
Azərbaycan və Böyük Britaniya regional təhlükəsizlik məsələlərini müzakirə edib
Siyasət 18:30
Azərbaycan və Böyük Britaniya regional təhlükəsizlik məsələlərini müzakirə edib
Azərbaycan Beynəlxalq Telekommunikasiya İttifaqının Şurasına üzv seçilib
Siyasət 17:53
Azərbaycan Beynəlxalq Telekommunikasiya İttifaqının Şurasına üzv seçilib
Deputat dünyanın 100 ən böyük şirkəti ilə bağlı hökumətə çağırış edib- Video
Siyasət 16:26
Deputat dünyanın 100 ən böyük şirkəti ilə bağlı hökumətə çağırış edib- Video
Hacıyev NATO-nun xüsusi nümayəndəsi ilə əməkdaşlığın perspektivlərini müzakirə edib
Siyasət 14:16
Hacıyev NATO-nun xüsusi nümayəndəsi ilə əməkdaşlığın perspektivlərini müzakirə edib
Növbəti "Yüksəliş" müsabiqəsi üçün bir milyon manat ayrılır - Sərəncam
Siyasət 13:56
Növbəti "Yüksəliş" müsabiqəsi üçün bir milyon manat ayrılır - Sərəncam
2027-ci ilin dövlət büdcəsinin bəzi göstəriciləri təkmilləşdirilməlidir – Palata
Siyasət 12:51
2027-ci ilin dövlət büdcəsinin bəzi göstəriciləri təkmilləşdirilməlidir – Palata
Komitə sədri - az xərcləmək səmərəli xərcləmək demək deyil- VİDEO
Siyasət 11:49
Komitə sədri - az xərcləmək səmərəli xərcləmək demək deyil- VİDEO
Anews TV

Rəsmi Youtube kanalımız

Abunə ol