• $
  • €
  • ₽
  • ₺
  • £

Azərbaycan və Ermənistan arasında atəşkəs niyə tez-tez pozulur? - AÇIQLAMA

Azərbaycan və Ermənistan arasında atəşkəs niyə tez-tez pozulur? - AÇIQLAMA
12.07.2023 17:40
İyulun 11-i Bakı vaxtı ilə saat 16:00 radələrində Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətində yerləşən mövqelərindən Azərbaycan Ordusunun Laçın rayonu istiqamətindəki üzbəüz mövqelərini atıcı silahlardan atəşə tutub. Atəş nəticəsində Azərbaycan Ordusunun hərbi qulluqçusu əsgər Abdullayev Hüseyn Arif oğlu yaralanıb. Yaralı hərbi qulluqçunun dərhal hərbi tibb müəssisəsinə təxliyə edildiyi, həyatı üçün təhlükə olmadığı bildirilib. Bu barədə Azərbaycan Müdafiə Nazirliyi məlumat yayıb.

Son günlər Ermənistan silahlı qüvvələri tərəfindən xüsusilə Rusiya sülhməramlılarının nəzarət etdiyi ərazilərdə atəşkəs mütəmadi olaraq pozulur.

Siyasi ekspert Elçin Mirzəbəylinin sözlərinə görə, sülhməramlılarının nəzarət etdiyi ərazilərdə baş verən təxribatlar seperatçıların son çırpıntılarıdır, 
 
"Ermənistanın həmsərhəd bölgəsində Rusiya sülhməramlılarının müfəqqəti müşahidəsi altında olan Azərbaycan ərazilərində təxribatlara əl atmasının müxtəlif səbəbləri var. Bu, keçirilən görüşlər öncəsi prosesin pozulmasına xidmət edir. Burada rəsmi İrəvanın və yaxud digər sülh müqaviləsinin imzalanmasında maraqlı olmayan dövlətlərin əli ola bilər. Ermənistandakı revanşist qüvvələr, o cümlədən mövqelərini tamamilə itirmiş seperatçılarda danışıqlar prosesinin davam etdirilməsində maraqlı olmaya bilərlər. Azərbaycanın Laçın yolunun üzərində sərhəd keçid məntəqəsi ilə bağlı Ermənistanın Beynəlxalq Ədalət Məhkəməsindəki iddiaları rədd edildi. Amma bu iddialar rədd edilməmişdən əvvəl Ermənistanın törətdiyi təxribatlar bilavasitə Ermənistanın irəli sürdüyü ittihamların möhkəmləndirilməsinə xidmət edirdi. Rusiya sülhməramlılarının nəzarət etdiyi ərazilərdə baş verən təxribatlar seperatçıların son çırpıntılarıdır. Çünki, artıq seçim qalmayıb. Orada yaşayan əhali ya Azərbaycan cəmiyyətinə inteqrasiya olunmalıdırlar, ya da konkret olaraq həmin o insanları girov saxlayan seperatçılar çıxıb getməlidirlər. Əks halda onlara qarşı müvafiq hüquqi müstəvidə addımlar atılacaq”, - politoloq deyib.
 
Politoloq Cümşüd Nuriyev isə Ermənistan Prezidentinin sülhə hazır olduğunu və bu proseslərə müdaxilə edə bilmədiyini düşünür.
 
"Əslində Paşinyan Azərbaycanla sülh müqaviləsinin bağlanmasını istəyir,  Atəşkəsin pozulma hallarının başında Rusiya sülhməramlıları dayanır. Digər sərhəd ərazilərində atəşkəsin pozulması halları daha az olur.  Rusiya istəmirki Azərbaycan və Ermənistan arasında sülh sazişi imzalansın. Çünki, sülh sazişi imzalanan kimi avtomatik olaraq hər iki tərəf sazişdən çıxır və sülhməramlılar buranı tərk edir. Beynəlxalq hüquqa görə, Rusiya sülhməramlısının Azərbaycan ərazisində qalmasının heç bir hüquqi əsası yoxdur. Qarşıda prezidentlərin görüşü nəzərdə tutulur. Onlar bu məsələnin Brüssel müstəvisində həll olunmasını istəmirlər. Ona görə də atəşkəs ayın 21-nə qədər pozulacaq. Ondan sonra isə yenədə sakitçilik olacaq”, - vurğulayıb.
 
Belçikanın paytaxtı Brüsseldə Azərbaycan Prezidenti İlham Əliyevlə Ermənistanın baş naziri Nikol Paşinyan arasında görüş olacaq. Bunu iyulun 6-da hökumətin iclasında N.Paşinyan deyib.

O söyləyib ki, görüş Avropa İttifaqı Şurasının Prezidenti Şarl Mişelin vasitəçiliyi ilə keçiriləcək.
 
İstimqamət:6.3.5. Müzəffər Ali Baş Komandanın rəhbərliyi ilə 44 günlük "Vətən Müharibəsi”ndə
qazanılmış tarixi qələbə, Ermənistan tərəfindən törədilmiş sülh və insanlıq əleyhinə
cinayətlər, habelə müharibə cinayətləri ilə bağlı həqiqətlərin dünya ictimaiyyətinə
çatdırılması;
Qeyd: Yazı Medianın İnkişafı Agentliyinin maliyyə dəstəyi çərçivəsində hazırlanıb.
Eltac Nurullazadə
 

 
 
 

www.anews.az
Facebook
Keçid et
Oxşar xəbərlər
Oxşar xəbərlər
Hikmət Hacıyev Maqdalena Qrono ilə Azərbaycan-Aİ tərəfdaşlığını müzakirə edib
Siyasət 23:14
Hikmət Hacıyev Maqdalena Qrono ilə Azərbaycan-Aİ tərəfdaşlığını müzakirə edib
Азербайджан и Великобритания обсудили вопросы региональной безопасности
Siyasət 20:02
Азербайджан и Великобритания обсудили вопросы региональной безопасности
Azərbaycan və Böyük Britaniya regional təhlükəsizlik məsələlərini müzakirə edib
Siyasət 18:30
Azərbaycan və Böyük Britaniya regional təhlükəsizlik məsələlərini müzakirə edib
Azərbaycan Beynəlxalq Telekommunikasiya İttifaqının Şurasına üzv seçilib
Siyasət 17:53
Azərbaycan Beynəlxalq Telekommunikasiya İttifaqının Şurasına üzv seçilib
Deputat dünyanın 100 ən böyük şirkəti ilə bağlı hökumətə çağırış edib- Video
Siyasət 16:26
Deputat dünyanın 100 ən böyük şirkəti ilə bağlı hökumətə çağırış edib- Video
Hacıyev NATO-nun xüsusi nümayəndəsi ilə əməkdaşlığın perspektivlərini müzakirə edib
Siyasət 14:16
Hacıyev NATO-nun xüsusi nümayəndəsi ilə əməkdaşlığın perspektivlərini müzakirə edib
Növbəti "Yüksəliş" müsabiqəsi üçün bir milyon manat ayrılır - Sərəncam
Siyasət 13:56
Növbəti "Yüksəliş" müsabiqəsi üçün bir milyon manat ayrılır - Sərəncam
2027-ci ilin dövlət büdcəsinin bəzi göstəriciləri təkmilləşdirilməlidir – Palata
Siyasət 12:51
2027-ci ilin dövlət büdcəsinin bəzi göstəriciləri təkmilləşdirilməlidir – Palata
Komitə sədri - az xərcləmək səmərəli xərcləmək demək deyil- VİDEO
Siyasət 11:49
Komitə sədri - az xərcləmək səmərəli xərcləmək demək deyil- VİDEO
Anews TV

Rəsmi Youtube kanalımız

Abunə ol