• $
  • €
  • ₽
  • ₺
  • £

Laçında toqquşma riski üçüncü Qarabağ müharibəsinə gətirib çıxara bilər - POLİTOLOQ

Laçında toqquşma riski üçüncü Qarabağ müharibəsinə gətirib çıxara bilər - POLİTOLOQ
26.07.2023 17:32
Ermənistandan Xankəndinə doğru bir qrup humanitar yük maşını Laçın nəzarət- buraxılıq məntəqəsinə doğru yola çıxıb. Azərbaycan tərəfi humanitar yüklərin yalnız Ağdamdan verilə biləcəyini qeyd edib. Ermənilər isə Laçın yolundan keçməkdə israrlıdır. Bu barədə Azərbaycan televiziyasının yayımladığı materialda qeyd olunub. 
 
Ekspertlər bunun Laçın Nəzarət-buraxılış məntəqəsində toqquşma riski olduğunu deyir. 

Politoloq Elxan Şahinoğlunun sözlərinə görə, toqquşma riski üçüncü Qarabağ müharibəsinə gətirib çıxara bilər.
 
"Bunu Ermənistan tərəfi də anlayır. Ona görə ara-sıra Azərbaycanı şantaj etməyə, o cümlədən müxtəlif yürüşlər təşkil etməyə çalışırlar. Amma son anda planlarından vaz keçirlər. Həm də yürüş edənləri elə özləri saxlayırlar. Onlar bilirlər ki, Laçın sərhəd-keçid məntəqəsinə hücum etsələr və yaxud Şuşa və Laçında hər hansı bir təxribat törətsələr, bunun nəticəsi çox ağır olacaq. Biz deyirik ki, iki il ərzində Qarabağ seperatçılarını tərkisilah edib, Rus hərbi kontingentini yola salmalıyıq. Amma belə təxribatlar davam edərsə, artıq anti-terror əməliyyatının başlama tarixini Azərbaycan daha erkən vaxta sala bilər”, - politoloq söyləyib.
 
Siyasi şərhçi Elçin Abdullayev yaxın vaxtlarda sərhəddə ciddi toqquşmaların olacağını düşünmür.
 
"Qarabağda toqquşmaların dəstəkləyən qüvvələr olsa da, yaxın prespektivdə Qarabağda geniş səthli toqquşma riski olmayacaq, olsa da lokal xarakterli ola bilər. Çünki, geniş miqyaslı müharibənin alovlanması üçün Ermənistan və Qarabağda olan seperatçılar Azərbaycan ordusu ilə müharibə etmək üçün özlərini hazır görmürlər. Ötən iki il ərzində Azərbaycan ordusu həm Ermənistan ordusu, həm də seperatçıları layiqli cəzalandırıb. Bu da onların hələ də yaddaşlarında qalıb. Hər bir halda sülh müqaviləsi imzalanmayıbsa, müharibə riskləri qalmaqda davam edəcək. Bu gün Qarabağda sülhün əldə olunmaması üçün çalışan güclər var və onlar istənilən bir vaxt vəziyyəti qarışdırmağa çalışacaqlar. Amma nə qədər cəhd etsələr də yaxın zamanlarda Azərbaycan və Ermənistan arasında müharibənin olacağını düşünmürəm”, - politoloq bildirib.
 
Hazırda Laçın sərhəd buraxılış məntəqəsinə doğru hərəkət edən "humanitar" yüklərin daşınmasını Ermənistandan Rusiyaya meyvə-tərəvəz mallarının daşınmasını həyata keçirən "Employees of Spayka LLC" şirkəti icra edir. Şirkətin baş direktoru Karen Baqdasaryandır.
 
İyulun 14-də Xankəndidəki erməni vətəndaşlar Azərbaycana qarşı aksiyaya başlayıblar.  Separatçı rejimin rəhbəri Araik Arturyuan  iyuulun 17-də aksiyaya qoşulsa da bu gün aksiyanı dayandırdığını elan edib. 
 
İyulun 11-də Azərbaycan Dövlət Sərhəd Xidməti (DSX)  Beynəlxalq Qızıl Xaç Komitəsinin (BQXK) avtomobillərində qaçaqmalçılıq faktlarının aşkarlanmasına görə Laçın sərhəd-keçid məntəqəsini müvəqqəti olaraq dayandırıb. 
 
2023-cü ilin aprelin 23-də Azərbaycan Dövlət Sərhəd Xidməti Ermənistanla sərhəddə, Laçın-Xankəndi yolunun başlanğıcında sərhəd-keçid məntəqəsinin quraşdırılmasını elan edib.
 
İyunun 15-də Ermənistan silahlı qüvvələri Laçın dəhlizində Azərbaycan sərhəd-buraxılış məntəqəsini atəşə tutub. Nəticədə Dövlət Sərhəd Xidmətinin (DSX) hərbçisi yaralanıb. Azərbaycan Xarici İşlər Nazirliyi baş verən hadisəni pisləyib və "beynəlxalq ictimaiyyəti Ermənistan tərəfinin bu təxribatını qətiyyətlə pisləməyə və Ermənistanı bölgədə sülh və sabitliyə hədə olan təcavüzkar hərəkətlərdən çəkinməyə" çağırıb. 
 
Eltac Nurullazadə

www.anews.az
Youtube
Keçid et
Oxşar xəbərlər
Oxşar xəbərlər
Азербайджан и Великобритания обсудили вопросы региональной безопасности
Siyasət 20:02
Азербайджан и Великобритания обсудили вопросы региональной безопасности
Azərbaycan və Böyük Britaniya regional təhlükəsizlik məsələlərini müzakirə edib
Siyasət 18:30
Azərbaycan və Böyük Britaniya regional təhlükəsizlik məsələlərini müzakirə edib
Azərbaycan Beynəlxalq Telekommunikasiya İttifaqının Şurasına üzv seçilib
Siyasət 17:53
Azərbaycan Beynəlxalq Telekommunikasiya İttifaqının Şurasına üzv seçilib
Deputat dünyanın 100 ən böyük şirkəti ilə bağlı hökumətə çağırış edib- Video
Siyasət 16:26
Deputat dünyanın 100 ən böyük şirkəti ilə bağlı hökumətə çağırış edib- Video
Hacıyev NATO-nun xüsusi nümayəndəsi ilə əməkdaşlığın perspektivlərini müzakirə edib
Siyasət 14:16
Hacıyev NATO-nun xüsusi nümayəndəsi ilə əməkdaşlığın perspektivlərini müzakirə edib
Növbəti "Yüksəliş" müsabiqəsi üçün bir milyon manat ayrılır - Sərəncam
Siyasət 13:56
Növbəti "Yüksəliş" müsabiqəsi üçün bir milyon manat ayrılır - Sərəncam
2027-ci ilin dövlət büdcəsinin bəzi göstəriciləri təkmilləşdirilməlidir – Palata
Siyasət 12:51
2027-ci ilin dövlət büdcəsinin bəzi göstəriciləri təkmilləşdirilməlidir – Palata
Komitə sədri - az xərcləmək səmərəli xərcləmək demək deyil- VİDEO
Siyasət 11:49
Komitə sədri - az xərcləmək səmərəli xərcləmək demək deyil- VİDEO
Rusiya Gürcüstanın yeni xüsusi nümayəndəsi ilə əlaqə qurub
Siyasət 11:21
Rusiya Gürcüstanın yeni xüsusi nümayəndəsi ilə əlaqə qurub
Anews TV

Rəsmi Youtube kanalımız

Abunə ol