• $
  • €
  • ₽
  • ₺
  • £

"Qəbələ" klubunun kapitanı: "Neftçi"nin yerli futbolçularına görə ürəyim ağrıyırdı"

"Qəbələ" klubunun kapitanı: "Neftçi"nin yerli futbolçularına görə ürəyim ağrıyırdı"
13.09.2016 10:40
Azərbaycan Premyer Liqasının IV turunda "Neftçi"ni 8:0 hesabı ilə yendikləri qarşılaşmadan sonra "Qəbələ” klubunun kapitanı Rəşad Sadiqovun "Report"a müsahibəsi

- Meydanda nə baş verdi ki, belə böyük fərqlə qalib gəldiniz?

- Çox gözəl oynadıq. Düşünürəm ki, layiqli qələbə qazandıq. Düzdür, heç kim inanmazdı ki, "Neftçi”yə 8 top fərqi ilə qalib gələcəyik. Sadəcə, oyunun gedişatı göstərdi ki, həmin matçda hər bir komanda "Neftçi”yə 8 qol vura bilər.

- Oyun ərzində boşa gedən epizodlar da oldu. Buna baxmayaraq, yəqin ki, nəticə sizi qane etdi...

- 8 top fərqi ilə qalib gəlmək bizi qane etməyə bilməzdi. Düzdür, o hesabdan sonra yerli futbolçulara görə pis olurduq, adamın ürəyi ağrıyırdı. Amma bu, futboldur. Bizim komandaya da hansısa klub 5-6 top vursa, pis vəziyyətə düşərik. Neyləyə bilərdik? Biz meydana oynamaq üçün çıxmışdıq. Vacib olan 3 xal qazanmaq idi, bunun da öhdəsindən gəldik.

- Komandanın oyunundan necə, razı qaldınız?

- Düşünürəm ki, oynumuz yaxşı alındı. Amma bu haqda baş məşqçi və mütəxəssislər danışsa, daha düzgün olar. Nəticə göstərdi ki, "Qəbələ” yaxşı oynadı və düzgün yoldadır.

- Sentyabrın 15-də Avropa Liqasının ilk turu çərçivəsində Belçikada "Anderlext”lə üz-üzə gələcəksiniz. Bu qarşılaşma haqda nə düşünürsünüz?

- Bilirik ki, "Anderlext” Azərbaycan çempionatındakı komandalarla eyni gücdə deyil. Hər il Çempionlar Liqasında mübarizə aparan komandadır. Ötən mövsüm "Qarabağ”la Avroliqanın qrup mərhələsindəki matçlarını da izləmişik. Çox güclü rəqiblə oynayacağıq. İnanıram ki, səfərdən yaxşı nəticə ilə qayıdacağıq. Ən əsası, yaxşı oyun sərgiləmək istəyirik.

- Qrup şanslarını necə dəyərləndirirsiniz?

- Rəqiblərimizin hər biri səviyyəli klubdur. Şansımız az olsa da, ümid sonda ölür. Hamı "Qəbələ”nin döyüşkən komanda olduğunu bilir. Əlimizdən gələni edəcəyik ki, son matça kimi qrupdan çıxma şansımızı əldən verməyək.

- Milli komandamız da dünya çempionatında oyunlara başladı və ilk matçda San-Marinoya səfərdə qalib gəldik. Buna baxmayaraq, 1:0 hesablı qələbə çoxlarını razı salmadı. Siz bu haqda nə düşünürsünüz?

- Açığı, oyunu izləməmişəm. Ona görə də bu haqda heç nə deyə bilmərəm. Amma hər halda, hesabdan aslı olmayaraq, qələbə qazanmağımız yaxşı haldır.


www.ann.az
Facebook
Keçid et
Oxşar xəbərlər
Oxşar xəbərlər
UEFA Filipp Diallonu FİFA prezidentliyinə namizəd göstərib
İdman 21:59
UEFA Filipp Diallonu FİFA prezidentliyinə namizəd göstərib
"Neftçi" və "Qarabağ"ın oyunlarının vaxtı bəlli olub
İdman 13:18
"Neftçi" və "Qarabağ"ın oyunlarının vaxtı bəlli olub
Azərbaycan futzal millisi Latviyaya 1:5 hesabı ilə uduzub
İdman 22:00
Azərbaycan futzal millisi Latviyaya 1:5 hesabı ilə uduzub
“Sabah” Norveçdə “Vikinq”ə məğlub olub - yenilənib
İdman 01:58
“Sabah” Norveçdə “Vikinq”ə məğlub olub - yenilənib
Hidayət Heydərov Əbu-Dabidə bürünc medal qazanıb
İdman 20:19
Hidayət Heydərov Əbu-Dabidə bürünc medal qazanıb
İlham Əliyev FIFA U-15 Dünya Çempionatının finalını izləyib
İdman 19:49
İlham Əliyev FIFA U-15 Dünya Çempionatının finalını izləyib
İspaniya millisi Bakıda keçirilən FIFA U-15 dünya çempionatının qalibi olub
İdman 19:00
İspaniya millisi Bakıda keçirilən FIFA U-15 dünya çempionatının qalibi olub
“Qızıl top”un saytı səhvən qaliblərlə bağlı paylaşım edib
İdman 23:41
“Qızıl top”un saytı səhvən qaliblərlə bağlı paylaşım edib
U-15 dünya çempionatı: Azərbaycan millisi Haiti yığmasına məğlub olub
İdman 19:09
U-15 dünya çempionatı: Azərbaycan millisi Haiti yığmasına məğlub olub
Anews TV

Rəsmi Youtube kanalımız

Abunə ol