• $
  • €
  • ₽
  • ₺
  • £

İvanişvilinin TANAP qısqanclığı: Tiflis nə istəyir?

İvanişvilinin TANAP qısqanclığı: Tiflis nə istəyir?
29.05.2020 06:19
TANAP-a Gürcüstanın rəhbərlik səviyyəsində qatılmaması çox problemli məsələdir.

Bu sözləri Axar.az-a açıqlamasında politoloq İlqar Vəlizadə deyib. O bildirib ki, bunu heç bir siyasi məntiqlə izah etmək mümkün deyil:

"Əgər bu, Gürcüstandakı siyasi böhranla əlaqəli idisə, onda orada doğrudan da çox ciddi, dərin bir böhran hökm sürməli idi ki, bu cür tarixi bir mərasimə Gürcüstan qatılmasın. Amma böhranın nə qədər dərin olmasından asılı olmayaraq, Gürcüstanın XİN rəhbəri, yaxud da Gürcüstan Prezidenti Georgi Marqvelaşvili bu tədbirdə iştirak edə bilərdi. Hökumətdaxili böhran Marqvelaşviliyə aid olan məsələ deyil. Çünki prezident baş nazirin komandasından uzaq olan bir şəxsdir. O, bu tədbirə qatıla bilərdi”.

Politoloq vurğulayıb ki, əslində Gürcüstanın TANAP-a rəhbərlik səviyyəsində qatılmamasının əsas səbəbi Gürcüstan daxili deyil, xarici siyasəti ilə bağlı problemləridir. Ölkədəki daxili böhranın Gürcüstanın siyasətinə təsir etdiyini bildirən ekspert hələlik Tiflisin hansı siyasi kursu davam etdirəcəyini müəyyən edə bilmədiyini deyib:

"Yəni hazırda hakimiyyətdə olan komanda ümumiyyətlə, istiqaməti itiriblər. Bunlar bilmirlər ki, xarici siyasətdə hansı dəst-xətti tutsunlar. Bu layihədə Gürcüstan vacib rol oynayırdı. Gürcüstandan Azərbaycan qazı Avropaya nəql olunur. Belə bir mərasimə qatılmamağı izah etmək çətindir”.

Politoloq qeyd edib ki, hazırda Gürcüstanı real idarə edən bir nəfər var: Bidzina İvanişvili hakim partiyanın sədridir və bütövlükdə ölkəni idarə edir. Aydındır ki, hakim partiya hakimiyyətdə təmsil olunur, parlamentin əksəriyyətini təşkil edir, Nazirlər Kabinetini formalaşdırır. Hakim partiyadan bilavasitə baş nazir seçilir və baş nazir hökuməti idarə edir. Amma burda reallıqda vəziyyət elədir ki, baş nazir əsas fiqur deyil. Ölkəni də, hökuməti də idarə edən Bidzina İvanişvilidir. Düşünürəm ki, o, baş naziri hakimiyyətdən uzaqlaşdıra bilirsə, ona qadirdirsə, deməli, TANAP-ın açılışında yüksək səviyyədə təmsilçiliyi də təmin edə bilərdi. Görünür, o, bunu etmək istəməyib”.

Qeyd edək ki, ötən gün TANAP-ın açılış mərasiminə Azərbaycan Prezidenti İlham Əliyev, Türkiyə Prezidenti Rəcəb Tayyib Ərdoğan, Bolqarıstan Baş naziri Boyko Borisov, Ukrayna Prezidenti Pyotr Poroşenko, Serbiya Prezidenti Aleksandr Vuçiç, BP rəhbəri Robert Dadli qatılıb. Gürcüstan Prezidenti Georgi Marqvelaşvili mərasimə dəvət edilsə də, gəlməyib. Gürcüstan mərasimdə səfir İrakli Koplatadze ilə təmsil olunub.

www.anews.az
Telegram
Keçid et
Oxşar xəbərlər
Oxşar xəbərlər
Gürcüstanda surroqat analıq qadağan edilir
Dünya 19:03
Gürcüstanda surroqat analıq qadağan edilir
Almaniyada kilsədə dəm qazı sızması nəticəsində 19 nəfər zəhərlənib
Dünya 18:30
Almaniyada kilsədə dəm qazı sızması nəticəsində 19 nəfər zəhərlənib
ABŞ-də əyləncə mərasimində atışma nəticəsində doqquz nəfər yaralanıb
Dünya 17:03
ABŞ-də əyləncə mərasimində atışma nəticəsində doqquz nəfər yaralanıb
İstanbulda yaşayış binasının 16 sakini qazdan zəhərlənib
Dünya 15:08
İstanbulda yaşayış binasının 16 sakini qazdan zəhərlənib
DMM-dən “Malatya ayağa qalxdı” iddialarına rəsmi reaksiya
Dünya 14:34
DMM-dən “Malatya ayağa qalxdı” iddialarına rəsmi reaksiya
İranda spirtli içkidən kütləvi zəhərlənmə: 3 nəfər ölüb, 33 nəfər xəstəxanaya yerləşdirilib
Dünya 08:58
İranda spirtli içkidən kütləvi zəhərlənmə: 3 nəfər ölüb, 33 nəfər xəstəxanaya yerləşdirilib
Nigeriyada gəmi qəzasında 26 nəfər ölüb
Dünya 08:43
Nigeriyada gəmi qəzasında 26 nəfər ölüb
Hindistanda spirtli içkidən zəhərlənən 15 nəfər ölüb
Dünya 23:56
Hindistanda spirtli içkidən zəhərlənən 15 nəfər ölüb
В Азербайджане впервые пройдет чемпионат Европы по баскетболу
Dünya 18:02
В Азербайджане впервые пройдет чемпионат Европы по баскетболу
Anews TV

Rəsmi Youtube kanalımız

Abunə ol