• $
  • €
  • ₽
  • ₺
  • £

Baş katib BMT sülhməramlılarına müraciət edib

Baş katib BMT sülhməramlılarına müraciət edib
29.05.2021 21:00
BMT-nin Baş katibi Antonio Quterreş Beynəlxalq BMT sülhməramlıları günü ilə əlaqədar müraciət yayıb.

Anews.az müraciəti təqdim edir:

"Beynəlxalq BMT Sülhməramlıları Günü münaqişənin ön xəttində xidmət etmiş bir milyondan çox qadın və kişinin fəaliyyətini yüksək dəyərləndirir, eləcə də vəzifə başında həyatını itirən 4 mindən çox insanın xatirəsini yad edir. Onların xidməti və fədakarlığı heç vaxt unudulmayacaq.

Mən, çətin durumda olanları qorumaq və sülhün bərqərar edilməsi üçün dünyanın ən qaynar nöqtələrində hazırda fəaliyyət göstərən 85 min mülki, polis və hərbi qulluqçulara dərin minnətdarlığımı bildirirəm. Pandemiyanın yaratdığı məhdudiyyətlərə, eləcə də yoluxma riskinə baxmayaraq, bu kişi və qadınlar öz missiyasını yerinə yetirməklə bərabər COVID-19-la mübarizədə yerli hakimiyyət orqanlarını dəstəkləyiblər. Bu dəhşətli xəstəliyin qurbanı olmuş sülhməramlıların ailələrinə səmimi qəlbdən başsağlığı verirəm.

Bu il Beynəlxalq BMT Sülhməramlıları Gününün əsas mövzusu gənclər, sülh və təhlükəsizlik məsələlərinə həsr olunub. Sülhməramlılarımızın çalışdığı hər bir ölkədə yalnız gənclərin fəal iştirakı ilə sülhə nail olmaq mümkündür. Onların ehtiyaclarını qarşılamaq, səslərinə səs vermək və qərar qəbul etmə masalarında iştirakını təmin etmək üçün dünya daha çox iş görməlidir.

Bizim missiyalar zorakılığın azaldılması və sülhün dayanıqlı olması üçün gənclərin, xüsusilə də gənc qadın və qızların müdafiəsi və dəstəklənməsi işində mühüm rol oynayır. Konqo Demokratik Respublikasında fəaliyyət göstərən MONUSCO sülhməramlı missiyamız zorakılığa əlverişli və dayanıqlı alternativlər təqdim etmək üçün silahlı qruplara qoşulmaq ehtimalı olan gənclərlə yaxından işləyir. Cənubi Sudanda gənc qrupların sülh proseslərinə cəlb edilməsi beynəlxalq və milli iştirakçılar arasında münasibətlərin möhkəmlənməsinə kömək edib. Mərkəzi Afrika Respublikasında və Malidə MİNUSCA və MİNUSMA son seçkilərdə seçicilərin sayını artırmaq üçün gənclərlə sıx əməkdaşlıq ediblər.

Gənc sülhməramlılar, xüsusilə də gənc qadın sülhməramlılar bizim ən üstün cəhətlərimizdən sayılır. Onlar dərin kök atmış cinsi stereotiplərin qırılmasına hər gün töhfə verirlər, habelə gənc qadınları və qızları fərqli yol və imkanlar axtarmağa ruhlandırırlar.

Birləşmiş Millətlər Təşkilatının sülhməramlı fəaliyyəti dünyanın ən təhlükəli yerlərində sülhün bərqərar olunmasına kömək edir. Bu gün və hər gün cəmiyyətlərin müharibəyə son qoyub daha təhlükəsiz və daha sabit gələcəyə doğru getmələrinə göstərdiyi köməkliyə görə sülhməramlılarımızın fədakarlıq və cəsarətini alqışlayırıq".

www.anews.az
Telegram
Keçid et
Oxşar xəbərlər
Oxşar xəbərlər
Monqolustan Prezidenti istefa verib
Dünya 09:49
Monqolustan Prezidenti istefa verib
İsrail Ordusu HƏMAS-ın hərbi qanadının bölmə komandirini zərərsizləşdirib
Dünya 23:53
İsrail Ordusu HƏMAS-ın hərbi qanadının bölmə komandirini zərərsizləşdirib
Ukrayna “Starshield” sisteminə qoyulan məhdudiyyətlərin yeddi gündür qüvvədə olduğunu açıqlayıb
Dünya 22:34
Ukrayna “Starshield” sisteminə qoyulan məhdudiyyətlərin yeddi gündür qüvvədə olduğunu açıqlayıb
Kiyev vilayətində qumbara partlaması nəticəsində 4 nəfər ölüb
Dünya 21:11
Kiyev vilayətində qumbara partlaması nəticəsində 4 nəfər ölüb
Rusiyanın müvəqqəti işlər vəkili Estoniya XİN-ə çağırılıb
Dünya 20:14
Rusiyanın müvəqqəti işlər vəkili Estoniya XİN-ə çağırılıb
Tramp Kim Çen Inla görüşə biləcəyini açıqlayıb
Dünya 20:07
Tramp Kim Çen Inla görüşə biləcəyini açıqlayıb
İraq və İordaniyada Telegram-a giriş bloklanıb
Dünya 18:01
İraq və İordaniyada Telegram-a giriş bloklanıb
Aİ Ukraynaya 8 milyard avro ayrılmasını təsdiqləyib
Dünya 16:17
Aİ Ukraynaya 8 milyard avro ayrılmasını təsdiqləyib
Bu ölkə təxribata görə Rusiya ilə sərhədini bağlayır
Dünya 12:13
Bu ölkə təxribata görə Rusiya ilə sərhədini bağlayır
Anews TV

Rəsmi Youtube kanalımız

Abunə ol