• $
  • €
  • ₽
  • ₺
  • £

Təhlükəsizlik qüvvələri yeniyetməni ov tüfəngi ilə oldürüb

Təhlükəsizlik qüvvələri yeniyetməni ov tüfəngi ilə oldürüb
20.10.2022 19:28
Məşhəd şəhərində yeniyetmə oğlan təhlükəsizlik qüvvələri tərəfindən ov tüfəngi ilə vurularaq oldürülüb.

17 yaşlı Əbülfəzl Adinazadə oktyabrın 8-də hökümət əleyhinə etirazlara qoşulub, bundan sonra evə bir daha qayıtmayıb.
 
Səlahiyyətli şəxslər (hökumət rəsmiləri) buna şərh bildirməyib.  BBC-nin əldə etdiyi məlumatlara görə isə, onun ölüm şəhadətnaməsində ov tüfənginin atəşi ilə qaraciyər və böyrək zədələnməsi səbəbindən öldüyü qeyd olunur.

Mənbələr həkimin dediyinə istinadla, atəşin 1 metrdən daha az məsafədən (3 fut) açıldığını deyir.
 
"O hansı cinayəti törədib ki, onun mədəsinə 24 atəş açılıb?”-  bunu Əbülfəzlin atası oğlunun dəfn mərasimində deyib.

Mənbələrin bildirdiyinə görə, Əbülfəzl etirazlarda iştirak etdikdən sonra onun valideynləri əvvəlcə onun başına nə gəldiyini bilməyiblər. Yalnız ertəsi gün Təhsil nazirliyi zənglə oğullarını polis bölməsindən gəlib aparmalarını bildirib.  Ora çatanda isə öldüyünü deyiblər.

Mənbələrin BBC-yə verdiyi məlumata görə, "Ağzını yum və mediaya danışma!”-deyə polis idarəsində Əbülfəzlin atasına xəbərdarlıq edilib.
Ailəyə onların oğlunun, etirazları zorakılıqla yatırmaqda iştirak edən hərbiləşdirilmiş qüvvə olan Bəsic qrupunun üzvü olduğunu söyləmək üçün təzyiq edilib. Hakimiyyət İranın xarici düşmənlərinin dəstəklədiyi "iğtişaşçıları” hazırkı iğtişaşlar zamanı Bəsic üzvlərini və digər təhlükəsizlik qüvvələrini öldürməkdə ittiham edib.

Mənbələrin bildirdiyinə görə, Əbülfəzlin dəfn mərasimində mülki geyimli təhlükəsizlik işçiləri də olub, qəzəblərini ifadə etmək istəyən yas tutanları susdurublar.

"Əbülfəzlin bibisi onun şəklini qəbrinin üstünə qaldırdı, lakin bir qadın agent çərçivəni götürüb çadrasının  altına qoydu”, -  onlar deyib.
 
Bundan başqa, bəzi yas mərasimi iştirakçıları da dəfn mərasimindən sonra saxlanılıb və mobil telefonlarından videoların silinməsi tələb olunub.

Mənbələrin bildirdiyinə görə, Əbülfəzlin mobil telefonu hələ də ailəsinə qaytarılmayıb.

"Əbülfəzl Adinezadənin kadrlarında xoşbəxt bir yeniyetmənin daim rəqs etdiyi və güldüyü əks olunub və o, hamını şənləndirməsi ilə tanınıb. Dərsdən sonra saat 22:00-a qədər mağazada mobil telefonların təmiri ilə məşğul olub. Son zamanlar o, korrupsiyaya, əxlaq polisi tərəfindən saxlandıqdan sonra komaya düşən 22 yaşlı qadın Məhsa Əmininin ötən ay ölümünə, eləcə də digər qadınların küçələrdə döyülərək öldürülməsinə dair görüntülərə qəzəblənib”, - mənbələr deyir.

İranın İnsan Haqları üzrə fəaliyyət göstərən HRA ( Human Rights Activists) xəbər agentliyinin təxminlərinə görə, 32-si uşaq olmaqla, 244 etirazçı təhlükəsizlik qüvvələri tərəfindən repressiya zamanı öldürülüb.  Agentlik, çoxu gənclər və uşaqlar olmaqla 12,500-dən çox adamın saxlanıldığını bildirir.
 
Tərcümə: Lida Abbaslı

www.anews.az
Instagram
Keçid et
Oxşar xəbərlər
Oxşar xəbərlər
Rumıniya səfiri Rusiya XİN-ə çağırılıb
Dünya 17:45
Rumıniya səfiri Rusiya XİN-ə çağırılıb
Ermənistan Rusiyaya yeni səfir təyin edib
Dünya 16:48
Ermənistan Rusiyaya yeni səfir təyin edib
Ağ Evin kibertəhlükəsizlik üzrə rəhbəri dəyişdiriləcək
Dünya 12:06
Ağ Evin kibertəhlükəsizlik üzrə rəhbəri dəyişdiriləcək
Putin Çindən Tacikistana yola düşüb
Dünya 18:37
Putin Çindən Tacikistana yola düşüb
Hörmüz boğazında üç neft tankerində yanğın baş verib
Dünya 15:04
Hörmüz boğazında üç neft tankerində yanğın baş verib
Rusiya, Çin və ABŞ arasında üçtərəfli sammitin yekununda birgə bəyanat qəbul olunub
Cəmiyyət 14:54
Rusiya, Çin və ABŞ arasında üçtərəfli sammitin yekununda birgə bəyanat qəbul olunub
Si Cinpin: Böyük dövlətlər arasında qarşıdurma dünyanı xaosa sürükləyir
Dünya 13:29
Si Cinpin: Böyük dövlətlər arasında qarşıdurma dünyanı xaosa sürükləyir
Putin, Tramp və Si Cinpin arasında ilk üçtərəfli görüş başlayıb
Dünya 13:13
Putin, Tramp və Si Cinpin arasında ilk üçtərəfli görüş başlayıb
Tramp və Si Cinpin arasında görüş başlayıb
Dünya 11:41
Tramp və Si Cinpin arasında görüş başlayıb
Anews TV

Rəsmi Youtube kanalımız

Abunə ol