• $
  • €
  • ₽
  • ₺
  • £

Nazarbayevin keçmiş kürəkəni qətldə şübhəli bilinir

Nazarbayevin keçmiş kürəkəni qətldə şübhəli bilinir
29.05.2020 05:18
Qazaxıstanın Baş Prokurorluğu prezident Nursultan Nazarbayevin keçmiş kürəkəni Rahat Əliyevə qarşı yeni ittihamlar sürüb.APA-nın “Tengrinews” xəbər portalına istinadən verdiyi məlumata görə, prezidentin keçmiş qohumunun adı bu dəfə müxalifətçi Altınbek Sarsenbayevin 2006-cı ildə baş vermiş qətli ilə bağlı hallandırılır. Prokurorluq israr edir ki, Rahat Əliyevin bu cinayətlə əlaqəli olması haqqında məlumat 2012-ci ilin aprelində alınıb. İstintaq araşdırmaları R. Əliyevin A. Sarsenbayevin qətlinin sifarişi və təşkilində iştirak versiyasını təsdiq edib. R. Əliyev əvvəllər Qazaxıstan prezidentinin böyük qızı Dariqa ilə evli olub. Bizneslə məşğul olan R. Əliyev eyni zamanda, güc strukturlarında (Milli Təhlükəsizlik Komitəsi, Prezidentin Mühafizə Xidməti) çalışıb. Sonra isə Qazaxıstanın Avstriyadakı səfiri təyin edilib. Bir neçə il əvvəl iki bank menecerinin itkin düşməsi ilə bağlı R. Əliyevə qarşıinsan oğruluğu və hədə ilə pul almaq ittihamları səslənib. Hüquq-mühafizə orqanları əvvəlcə bu ittihamlara cavab verməsə də, R. Əliyev və N. Nazarbayev arasında münasibətlərin gərginləşməsi vəziyyəti dəyişib. Nəticədə R. Əliyev adam oğurluğu və reketçilikdə ittiham edilib, qiyabi olaraq 20 il azadlıqdan məhrum edilib. Prezidentin qızı artıq məhkəmə qərarından öncə Avstriyada yaşayan ərindən ayrılıb. Daha sonra R. Əliyev daha bir ittihamla qarşılaşıb. O, dövlət çevrilişi cəhdində günahlandırılaraq daha 20 il müddətinə azadlıqdan məhrum edilib. R. Əliyev isə bütün ittihamları rədd edir, özünü siyasi təqiblərin qurbanı sayır. Müxalifətçi A. Sarsenbayev 2006-cı ilin fevralında qətlə yetirilib. Qətllə əlaqədar Senatın keçmiş Aparat rəhbəri Erjan Utembayev daxil olmaqla, 10 nəfər azadlıqdan məhrum edilib. Aparat rəhbəri qətlin sifarişçisi qismində ittiham olunub. Qeyd edək ki, hələ 2011-ci ildə Qazaxıstan Prokurorluğu bu işin qapandığını bildirib.  R. Əliyev isə özünün “Xaç atası” kitabında yazır ki, müxalifətçi Sersanbayevin qətlini prezident N. Nazarbayev təşkil edib. Əməliyyatın fəal iştirakçısı, Senatın spikeri Nurtay Abıkayev isə sonradan Milli Təhlükəsizlik Komitəsinin başçısı təyin edilib. ANN.Az
Facebook
Keçid et
Oxşar xəbərlər
Oxşar xəbərlər
Tramp İrana zərbələri bərpa etməyi nəzərdən keçirir
Dünya 22:46
Tramp İrana zərbələri bərpa etməyi nəzərdən keçirir
Gürcüstanda surroqat analıq qadağan edilir
Dünya 19:03
Gürcüstanda surroqat analıq qadağan edilir
Almaniyada kilsədə dəm qazı sızması nəticəsində 19 nəfər zəhərlənib
Dünya 18:30
Almaniyada kilsədə dəm qazı sızması nəticəsində 19 nəfər zəhərlənib
ABŞ-də əyləncə mərasimində atışma nəticəsində doqquz nəfər yaralanıb
Dünya 17:03
ABŞ-də əyləncə mərasimində atışma nəticəsində doqquz nəfər yaralanıb
İstanbulda yaşayış binasının 16 sakini qazdan zəhərlənib
Dünya 15:08
İstanbulda yaşayış binasının 16 sakini qazdan zəhərlənib
DMM-dən “Malatya ayağa qalxdı” iddialarına rəsmi reaksiya
Dünya 14:34
DMM-dən “Malatya ayağa qalxdı” iddialarına rəsmi reaksiya
İranda spirtli içkidən kütləvi zəhərlənmə: 3 nəfər ölüb, 33 nəfər xəstəxanaya yerləşdirilib
Dünya 08:58
İranda spirtli içkidən kütləvi zəhərlənmə: 3 nəfər ölüb, 33 nəfər xəstəxanaya yerləşdirilib
Nigeriyada gəmi qəzasında 26 nəfər ölüb
Dünya 08:43
Nigeriyada gəmi qəzasında 26 nəfər ölüb
Hindistanda spirtli içkidən zəhərlənən 15 nəfər ölüb
Dünya 23:56
Hindistanda spirtli içkidən zəhərlənən 15 nəfər ölüb
Anews TV

Rəsmi Youtube kanalımız

Abunə ol