• $
  • €
  • ₽
  • ₺
  • £

Ağ Ev: Obama 24 apreldə “soyqırım” sözünü işlətməyəcək

Ağ Ev: Obama 24 apreldə “soyqırım” sözünü işlətməyəcək
29.05.2020 05:57
Prezident administrasiyasının vəzifəlisi deyib ki, prezident bu tarixə həsr olunmuş çıxışında ermənicə "meds yeğern” – "qətliam” sözündən isdtifadə edəcək.

Ağ Ev 1915-ci ildə Osmanlı imperiyasında baş vermiş erməni ölümlərinin 100-cü ildönümünə iki gün qalmış bu hadisələrin prezident Obama tərəfindən"soyqırım” adlandırılmayacağını bildirib.

Ağ Evdən alınan xəbərlərdə deyilir ki, administrasiyanın rəhbəri Denis McDonough və ABŞ milli təhlükəszilik müşavirinin müavini Ben Rhodes aprelin 21-də Amerika ermənilərinin liderləri ilə görüşərək "o dəhşətli dövrdə 1, 5 milyon insan həyatının məhvinin yad edilməsinin əhəmiyyətini” müzakirə ediblər.

Amerika Erməni Milli Komitəsinin baş direktoru Aram Hamparian deyib ki, ona və görüşə qatılacaq başqalarına ABŞ prezidenti Barack Obamanın planlaşdırılan 24 aprel yadetmə çıxışında "soyqırım” sözünü işlətməyəcəyi barədə rəsmilər tərəfindən xəbərdarlıq edilib.

"Biz bundan hiddətlənmişik” – deyib Hamparian AzadlıqRadiosuna.

 Bir çox tarixçilər və ölkələr 1, 5 milyon erməninin Osmanlı türkləri tərəfindən qətl və deportasiyalarını "soyqırım” kimi tanıyıblar.

Türkiyə buna etiraz edir və bildirir ki, qurbanların sayı şişirdilir və əslində, ermənilərin ölümləri Osmanlı hökumətinin ölkəni xristian əhalidən "təmizləmək” siyasətinin nəticəsində deyil, vətəndaş münaqişəsinə görə baş verib.

Aram Hamparian: "həqiqətə xəyanət"

Aram Hamparian "Los Angeles Times” qəzetinə bildirib ki, prezidentin bu məsələdə geri çəkilməsi "milli rüsvayçılıq” kimi qiymətləndirilməlidir.

"Bu, həqiqətə və etibara xəyanətdir” – deyib erməni lider.

Ağ Ev rəsmiləri öz qərarlarını Yaxın Şərq münaqişələrində ABŞ-ın yeganə NATO müttəfiqi olan Türkiyə ilə münasibətlərin qorunub saxlanmasının mühümlüyü ilə əsaslandırıblar.

"Əgər bunu Obama da deməsə, kim deyəcək?”

Konqresdə soyqırımın tanınması səylərinə rəhbərlik edən respublikaçı Adam B. Schiff Ağ Evin mövqeyindən məyus olduğunu bildirib:

"Qurbanlar və onların doğmaları bizim ölkəmizin Türkiyəyə Osmanlı imperiyasının qatil keçmişini xatırlatmaq cəsarəti tapmasını hələ nə qədər gözləməlidirlər? Əgər bunu keçmişdə tanınma ilə bağlı bu qədər hüsn-rəğbətlə danışmış prezident də etməyəcəksə, kim edəcək? Əgər bu, 100 ildən sonra da baş verməyəcəksə, nə vaxt baş verəcək?” – deyib konqresmen.

Milli Təhlükəsizlik Şurasının sözçüsü Bernadette Meehan deyib ki, ABŞ "qətliamın ildönümündən bu barədə tam, açıq və ədalətli” danışmaq üçün istifadə edəcək.

Yerevana ABŞ maliyyə naziri gedəcək

Prezident administrasiyasının adının çəkilməsini istəməyən vəzifəlisi deyib ki, Barack Obama bu tarixə həsr olunmuş çıxışında ermənicə "meds yeğern” – "qətliam” sözünü işlədəcək.

"Biz bu il bu barədə başqa ifadənin işlədiləcəyinə ümid edən bəzilərini tanıyır və onlara ehtiram edirik. Biz onların məramını başa düşürük” – deyib rəsmi.

Lakin o bir daha vurğulayıb ki, "bu barədə əvvəllər tutulmuş mövqe düzgündür”, çünki ABŞ hazırda insan həyatlarının xilası üçün Türkiyə ilə əməkdaşlıq edir.

Bu da bəlli olub ki, Yerevanda keçiriləcək 100 illik tədbirlərinə gedən rəsmi ABŞ nümayəndə heyətinə maliyyə naziri Jacob Lew başçılıq edəcək. /azadliq.org

www.ann.az
Facebook
Keçid et
Oxşar xəbərlər
Oxşar xəbərlər
Gürcüstanda surroqat analıq qadağan edilir
Dünya 19:03
Gürcüstanda surroqat analıq qadağan edilir
Almaniyada kilsədə dəm qazı sızması nəticəsində 19 nəfər zəhərlənib
Dünya 18:30
Almaniyada kilsədə dəm qazı sızması nəticəsində 19 nəfər zəhərlənib
ABŞ-də əyləncə mərasimində atışma nəticəsində doqquz nəfər yaralanıb
Dünya 17:03
ABŞ-də əyləncə mərasimində atışma nəticəsində doqquz nəfər yaralanıb
İstanbulda yaşayış binasının 16 sakini qazdan zəhərlənib
Dünya 15:08
İstanbulda yaşayış binasının 16 sakini qazdan zəhərlənib
DMM-dən “Malatya ayağa qalxdı” iddialarına rəsmi reaksiya
Dünya 14:34
DMM-dən “Malatya ayağa qalxdı” iddialarına rəsmi reaksiya
İranda spirtli içkidən kütləvi zəhərlənmə: 3 nəfər ölüb, 33 nəfər xəstəxanaya yerləşdirilib
Dünya 08:58
İranda spirtli içkidən kütləvi zəhərlənmə: 3 nəfər ölüb, 33 nəfər xəstəxanaya yerləşdirilib
Nigeriyada gəmi qəzasında 26 nəfər ölüb
Dünya 08:43
Nigeriyada gəmi qəzasında 26 nəfər ölüb
Hindistanda spirtli içkidən zəhərlənən 15 nəfər ölüb
Dünya 23:56
Hindistanda spirtli içkidən zəhərlənən 15 nəfər ölüb
В Азербайджане впервые пройдет чемпионат Европы по баскетболу
Dünya 18:02
В Азербайджане впервые пройдет чемпионат Европы по баскетболу
Anews TV

Rəsmi Youtube kanalımız

Abunə ol