• $
  • €
  • ₽
  • ₺
  • £

"Amnesty International" Qarabağda bu şəxslərin hüquqlarının pozulduğunu deyir

"Amnesty International" Qarabağda bu şəxslərin hüquqlarının pozulduğunu deyir
17.05.2022 21:44
Dağlıq Qarabağ münaqişəsi zamanı yaşlı insanların hansı xüsusi risklərlə qarşılaşdı. Azərbaycan hakimiyyəti onların mənzil və yaşamaq üçün lazımi gəlir ilə təmin edilməsi üçün gərəkli hər şeyi etməlidir.  Bu "Amnesty International" təşkilatının  mayın 17-də dərc etdiyi yazıda öz əksini tapıb.

"Ən son qaçış: Dağlıq Qarabağda münaqişə zamanı yaşlı insanların məcburi köçürülməsi və onlara qarşı hərbi cinayətlər" adlanan hissədə ermənilərin hüquqlarının pozulmasından bəhs edilir.

"Azərbaycanda yaşlı insanlar üçün məcburi köçkünlük və qayıdışa hazırlıq necə keçir" adlı ikinci hissədə isə Azərbaycanın yaşlı nümayəndələrinin çəkdiyi əziyyətlər söz açılıb.

"Onillər boyunca Ermənistan və Azərbaycan arasında Dağlıq Qarabağ uğrunda münaqişə insanlar üçün iztirab mənbəyi olub. Bütün köçkünlər ilkin yaşayış yerlərinə təhlükəsiz şəraitdə qayıtmaq hüququna malikdirlər. Yaşlı insanların üzləşdiyi xüsusi risklər nəzərə alınmalıdır. Azərbaycan hakimiyyəti onların lazımi mənzil və digər insanlarla eyni şəkildə qazanc əldə etmək imkanı ilə təmin edilməsi üçün ondan asılı olan hər şeyi etməlidir", - təşkilatdan bildirilib.
"Amnesty International" təşkilatı vurğulayıb ki,  Ermənistanın mülki obyektləri məhv etməsi və vətəndaşların əmlakını müsadirə etməsi, habelə yerüstü minalardan geniş istifadəsi beynəlxalq humanitar hüquq normalarının pozuntusudur.

"Bu pozuntular nəinki köçkünlərin qayıtmaq hüququnu həyata keçirməsinə mane olur, həm də Azərbaycanın məcburi köçkünlərin münaqişənin əhatə etdiyi rayonlara köçürülməsi üzrə səylərinə ciddi maneə törədir", - yazıda qeyd olunub.

Bu qeyri-hökümət təşkilatın əsası 1961-ci ildə Böyük Britaniyada qoyulub. Onun məqsədi "özünün insan haqlarının təbliği sahəsində işi kontekstində fiziki və psixoloji toxunulmazlıq hüququnun, vicdan və özünüifadə azadlığının, diskriminasiyadan azad olma azadlığının pozulmasının qarşısının alınması və dayandırılmasına yönəldilmiş tədqiqatlar və hərəkətlər həyata keçirilməsidir. 
 
Ləman Qasımova

www.anews.az
Youtube
Keçid et
Oxşar xəbərlər
Oxşar xəbərlər
Naftalanda üç məktəblini maşın vurub
Cəmiyyət 20:25
Naftalanda üç məktəblini maşın vurub
Bakı metrosunun Qırmızı xəttində qatarların hərəkətində yubanma olub
Cəmiyyət 19:15
Bakı metrosunun Qırmızı xəttində qatarların hərəkətində yubanma olub
Taksi sürücüləri üçün növbəti imtahanın tarixi açıqlanıb
Cəmiyyət 18:08
Taksi sürücüləri üçün növbəti imtahanın tarixi açıqlanıb
DYP sürücülərə xəbərdarlıq edib
Cəmiyyət 17:06
DYP sürücülərə xəbərdarlıq edib
Bakıda avtoxuliqanlıq edən şəxs həbs olunub
Cəmiyyət 16:15
Bakıda avtoxuliqanlıq edən şəxs həbs olunub
Kolleclərə qəbulun məhdudlaşdırılması nəzərdə tutulur
Cəmiyyət 16:01
Kolleclərə qəbulun məhdudlaşdırılması nəzərdə tutulur
Mehriban Əliyeva Vyetnamın vitse-prezidenti ilə görüşüb
Cəmiyyət 15:50
Mehriban Əliyeva Vyetnamın vitse-prezidenti ilə görüşüb
Azərbaycanda nikahların və boşanmaların sayı açıqlanıb
Cəmiyyət 15:16
Azərbaycanda nikahların və boşanmaların sayı açıqlanıb
Bu il 75 üçəm doğulub
Cəmiyyət 15:13
Bu il 75 üçəm doğulub
Anews TV

Rəsmi Youtube kanalımız

Abunə ol