• $
  • €
  • ₽
  • ₺
  • £

Sürücü yol polisinin özbaşınalığından narazıdır - Rəsmi tərəf nə deyir?

Sürücü yol polisinin özbaşınalığından narazıdır - Rəsmi tərəf nə deyir?
08.08.2022 23:00
Masallı rayonu Boradigah qəsəbəsinin sakini 32 yaşlı Elnur Balayev yol polisi tərəfindən sürücülük vəsiqəsinin əlindən alınmasına görə narazılıq edir, bu barədə o Anews.az-a şikayət ünvanlayıb.

Vətəndaşının dediklərinə görə, YPX əməkdaşları Azər Rəcəbli və Vüsal Nağıyev zorakılıqla onu polis bölməsinə aparıb. 

"22 iyul saat 11 radələrində Masallı rayonu Boradigah qəsəbində idarə etdiyim 99-FF-989 dövlət qeydiyyat nişanlı maşınımı 565 çağırışlı avtopatrulu idarə edən YPX əməkdaşları Azər Rəcəbli və Vüsal Nağıyev saxladılar. Narkotik istifadəsi iddiası ilə Masallı Rayon Polis bölməsinə getməyə məcbur etdilər ki, analiz verməlisən”, şikayətçi əlavə edib.

Balayev bildirir ki, yol boyu onun şəxsiyyətini alçadan ifadələr işlədilib və şikayət edəcəyini bildirdikdə əhəmiyyət verilməyib.

"Vüsal Nağıyev yol boyu ağır söyüşlərlə məni təhqir edirdi. Mən sizi Daxili İşlər Nazirliyinə şikayət edəcəm deyəndə istəyirsən prezidentə şikayət elə dedilər. Sənin kimi yüzlərlə adam şikayət edib. Amma gəl gör ki, işdən çıxmışam?”, - o vurğulayıb. 

Analizinin cavabı mənfi çıxan Elnur Balayev avtomobildə pərdə iddiası ilə onu buraxmadıqlarını deyir.

"Analizdən sonra dedim ki, gördüz hərşey tərtəmizdi. Onlar isə maşınımdakı pərdənin qanunsuz olduğunu dedilər. Mən SMS radarın cavabını dedim ki, mayın 1-dən noyabrın 15-nə kimi arxa yan şüşələrə pərdə vurmaq olar. Onlar mənə kəs səsini burda qanun bizik dedilər”, şikayətçi söyləyib.

Elnur polis əməkdaşlarının yetərli iddia tapmadıqları üçün keçmiş məsələləri açdıqlarını söylədi.

"Sürücülük vəsiqən 2 il bundan qabaq nəzarətə götürülüb, sonra yenə sənə verilib dedilər. Mən bunun söhbətə aid olmadığını bildirsəm də onlar sürücülük vəsiqəmi götürdülər. Rəis müavini Ramal bəy məndən sürücülük vəsiqəmi qaytarmaq üçün 20 manat rüşvət istədi. İlk başda verməyəcəm desəm də daha sonra məcbur oldum. Amma o, 200 manat pərdəyə görə qeyri qanuni cərimə protokolu yazdı", deyə Elnur Balayev bildirib.

Daxili İşlər Nazirliyinin Mətbuat Xidmətinin bölmə rəisi Zeyni Hüseynova şikayət ünvanlayan sürücü yenidən Masallı Rayon Polis Şöbəsinin Rəis müavini Ramal Ağaməmmədova yönləndirilib. 

"Daxili İşlər Nazirliyindən zəng gəldi və elə Azər Rəcəbli deyən kimi əsaslandırdılar. Məni rəis müavininə yönləndirdilər. Səhər getdim, o mənə ayıb deyil bizdən niyə şikayət etmisən deyərək qınadı. Mən də sizin vətəndaşı təhqir etməyiniz ayıbdır, mən öz hüquqlarımı bərpa etmək üçün şikayət etmişəm söylədim. O get baxarıq dedi”, deyə o vurğulayıb.

DİN-in Mətbuat Xidmətinin Lənkəran regional qrupunun baş inspektoru, polis baş leytenantı Məhəmməd Rzayev səsləndirilən iddiaların əsassız olduğunu bildirib.

"Həmin şəxs sürücülük hüququ məhdudlaşdırıldığı halda nəqliyyat vasitəsini idarə etdiyi üçün saxlanılıb və bununla bağlı İnzibati Xətalar Məcəlləsinin müvafiq maddəsilə barəsində inzibati protokol tərtib edilib.  Sürücülük vəsiqəsi isə sürücülük hüququ məhdudlaşdırıldığı üçün aidiyyatı üzrə qeydiyyat-imtahan və texniki baxış şöbəsinə göndərilib. Səsləndirilən digər iddiaların heç bir əsası yoxdur. Ona qarşı heç bir qanunsuz tələb irəli sürülməyib”, deyə Məhəmməd Rzayev deyib.
 
Məhluqə Tağıyeva 

www.anews.az
Instagram
Keçid et
Oxşar xəbərlər
Oxşar xəbərlər
Qazaxda 63 yaşlı kişi Kürdə batıb
Cəmiyyət 22:56
Qazaxda 63 yaşlı kişi Kürdə batıb
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
Anews TV

Rəsmi Youtube kanalımız

Abunə ol