• $
  • €
  • ₽
  • ₺
  • £

Aşura günündə işləmək günahdırmı? - AÇIQLAMA

Aşura günündə işləmək günahdırmı? - AÇIQLAMA
08.08.2022 12:45
Bu gün, avqustun 8-də Azərbaycanda aşura günüdür. Ölkənin bəzi bölgələrində bu gün vacib gün kimi, bəzilərində isə ümumiyyətlə qeyd edilmir. Hətta bəzi bölgələrdə aşura günündə ev işləri ilə məşğul olmaq, dükanlara alış-veriş etmək belə günah hesab edilib.

Bəs, Aşura günündə insanların bu cür davranmasının din ilə bağlılığı varmı?

İlahiyyatçı Hacı Sədi deyir ki, bu cür yanaşmaların dinlə bağlılığı yoxdur.

"İmam Hüseynin aşurasını keçirmək  vicdan məsələsidir. Peyğəmbərin ailəsində yas günü olduğu üçün insanlar da bu gün matəm kimi qeyd edirlər. İslamın ən böyük şəhidlərindən biri İmam Hüseyn Əlehsalamdır. Dünya salnaməsində ən böyük rütbəyə malik olan şəhiddir”, - ilahiyyatçı bildirib.

İlahiyyatçının sözlərinə görə, bu gün hətta çörək bişirən zavodlar da işləmir.

"Mənim də yadımdadır ki, bu gün hətta çörək bişirən zavodlar işləmirdi. Mən də istəməzdim belə olsun. Amma bu insanların şəxsi məsələsidir. Bəlkə də həmin gün ailələr ziyarətlərə gedir deyə işləməyi vacib hesab etmir. Hətta bəziləri ev işləri görmür. Necə ki, insanın ailəsində yas mərasimi olar iş görməz. Bunu da onun kimi qəbul edib iş görməzlər”, Hacı Sədi söyləyib. 
 
Milli Məclisin İctimai Birliklər və dini qurumlar komitəsinin üzvü deputat Cavanşir Paşazadənin fikrincə, bu günü necə qeyd etmək insanların şəxsi məsələsidir.
 
"Məsələn mən hazırda qan vermə aksiyasında iştirak etdim. İnsanların yanaşması fərqlidir. Bu gün işləmək və ya harasa getməyin günah olması barəsində dində heç bir əsas yoxdur. Mən ümumiyyətlə belə bir hal ilə rastlaşmamışam", deyə deputat vurğulayıb.

Bu gün Hicri-Qəməri təqvimi ilə Məhərrəm ayının 10-cu günü - Aşuradır. Məhərrəm ayında əzadarlıq mərasimləri İslam peyğəmbəri Məhəmməd əleyhissalamın nəvəsi İmam Hüseyn əleyhissalamın, onun ailə üzvləri və tərəfdarlarının şəhid olması ilə əlaqədar keçirilir. Onlar hicri-qəməri təqvimi ilə 61-ci ildə Kərbəlada şəhid ediliblər. Aşura günü İmam Hüseyn əleyhissəlamın ailəsi və səhabələri ilə birlikdə haqq uğrunda şəhadətə yetişdiyi gün kimi İslam tarixinə faciəvi, eyni zamanda qürurverici hadisə kimi daxil olub.  Avqustun 28-i Məhərrəm ayı başa çatır, 29-dan isə Səfər ayı başlayır və sentyabrın 26-da başa çatacaq.

Hicri təqviminin ilk iki ayında (Məhərrəm və Səfər ayları) Azərbaycanın əksər bölgələrində toy mərasimləri keçirilmir. Azərbaycanda Aşura günündə ənənəvi olaraq qanvermə aksiyaları keçirilir. Son illər Məhərrəmlik dönəmində Qafqaz Müsəlmanları İdarəsinin (QMİ) təşəbbüsü ilə gerçəkləşən və xalq tərəfindən təqdir edilən aksiya, tibbi ehtiyaclar üçün Kərbəla şəhidlərinin xatirəsinə qan verilməsi ən münasib əzadarlıq nümunəsidir.


Gülnar Nazimqızı 


www.anews.az
Youtube
Keçid et
Oxşar xəbərlər
Oxşar xəbərlər
Qazaxda 63 yaşlı kişi Kürdə batıb
Cəmiyyət 22:56
Qazaxda 63 yaşlı kişi Kürdə batıb
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
Anews TV

Rəsmi Youtube kanalımız

Abunə ol