• $
  • €
  • ₽
  • ₺
  • £

Azərbaycanda bağ evindən qara brilyant oğurlanıb

Azərbaycanda bağ evindən qara brilyant oğurlanıb
08.08.2022 17:44
Abşeron rayonu Digah qəsəbəsi ərazisində yerləşən bağ evindən içi pul və qızıl-zinət əşyaları ilə dolu seyf oğurlayan şəxslərdən ikisi məhkəmə qarşısına çıxarılıb.

"Qafqazinfo”nun əldə etdiyi məlumata görə, Türkiyə vətəndaşları Orhan Orbay və Emrah Huseyn Cinayət Məcəlləsinin 177.4 (Oğurluq-xüsusilə külli miqdarda ziyan vurmaqla) və 326.2-ci (Rəsmi sənədləri, ştampları, möhürləri talama) maddələri ilə ittiham ediliblər.

Araşdırmalar zamanı məlum olub ki, onlar istintaqdan hələ ki, yayınmış Haydar və Tahir adlı digər Türkiyə vətəndaşları ilə birlikdə Digah qəsəbəsində Yusif Mikayılovun evindən oğurluq planlaşdırıblar. Qrup üzvləri 2019-cu il dekabrın 31-də ev sahibinin mənzildə olmamasından istifadə edərək gecə saatlarında mənzilə daxil olaraq divardakı seyfi sökərək çıxarıblar və həyətə endirərək arabaya qoyublar. Onlar seyfi araba ilə küçəyə çıxarıblar və gəldikləri "Niva” markalı avtomobilə qoyaraq Maştağa qəsəbəsində kirayə yaşadıqları mənzilə aparıblar.

İttiham aktında qeyd edilib ki, 700 manat dəyəri olan 120x50 sm ölçülü seyfdə 120 100 dollar nağd pul, 48 000 dollar dəyərində qara brilyant dəsti, 60 000 dollar dəyərində yumru formalı brilyant dəsti, 8 ədəd 585 əyarlı ümumilikdə 80 000 manat dəyərində 800 qram qızıl tros boyunbağılar və onlarla digər bahalı qızıl-zinət əşyaları, bahalı daş-qaşlar, eləcə də ev sahibinin və ailə üzvlərinin mülkiyyət, şəxsiyyət, təltiflər, diplomlar, partiya bileti və digər mühüm sənədləri olub. Ev sahibinə ümumilikdə 571 145 manat ziyan vurulub.

Məhkəmə istintaqı zamanı təqsirləndirilən şəxslər cinayətin Tahir və Haydar tərəfindən təşkil edildiyini, onlara müəyyən işlərdə dəstək verdiklərini bildiriblər. Seyfdən çıxan qızıl-zinət və pulun miqdarının şişirdildiyini də əlavə ediblər.

O da bildirilib ki, qrup üzvlərindən ikisi beynəlxalq axtarışa verilərək Gürcüstan ərazisində saxlanılaraq Azərbaycana gətiriliblər, digər iki şəxsi istintaqa cəlb etmək isə hələlik mümkün olmayıb.

Sumqayıt Ağır Cinayətlər Məhkəməsinin 28 iyul 2022-ci il tarixli hökmü ilə Orhan Özbah və Erhan Hüseynin hər biri 10 il müddətinə azadlıqdan məhrumetmə cəzasına məhkum edilib.

www.anews.az
Facebook
Keçid et
Oxşar xəbərlər
Oxşar xəbərlər
Qazaxda 63 yaşlı kişi Kürdə batıb
Cəmiyyət 22:56
Qazaxda 63 yaşlı kişi Kürdə batıb
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
Anews TV

Rəsmi Youtube kanalımız

Abunə ol