• $
  • €
  • ₽
  • ₺
  • £

Bakıda qazi tanışını güllələyib

Bakıda qazi tanışını güllələyib
09.08.2022 16:52
Bakıda tanışını güllələyən Vətən müharibəsi qazisi barəsində açılmış cinayət işi üzrə məhkəmə prosesi başa çatıb.
 
1987-ci il təvəllüdlü Tural Məmmədov barəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə açılmış iş üzrə hökm elan edilib.
 
Avqustun 3-də elan edilən hökmə əsasən, T.Məmmədov barəsində 2 il sınaq müddəti təyin edilməklə şərti cəza təyin edilib və o, məhkəmə zalından azadlığa buraxılıb.
 
Güllələnmə hadisəsi bu il fevralın 21-də baş verib. Vətən müharibəsi qazisi Tural Məmmədov Binə qəsəbəsi ərazisində İlkin adlı tanışını "Escort” markalı tüfənglə güllələyib. Hadisəyə səbəb Turalın Binə qəsəbəsinin daxilində marşrut xətti üzrə avtobus istismara verməsi olub. Bu isə həmin ərazidə marşrut xətti işlədən Əfqan adlı şəxsin marağına toxunub və həmin şəxs Turala məxsus avtobusun qarşısını kəsərək hərəkətinə mane olub, avtobusdakı sərnişinləri düşürərək öz avtobusunun fəaliyyətini davam etdirdiyini bildirib. Bundan sonra tərəflər arasında münaqişə yaranıb. Əfqan Turalla görüşə qohumu İlkin adlı şəxslə gedib. Tural isə həmin yerə avtomobilinə silah qoyaraq yollanıb.
 
Görüş zamanı Turalla İlkinin arasında sözlü mübahisə başlayıb və o, özü ilə gətirdiyi tüfənglə İlkinə atəş açaraq ona qarın nahiyəsindən ağır xəsarətlər yetirib. Hadisə yerinə özünü çatdıran Tural Məmmədovun qardaşı Vüsal Məmmədov silahı onun əlindən alıb.
 
Məhkəmədə ekspertiza rəyi elan edilib. Bildirilib ki, hadisə vaxtı T.Məmmədov affekt vəziyyətində olmasa da, onun psixoloji problemləri var.
 
Həmçinin zərərçəkmiş şəxs Turalı bağışladığını, onun həbsdən azad edilməsini istədiyini deyib.
 
Məhkəmə T.Məmmədovun ilk dəfə cinayət törətməsini, Vətən Müharibəsində rəşadətlə iştirak etməsini, günahını səmimi etiraf etməsini, zərərçəkmiş tərəfin şikayətçi olmamasını, onun 5 ay 12 gün (bu il fevralın 22-dən) həbsdə saxlanılmasını nəzərə alaraq barəsində yüngül cəza təyin edib.

www.anews.az
Youtube
Keçid et
Oxşar xəbərlər
Oxşar xəbərlər
Qazaxda 63 yaşlı kişi Kürdə batıb
Cəmiyyət 22:56
Qazaxda 63 yaşlı kişi Kürdə batıb
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
Anews TV

Rəsmi Youtube kanalımız

Abunə ol