• $
  • €
  • ₽
  • ₺
  • £

İnternetin qiyməti qalxdı - Nəticələri necə olacaq?

İnternetin qiyməti qalxdı -  Nəticələri necə olacaq?
12.08.2022 15:45
Rəqəmsal İnkişaf və Nəqliyyat Nazirliyinə məxsus "Aztelekom” və "Bakı Telefon Rabitəsi” ("Baktelecom”) MMC-lər GPON texnologiyasının tətbiqi istiqamətində 4 Mb/s və 10 Mb/s tariflərini ləğv edərək, uyğun olaraq 15 Mb/s və 30 Mb/s tarif paketinə köçürüb. Nəticədə əvvəl 4 Mb/s internet tarifinin aylıq abunə haqqı 10 manat təşkil edirdisə, dəyişiklikdən sonra 15 Mb/s internet tarifinin aylıq ödənişi 15 manata kimi artıb. Digər 10 Mb/s internet tarifi  30 Mb/s qədər artdığından internetin qiyməti də 12,5 manatdan 18 manata kimi artıb. Bu barədə adı çəkilən şirkətlər məlumat verir.
 
Azərbaycan İnternet Forumunun prezidenti Osman Gündüzün fikrincə,  yeni qərar istifadəçi maraqlarına uyğun deyil.
 
”Aztelekom” və "Baktelecom” sadəcə öz infrastruktrunu yenilədiklərindən belə bir təşəbbüslə çıxış ediblər. Əslində onlar yaxşı bir infrastruktur qurublar, amma atdıqları addım  istifadəçi maraqlarına uyğun deyil. İndi birdən-birə belə böyük sürətlər tətbiq ediblər. Onun fonunda aşağı sürətləri ləğv etmək bir qədər düzgün yanaşma deyil”, ekspert deyib.
 
Rayonlarda internetin sürəti məsələsinə toxunan Osman Gündüz bu istiqamətdə Rabitə və Yüksək Texnologiyalar Nazirliyinin  iki illik layihə həyata keçirdiyini bildirib.
 
 "Bildiyim qədəri ilə nazirlik artıq bu istiqamətdə iki illik bir layihə həyata keçirib. Yəni, iki ildə Azərbaycanın ən ucqar nöqtəsində də, Bakının mərkəzində də keyfiyyətli internetə əlçatanlılıq olmalıdır.Hələlik bu problem var, amma nazirlik deyir ki, bunu həll edəcəm”,- Osman Gündüz qeyd edib.
 
 O, həmçinin, rayonlarda yaxın gələcəkdə özəl provayderlərin sayının artacağını da vurğulayıb.

 "Nazirlik son vaxtlar özəl provayderləri də bu işlərə cəlb edib. Dövlət-özəl tərəfdaşlığı nəticəsində bölgələrdə çalışan  provayderlər də bu işlərə cəlb edilir, keyfiyyətli internet infrastruktrunun qurulur”, Osman Gündüz əlavə edib.
 
 Rəqəmsal İnkişaf və Nəqliyyat Nazirliyinin "Aztelekom" İstehsalat Birliyi 1992-ci ilin avqustunda yaradılıb. Hazırda "Aztelekom" 57 yerli Telekommunikasiya müəssisəsi (Gəncə Telekommunikasiya İdarəsi daxil olmaqla), Beynəlxalq Avtomat Telefon Stansiyası (BATS) və Kabel Magistralları Texniki Qovşağı (KMTQ) birləşdirir. Azərbaycan Respublikasının Milli rabitə operatoru olan Aztelekom fərdi və korporativ müştərilərə, rabitə operatorlarına və digər istifadəçilərə müxtəlif telekommunikasiya xidmətlərini göstərir.
 
Bakı Telefon Rabitəsi MMC isə  Bakı şəhəri ərazisində dövlət və idarəetmə orqanlarına, idarə, müəssisə və təşkilatlara, xarici hüquqi şəxslərə, onların nümayəndəliklərinə, əhaliyə simli və simsiz texnologiyalar vasitəsilə stasionar telefon, genişzolaqlı internet, rəqəmsal TV və bir sıra digər telekommunikasiya və multimedia xidmətləri göstərən şirkətdir.
 
Sadiq Cavadov

www.anews.az
Facebook
Keçid et
Oxşar xəbərlər
Oxşar xəbərlər
Qazaxda 63 yaşlı kişi Kürdə batıb
Cəmiyyət 22:56
Qazaxda 63 yaşlı kişi Kürdə batıb
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
Anews TV

Rəsmi Youtube kanalımız

Abunə ol